Teńge: Derek pen dáıek

Bıyl Jambyl obly­syn­da­ǵy údemeli ındýstrııalyq-ın­nova­sııa­lyq damý baǵdar­la­ma­sy sheberinde 8 ınvestı­sııa­lyq joba júzege asyrylady. Onyń jalpy somasy 21,5 mıllıard teńgeni quraıdy. Jobalardyń iske asýy nátı­je­sinde qosymsha 1139 jańa ju­mys orny ashylmaq. Atap aıt­saq, alǵashqy jarty jyldyqta úsh ınvestısııalyq joba iske qosylady. Olar: Aqbaqaı klasteri, tamshylatyp sýarýǵa ar­nal­ǵan polıetılen qubyrlaryn jasaıtyn Taraz qubyr zaýyty jáne dıodty jaryq beretin shamdar shyǵaratyn «Enerdjı Taraz» JShS-nyń jobasy. Al ekinshi jarty jyldyqta qalǵan bes joba tolyqtaı iske qosylmaqshy.

Kósemáli SÁTTIBAIULY. Jambyl oblysy.

137 Bıyl Atyraýda osynsha túlek «Altyn belgi» ıegeri atandy. Sońǵy jyldary Atyraýdaǵy mektepterdi bitirýshi túlekter­diń bilim sapasy artyp keledi. Sonyń kýásindeı bıylǵy 5710 mektep bitirýshiniń arasynan 137 túlek «Altyn belgi» ıegeri atan­dy. Al 59 túlektiń mektepten alǵan bilimi «Úzdik attestatpen» atalyp ótti. Sondaı-aq, 21 mektep bitirýshi halyqaralyq, respýb­lı­ka­lyq olımpıadalarǵa qa­tysyp, júldeli oryndardan kórindi. Oblystyq bilim basqar­ma­sy­nyń bastyǵy Kıikbaı Jaýlın­niń málimetinshe, mektep bitirýshiler arasynan UBT-da 5 oqý­shy eń joǵary kórsetkishke, ıaǵnı 125 ballǵa ıe bolǵan. «Altyn belgini» kóp alǵan mektepterdiń ishinde aǵylshyn tilin tereń­de­tip oqytatyn tehnıkalyq gım­nazııanyń baǵy janyp tur. Osy bilim ordasynan bıyl 12 túlek «Altyn belgi» ıelendi.

Joldasbek ShО́PEǴUL, Atyraý oblysy.

7  paıyz Aqmola oblysynda ekonomıkanyń jyl saıynǵy ósimi osyndaı kórsetkishpen órnektelmek. Josparlanǵan ındıkator­lar­­ǵa qol jetkizý úshin qajetti resýrs­tar men alǵysharttar bar. 2010 jyly 2000 jylmen sa­lys­tyrǵanda aımaqtyq ishki jalpy ónimniń kólemi 7,6 esege nemese 562,4 mıllıard teńgege, óner­ká­sip óndirisi – 6 esege, aýyl sha­rýashylyǵy – 2 esege, ınvestısııalar jumyldyrý – 80 esege, turǵyn úı alańyn iske qosý  5,7 esege ósti. Resmı tirkelgen ju­mys­syzdyq deńgeıi 11,5 esege, ıaǵnı 4,6 paıyzdan 0,4 paıyzǵa deıin tómendese, ortasha aılyq jalaqy 6 esege ósip, 51 866 teń­geni qurady. 2010-2014 jyldarǵa arnal­ǵan memlekettik údemeli ındýs­trııalyq-ınnovasııalyq damý baǵdarlamasynyń sheńberinde byltyr 73,6 mıllıard teńgeniń 15 nysany iske qosylsa, bıyl 16 nysan paıdalanýǵa berilmek.

Baqbergen AMALBEK, Aqmola oblysy.