Halyqtyq daýys berý arqyly eń úzdik Baıan Sulý obrazyn tańdaý sharasy bastalǵan-dy. «BAYAN SULU-2018» Halyqtyq beıne – Halyq tańdaýy» bastamasynyń demeýshisi qostanaılyq «Baıan Sulý» kondıterlik fabrıkasy bolatyn.
Jobaǵa qatysýǵa 18-35 jas aralyǵyndaǵy qazaqstandyq qyz-kelinshekter shaqyrylǵan. Uıymdastyrýshylardyń deregi boıynsha, tıisti merzim ishinde ótinish bildirýshiler sany jıyrma myńnan asyp, irikteý kezeńinen úsh myń qatysýshy ótken.
Al 13 mamyr kúni ótken onlaın-daýys berý nátıjesine oraı respýblıka boıynsha eń kóp daýys jınaǵan 5 qatysýshynyń esimi anyqtalyp, fınaldyq kezeńge joldama alǵan bolatyn. Olardyń qatarynda Adınaı Rımhash (Astana), Janar Sákenova (Atyraý), Aıgerim Qalıeva (Almaty), Madına Lepesbaı (Aktaý), Qorlan Murat (Almaty) bar.
Aqtyq báseke 19 mamyr kúni ótkizildi. Fınal qatysýshylaryn quramyna tanymal tulǵalar men elimizdiń mádenıet salasynyń ókilderi kirgen ádilqazylar alqasy baǵalap, júzden júırikterdi anyqtady. «Baıan Sulý» kondıterlik fabrıkasynyń ókili jáne uıymdastyrý komıtetiniń tóraǵasy Marlen Abylǵazınovtyń aıtýynsha, úzdikterdi anyqtaý árıne ońaıǵa soqqan joq. Fınalǵa ótken bes jeńimpazdyń árqaısysy jeńiske ábden laıyqty. Ár arýdyń tabıǵaty da, talanty da erekshe ekendigi anyq.
Fınal shartyna sáıkes baıqaý talaptaryn jaqsy kórsetkishtermen oryndap, ádilqazylar alqasynyń kóńilinen shyqqan, bııazylyq pen ádemilikti, ınnabattylyqty kórsete bilgen 19 jastaǵy astanalyq Adınaı Rımhash respýblıkalyq baıqaýda úzdik shyqty. Jeńimpaz arýǵa avtokólik syıǵa tartyldy. Sonymen birge Adınaı Rımhash jyl boıyna «Baıan Sulý» kondıterlik markasynyń resmı beınesin usynatyn bolady.
Elvıra SERIKQYZY,
«Egemen Qazaqstan»
ALMATY