Aımaq basshysy Qumar Aqsaqalov 73-shi Halyqaralyq Kann kınofestıvalinde «Úzdik áıel róli» atalymy boıynsha jeńimpaz atanǵan jerlesimiz Samal Eslámovany arnaıy qabyldap, úlken jeńisimen quttyqtady.
Kezdesýge aktrısanyń ata-anasy Ilııas, Gúlmaıra Eslámovter, alǵashqy synyp jetekshisi Zýhra Saparova, Sábıt Muqanov atyndaǵyqazaq sazdy-drama teatrynyń akterleri, óner kolledjiniń oqytýshylary men stýdentteri qatysty.
Qumar Irgebaıuly óz sózinde onyń osy joǵary ataqqa TMD elderi arasynan birinshi bolyp qol jetkizgenin, únemi shyǵarmashylyq izdenisterge umtylyp, jankeshti eńbegimen, tabıǵı daryn-qabyletimen bıik belesterdi baǵyndyryp kele jatqan atap kórsetti. Álemdegi eń tanymal kınobaıqaýdaǵy bul jetistik Qazaqstan úshin zor mártebe.Qazaqtyń atyn shyǵaryp, rýhyn kóterdi. Alystaǵy aýyldan, qarapaıym otbasydan shyqsa da ónerdegi bıik jolyna bárimiz kýámiz. Adamnyń ishki rýhanı álemi ata-jurtynan, týǵan jerinen, tarıhynan nár alady. Oǵan Samaldyń búgingideı marapaty dálel. Juldyzynyń jarqyraı túsýine tilektespiz, dedi .
Kann halyqaralyq kınofestıvaliniń jeńimpazy jerlesteriniń ystyq yqylasqa toly quttyqtaýlary men qoldaýlary úshin júrekjardy alǵysyn jetkizdi. Týǵan jerge tabanym tıip edi, qobaljyǵan kóńilim sap basyldy. Kóp jyl boıy jyraqtajúrgen men úshin atamekennen asqan qymbat dúnıe joq, dedi ol úlken tebirenispen. Sóz arasynda onyń Petropavl óner kólledjin, Reseıdiń teatr óneri ýnıversıtetin bitirgenin, «Qyzǵaldaq» fılminde tyrnaqaldy rólin somdap, Fransııada «Erekshe kózqaras» konkýrsynyń bas júldesin oljalaǵanyn aıta ketken jón.
Jyly júzdi júzdesý sońynda Qazaqstannyń abyroıyn asqaqtatyp, mereıin ósirgen Samal Eslámovaǵa úsh bólmeli páterdiń kilti tabys etildi. Ata-anasy alǵys hatpen marapattaldy.
О́mir ESQALI,
«Egemen Qazaqstan»
Soltústik Qazaqstan oblysy