Sport • 17 Tamyz, 2017

Jarystar kúndeligi (17.08.2017)

254 retkórsetildi

Tennıs

Qazaqstandyq tennısshi Aleksandr Býblık AQSh-ta ótken jekeleı syndaǵy halyqaralyq ATP Challenger týrnıriniń jeńimpazy atandy. Ol fınaldyq saıysta brıtanııalyq tennısshi Lıam Broýdıdi eki sette 6:2, 6:3 esebimen jeńdi.

Týrnırdiń júlde qory  100 myń AQSh dollaryn quraıdy. Eske sala ketsek, bul Aleksandr Býblıktiń ATP Challenger serııasyna enetin týrnırdegi ekinshi jeńisi. Alǵash ret ol osy jyldyń aqpan aıynda Meksıkada ótken básekede jeńimpaz atanǵan edi.

Voleıbol

Voleıboldan qyzdar arasynda ótip jatqan Azııa chempıonatynda Qazaqstan quramasynyń sportshylary Vetnam qyzdarynan bes partııaǵa sozylǵan oıynda jeńilip qaldy. Alǵashqy eki partııada otandastarymyz qarsylastarynan basym túsip jatqan bolatyn. Alaıda sońǵy úsh partııada vetnamdyq áriptesterine upaı berip qoıdy. Qorytyndy esep, 3:2 (25:22, 25:18, 21:25, 20:25, 15:5).
Endi otandastarymyz Azııa chempıonatynyń sońǵy kúninde birinshiliktiń jetinshi oryny úshin jarys qojaıyndary Fılıppın eliniń sportshylarymen kim myqtyny anyqtaıdy. 

Velosport

Almatyda sport kúnine oraı áýesqoı velosportshylar arasynda «Tour of World Class Almaty» velojarysy ótedi. Sporttyq shara 20 tamyz, ıaǵnı jeksenbi kúnge josparlanǵan. Bıylǵy týrnırge byltyrǵyǵa qaraǵanda azdap ózgeris engizilgen. 
Búginde aıtýly sharaǵa 750 adam tirkeýden ótip, jarysqa qatysýǵa nıettenip otyr. Sony­men qatar, Almatydaǵy belgili velokomandalar: Almaty Bro Team, World Class Almaty, Alatau Racing Team, Apple City Team, Isker Company, Good Energy toptary da baq synaıdy. Qatysýshylar 14, 34 jáne 57 shaqyrymdyq qashyqtyqty baǵyndyrady. 

Ýnıversıada-2017

Almatyda stýdentter arasynda ótken Qysqy ýnıversıada halyqaralyq jarys­tardyń tarıhyndaǵy eń úzdigi dep tanyldy. Bul týraly Halyqaralyq stýdenttik sport qaýymdastyǵynyń (FISU) atqarýshy komıtetiniń sarapshylar keńesiniń qorytyndy esebinde aıtyldy. Otyrys kezinde keńestiń jetekshisi Mılan Avgýstın sóz sóılep, 2017 jylǵy Ýnıversıadanyń jetistikterin aıtty.
Aıta keteıik, XXIX Jazǵy Ýnıversıada 19 tamyzda Taıbeıde bastalady. Bul jarysta qazaqstandyq sportshylar jeńil atletıka, júzý, boks, kúres jáne basqa da sport túrleri boıynsha synǵa túsedi.

Ázirlegen 

Álı BITО́RE,

«Egemen Qazaqstan»
 

Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Uqsas jańalyqtar