Hokkeı • 19 Qyrkúıek, 2017

«Barystyń» ekpini báseńdedi

159 retkórsetildi

Elordanyń «Barys» hokkeı klýby Qurlyqtyq hokkeı lıgasynda syrt alańdaǵy sońǵy úsh kezdesýinde jeńiske jetip, mereıimizdi ústem etken bolatyn. Alaıda, ótken aptada «Barys» komandasy Astanadaǵy «Barys Arena» muz saraıynda Novosibirdiń «Sıbır» hokkeı klýbyna qarsy eki oıyn ótkizip, ekeýinde de jeńilip qaldy. 

 

Alǵashqy match qyr­kúıek­tiń 15-i kúni ótip, «Ba­rys» 1:3 esebimen ese ji­ber­di. Matchtyń birinshi jáne ekinshi kezeńinde komandalar qorǵanysta sát­ti oınap, bir-biriniń qaq­pasyna shaıba soǵa almady. Máseleniń bári úshin­shi kezeńde sheshildi. «Barystyń» kanadalyq shabýyl­shysy Mett Fret­tın oıynnyń 41-shi mınýtynda shaıba soǵyp, komandamyzdy alǵa shyǵarǵan bolatyn. Eki kezeńde shaıba soǵylmaǵan soń, mamandar «Barys» osy esepti saqtap, jeńiske jetedi dep boljap jatqan. Biraq, «Sıbır» báriniń aýyzyna qum quıdy. Aradan eki mınýt ótkende qarsylas komandanyń oıynshysy Patrık Zakrısson esepti teńestirse, Aleksandr Bergstrem 52-shi mınýtta tablodaǵy kórsetkishti 2:1-ge jetkizdi. Match aıaqtalýǵa bir mınýt qalǵanda qonaq komandanyń hokkeıshisi Vıacheslav Osnovın «Sı­bır­diń» bul oıyndaǵy soń­ǵy shaıbasyn soqty. Qorytyndy esep – 3:1.

Araǵa eki kún salyp qos komanda «Barys Arenada» ekinshi ret kezdesti. Bul match­ta da qonaqtar «Barys» klýbynan aılasyn asyryp ketti. Birinshi kezeńniń segizinshi mınýtynda Ionas Enlýnd matchtaǵy esepti ashty. Arada bes mınýt ót­kende Ivan Vereshagın mer­gendigimen kózge túsip, esepti 2:0-ge jetkizdi.

Ekinshi kezeńde qonaqtar sapyndaǵy Vladıslav Naý­mov qaqpamyzǵa úshin­shi shaıbany saldy. Al oıyn núktesin 57-shi mınýt­ta Vıa­cheslav Osnovın qoıdy. Esep – 4:0. Eki match qory­tyndysy boıynsha jalpy esep – 7:1-ge jetti. Sóıtip, «Barys» komandasy óz ala­ńyn­da eki oıynda da je­ńiliske ushyrady.

Qurlyqtyq hokkeı lı­gasynyń «Shyǵys» aı­ma­­ǵyndaǵy týrnır kes­te­­sin­de kósh bastap tur­ǵan «Ba­rys» komandasy osy je­ńilisterden soń 19 upaımen be­sinshi oryn­ǵa túsip qaldy. No­vo­sibir­diń «Sıbır» klýby «Ba­ryspen» birdeı upaı jınap, altynshy orynǵa kó­terildi. Biraq olardyń  «Ba­rystan» bir oıyny artyq.

Endi «Barys» hokkeı klýby kelesi oıynyn 21 qyrkúıekte Mınskiniń «Dı­n­amosyna» qarsy ótki­zedi. Match «Barys Arena» muz saraıynda ótedi.

Álı BITО́RE,
«Egemen Qazaqstan»

Sońǵy jańalyqtar

Koronavırýs hám kóshe sýretteri

Álem • Búgin, 10:51

Jetisaılyq jomart jandar

Aımaqtar • Keshe

Ishan baǵy qaıta qalpyna keledi

Rýhanııat • Keshe

? (Suraq belgisi) Poema

Ádebıet • Keshe

Senzýrasyz Abaı

Rýhanııat • Keshe

Uqsas jańalyqtar