Eýropa tórindegi óner saıysyna barǵan «Nurshashý» bı ansambliniń ónerli qyzdary ulttyq bı mánerindegi shyǵarmalarymen kórermenderdiń kózaıymyna aınalyp, júldeli ekinshi oryndy jeńip aldy. Bul festıvalda naǵyz júzden júırik, myńnan tulparlar ǵana baq synady.
«Ocherovanıe Bogemıı» atty balalar men jasóspirimder shyǵarmashylyǵynyń bedeldi halyqaralyq festıvali 2005 jyldan beri uıymdastyrylyp keledi. Osy joly óner saıysyna álemniń jeti memleketinen 250-ge tarta jasóspirim qatysqan. Olardyń ishinde Reseı, О́zbek- stan, Lıtva, Chehııa syndy elder bar. Qazaqstannyń namysyn qorǵaǵan «Nurshashý» qyzdar bı ansambli 12 jyldan beri úmitterin úkilep keledi eken. Bul jolǵy jeńis sonyń nátıjesi.
Toptyń kórkemdik jetekshisi Mánshúk Musaevanyń aıtýynsha, atalmysh festıval balalardyń oı-órisiniń ósýine de, el kórip, jer kórip, talantynyń ushtalýyna da septigin tıgizdi. «Jeti memlekettiń ishinde ekinshi oryn alý – biz úshin úlken jetistik. Aldaǵy ýaqytta budan da bıik belesterdi baǵyndyratynymyz sózsiz. Men osy arada bilim uıasynyń basshysyna, ujym múshelerine erekshe rızalyǵymdy bildirgim keledi. Aırandaı uıyǵan ortanyń bereke-birligi bolmasa, mundaı jeńis tuǵyrynan kórinýimiz ekitalaı edi», deıdi ol.
Mıras ASAN,
«Egemen Qazaqstan»
