Parlament • 28 Mamyr, 2018

Balalar týrızmin damytý ózekti

680 ret kórsetildi

Búgingi tańda jastar men jasóspirimder týrızmi men ólke­tanýdy damytý bizdiń memle­ketimizde óte ózekti ári ol Elba­synyń «Bolashaqqa baǵdar: rýhanı jańǵyrý» maqalasynda qam­tylǵan ıdeıa­men úılesim tabady. 

Qazaqstanda balalar men jas­­­­­­ós­pirim­der arasyndaǵy tý­rızm,­ ól­ketaný qyzmeti salasyn­da jınaq­­talǵan tá­jirıbe az emes. Jas­ós­pirimderdiń tý­rıs­tik orta­lyqtary ha­lyqaralyq qaty­nastar aıasynda ish­ki jáne syrtqy týrızmdi da­my­týda. 

Alaıda balalar týrızmin damy­týǵa arnaýly týrıstik ókilder spek­triniń shekteýli bolýy balalar tý­rızmi ın­fraqurylymynyń damymaýy, zańdyq baza jetispeýshiligi jáne balalar týrızmin damytýdaǵy biryńǵaı standarttar qyzmetiniń jetkiliksizdigi sııaqty faktorlar kedergi bolýda. Osyny eskeretin bolsaq, búgingi tańda balalar jáne jasóspirimder týrızmi men ólketaný respýblıkalyq ortalyǵyn qurý qajettiligi týyndap otyr. Atalǵan másele buǵan deıin de birneshe márte kóterilgen bolatyn, degenmen búginge deıin naqty sheshimin tap­paı keledi. 

Respýblıkalyq ortalyqtyń ja­nynan elordada respýblıkalyq jarystar men festıvaldardyń, sony­men qatar jas týrısterdiń ekskýr­sııalyq toptaryn qabyl­daıtyn ar­naıy týr­bazalardyń bolǵany jaq­­sy bolar edi. Mundaı qurylym mysaly, «Týǵan ólkeden – Astanaǵa deıin» atty respýblıkalyq týrıs­tik-ekskýrsııalyq marafondy óte nátıjeli ótkizýge yqpalyn tıgize­tini sózsiz. Al týrıstik-ólketaný ba­­ǵy­­tyndaǵy qosymsha bilim be­rý baǵ­darlamasyn júzege asy­rýshy bilim berý uıymdarynyń bas­shy­larynyń Respýblıkalyq úıles­tirý keńesiniń basshylyq deńgeıin Premer-Mınıstrdiń orynbasary deń­geıine kóterse, quba-qup bolar edi.

Sondaı-aq barlyq oqý oryn­da­ryndaǵy, tipti eń shalǵaı qystaqtar­daǵy barlyq balalardy óziniń yq­pa­­ly­men qamtıtyn oblystyq, qala­lyq, aýdandyq ortalyqtar nemese ba­lalar týrızmi stansalar jelisin qalyptastyrý boıynsha sharalar qabyldaǵan jón. Respýblıka bo­ıynsha mundaı stansalardy qurý barysynda, olardy jalǵa alynatyn emes, menshikti úı-jaılarmen, jyl boıyna sozylǵan týrıstik keshendermen nemese maýsymdyq týrıstik bazalarmen qamtamasyz etken durys. Árıne olar qajetti týrıstik qural-jabdyqtarmen tolyq qamtamasyz etilýi qajet.
Bizdiń oıymyzsha, joǵaryda aıtyl­ǵan sharalardy qabyldaý qoǵam­dyq sanany jańǵyrtýǵa baǵyt­talǵan mindet­terdi tolyqqandy júzege asyrýǵa múmkindik beredi. Son­dyqtan biz Premer-Mınıstr B.Saǵyn­taev­tyń atyna depýtattyq saýal joldap, atalǵan máseleni sheshý  joldaryn qarastyrýdy usyndyq. 

Narıman TО́REǴALIEV,
Senat depýtaty 

Sońǵy jańalyqtar

Shyǵysqa qar tústi

Aımaqtar • Búgin, 22:57

Murat Áıtenov chempıondardy marapattady

Aımaqtar • Búgin, 21:48

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Uqsas jańalyqtar