Kúres • 13 Tamyz, 2018

Máýlen Mamyrov balýandarǵa aq jol tiledi

486 retkórsetildi

Bul kúnderi erkin kúresten Qazaqstannyń ulttyq qurama komandasy Almatynyń irgesindegi Talǵar aýdanynyń aýmaǵynda ornalasqan AIBA boks akademııasynda oqý-jattyǵý jıynyn ótkizýde. 

Jakartada ótetin jazǵy Azııa oıyndaryna qyzý daıarlanyp jatqan balýandardyń babyn baıqap kórý úshin bir top BAQ ókilderimen birge biz de akademııaǵa arnaıy at basyn burdyq. Baıraqty básekede Qazaq eli namysyn qorǵaıtyn alty órenimiz jáne respýblıkamyzdyń ár qıyrynan jınalǵan basqa da jalyndy jigitter boz kilemde aıanbaı ter tógip jatyr eken. Ulttyq quramanyń bas bapkeri Áset Serikbaev Azıadaǵa baratyn balýandar bıyl Shymkentte ótken Qazaqstan chempıonatynyń qorytyndysy boıynsha jasaqtalǵanyn jarııa etti.

- Bul joly biz eshkimniń ataq-dańqyna qaraǵan joqpyz. Azııa oıyndarynyń baǵdarlamasyna engen alty salmaq dárejesi boıynsha el birinshiliginde top jarǵan órender ǵana Jakartaǵa barý quqyǵyna ıe boldy. Olar – Jandos Ysmaılov (57 kılo,) Saıatbek Oqasov (65 kılo), Danııar Qaısanov (74 kılo), Ádilet Dáýlembaev (86 kılo), Baqdáýlet Álmentaı (97 kılo) jáne Oleg Boltın (125 kılo). Mine, osy alty balýan Indonezııanyń astanasynda boz kilemge shyǵady. Bul jigitterdiń barlyǵy da jalyndy ári jigerli. Árqaısysy da boz kilemde barymyzdy salamyz dep qulshynyp tur. Jaýapkershiliktiń júgi qanshalyqty aýyr bolatynyn olar jaqsy sezinýde. Sol sebepti de bul baıraqty básekede elimizdiń erkin kúres sheberleri óz jankúıerlerin jerge qataratpaýǵa tıis, – deıdi bas bapker.  

Sol kúni Olımpııa oıyndary men álem chempıonatynyń qola júldegeri, Azııa oıyndary men qurlyq birinshiliginiń jeńimpazy, KSRO halyqtary spartakıadasynyń kúmis jáne KSRO men TMD  chempıonattarynyń qola júldegeri, KSRO kýbogynyń ıegeri Máýlen Mamyrov ta AIBA akademııasyna arnaıy at basyn burǵan eken.

- Qazirgi kezde ózimniń týǵan ólkem – Taldyqorǵan qalasynda qyzmet etip jatyrmyn. Sol jerdegi Olımpıadalyq daıarlaý ortalyǵynyń dırektorymyn. Jigitter osyndaı jaýapty jarysqa daıarlanyp jatqan kezde úıde jatýdy jón kórmedim. Baýyrlarymnyń qasynda bolyp, aqyl-keńesimdi berip, olarǵa aq jol tileý úshin Almatyǵa arnaıy keldim, – deıdi dańqty balýan.

Alashtyń maqtan tutar altyn asyqtaı ulynyń jalyndy sózderi jastarǵa aıryqsha rýh beretini daýsyz. О́ıtkeni, aıtýly azamattyń otandyq erkin kúres óneriniń damýyna sińirgen eńbegi ushan-teńiz ekeni barshaǵa málim. Atap aıtsaq, Mamyrovtyń osy sport túrin serik etken qandastarymyzdyń arasynan alǵashqy bolyp Olımpııa oıyndary men álem chempıonatynda júldegerler qatarynan kóringenin jankúıerler jaqsy biledi. Keıinnen Máýlenniń jeńisti jolyn onyń izbasarlary jalǵastyrdy.

Sóz oraıy kelgende, olqy soǵyp turǵan tusymyzdy da aıtpaı ketýge bolmas. Sonaý 1994 jyly Hırosımada ótken Azııa oıyndarynda asa jeńil salmaqta beldesken Máýlen Mamyrov barlyq qarsylasyn qoǵadaı japyryp, bas júldeni oljalaǵan bolatyn. Sodan beri shırek ǵasyrǵa jýyq ýaqyt ótti. Sol kezden beri jazǵy Azıadanyń jalaýy taǵy bes márte jelbiredi. О́kinishike qaraı, 1998 jyly – Bangkokta, 2002 jyly – Pýsanda, 2006 jyly – Dohada, 2010 jyly – Gýanjoýda jáne 2014 jyly – Inchhonda elimizdiń birde-bir erkin kúres sheberi altyn tuǵyrǵa kóterile alǵan joq. Jerlesterimiz kóbine-kóp kúmis pen qola medaldi qanaǵat tutty. Bálkim, Jakartada sol olqylyqtyń orny tolyp, osy joly Máýlennen bata alǵan jigitter Máýlenniń sol erligin qaıtalaıdy degen úmittemiz!     

Ǵalym SÚLEIMEN,

«Egemen Qazaqstan»

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar