Aımaqtar • 23 Tamyz, 2018

Senat Tóraǵasynyń orynbasary Jambyl oblysynda boldy

322 retkórsetildi

Búginde Parlamenttiń qos palatasynyń depýtattary elimizdiń barlyq aımaqtaryn aralap, turǵyndarmen kezdesýde. Sonymen qatar, olar memlekettik baǵdarlamalardyń óńirlerdegi oryndalý barysyn qadaǵalap, túrli sharýashylyqtardyń tynys-tirshiligimen tanysýda.

Parlament Senaty Tóraǵasynyń orynbasary Bektas Beknazarov pen Senat depýtaty Abdaly Nuralıev Jambyl oblysyna jumys saparymen kelip, áýeli oblystyq ishki ister departamentiniń qyzmetkerlerimen kezdesti. Jınalǵan kópshilikti qasıetti Qurban aıt merekesimen quttyqtaǵan Bektas Ábdihanuly elimizde árdaıym tynyshtyq pen beıbitshilik bolýyn tiledi. Sonymen qatar, halyq qalaýlysy Parlament Senaty men óz mindetterin tanystyrdy. О́z sózinde Senat Tóraǵasynyń orynbasary byltyr da, bıyl da 9 zań jobasy Parlament Májilisine keri qaıtarylyp, 84 zańnyń qabyldanǵanyn aıta kelip, Senattyń 1 qyrkúıek pen 30 maýsym aralyǵynda atqarǵan jumystarynda qaralǵan negizgi zańdarǵa toqtaldy. Kezdesý negizinen quqyq qorǵaý salasyna qatysty bolǵandyqtan, búginde eń basty talap qoǵamdyq tártip ekeni basa aıtyldy.

 – Egemen elimiz ótken ǵasyrdyń sońyna qaraı, ıaǵnı 1997-1999 jyldary bas bostandyǵyna jaza taǵaıyndaıtyn álemdegi 5 memlekettiń ishinde tórtinshi orynda turatyn. Jasaǵan qylmysy úshin túrmege otyrǵyzý, bas bostandyǵynan aıyrý árbir 100 myń adamǵa shaqqanda 70-80 paıyzǵa jetetin. Sol kezdiń kodeksine qaraı, talap ta solaı boldy. Tipti ólim jazasy da taǵaıyndalatyn. 2005 jyldan bastap osy másele zerdelene bastady. Arnaıy jumystardyń júrgizilýi nátıjesinde bas bostandyǵynan aıyrý jazasynyń kórsetkishi qazir 24 paıyzdy qurap otyr, – dedi Bektas Beknazarov. Jıyn barysynda halyq qalaýlysy departament qyzmetkerleri tarapynan qoldanystaǵy zańǵa qatysty aıtylǵan usynystardy tyńdady.

Jambyl óńirine sapary barysynda senatorlar Taraz qalasyndaǵy quqyq qorǵaý qyzmeti ortalyǵynyń jumysyn kórdi. Atalǵan ortalyq basshysynyń orynbasary Jasulan Kemelbekov senatorlardy beınebaılanys arqyly shaǵym berý, qorǵaýshy, bitimger, ádilet departamentiniń mamany men prokýrordyń tıisti bólmelerimen tanystyrdy. Sonymen qatar, mundaǵylardyń basty ustanymy Elbasy aıtqandaı, «Adamdardy qabyldap, tyńdaý kerek. Olardyń talap-tilekteri usaq bolsa da, sheshilýi tıis» ekenin aıtty.

– Qazir Senat depýtattary barlyq óńirde júr. Olar oblystarda estigen, kórgen máselelerin ary qaraı depýtattyq saýaldar arqyly nemese dóńgelek ústelderde, úlken jınalystarda kóterip, zańnamany ýaqyt talabyna sáıkestendirýge atsalysady. Qyrkúıek aıynyń basynda Parlament kezekti sessııasyn jalǵastyrady. Sonda osy aıtylǵan máselelerdiń barlyǵy ortaǵa salynatyn bolady, – degen Bektas Beknazarov birqatar máselelerge toqtaldy. Elbasynyń «Prezıdenttiń bes áleýmettik bastamasy» atty halyqqa Úndeýinde «7-20-25» baǵdarlamasy arqyly turǵyn úımen qamtý, stýdentter úshin memlekettik granttardy kóbeıtý, jastardyń jataqhana máselesin sheshý, oqý orny tarapynan bilim alýshylarǵa jasalatyn jaǵdaıdy jaqsartý men eldimekenderdi gazdandyrý máseleleri qamtylǵanyn jetkizdi. Sonymen qatar, Senat Tóraǵasynyń orynbasary Jambyl oblysy halqynyń jartysynan kóbine áli kógildir otyn jetpegenin, osy gaz máselesi 2022 jylǵa deıin sheshilýi kerektigin aıtty.

 – Máselen, Qyzylorda oblysynyń Tereńózek aýdanynan gaz tartylyp,  Jezqazǵan, Qaraǵandy, Temirtaý, Astana jáne Petropavl qalalaryna deıin jetkizilý kózdelýde. Al Tereńózek Jambyldan qashyq emes. Búginde elimizdiń Batys óńiriniń kóptegen eldimekenine gaz tartylyp bitýde. Sondyqtan kórshi jatqan oblys arqyly atalǵan máseleni ábden sheshýge bolady, – dep, talqylanatyn jaıttarǵa nazar aýdardy.

 Senatorlardyń Jambyl óńirindegi jumys sapary Taraz qalasynyń kásipkerlerge qyzmet kórsetý ortalyǵynyń jumysymen tanysýmen jalǵasty. Budan keıin halyq qalaýlylary Baızaq aýdany, Býryl aýyldyq okrýgindegi «Iаshar» sharýa qojalyǵynyń egin alqaptarynyń jumysymen, Kóktal aýylyndaǵy «Dýlat» sharýa qojalyǵynyń jumysymen jáne osy aýdandaǵy birqatar nysandardyń jumysymen tanysty.

 Senat Tóraǵasynyń orynbasary Bektas Beknazarov pen Senat depýtaty Abdaly Nuralıev Jambyl oblysyna jumys sapary barysynda oblys ákimi Asqar Myrzahmetovpen kezdesti. Shaǵyn quramdaǵy basqosýda birqatar ózekti máseleler aıtylyp, olardyń sheshý joldary qarastyryldy. О́z sózinde Bektas Beknazarov búginde Jambyl óńirinde aıtarlyqtaı jumystar atqarylyp jatqanyna toqtaldy. Bul turǵyda Asqar Myrzahmetov senatorlarǵa oblys úshin mańyzdy máselelerdi aıtty. Búginde Taraz qalasynan shyǵatyn qaldyq sýlardy arnaıy súzgiden ótkizetin oryn joq. Tazalanbaǵan qaldyq sý jerasty sýymen qosylyp ketetindikten, sonyń saldarynan keleshekte kórshi Jambyl aýdanynyń turǵyndary aýyzsýdyń azabyn tartýy múmkin ekeni aıtyldy. Al bul másele elimizdiń ózge óńirlerinde sheshilgen. Sonymen qatar, qazirgi kezde eldimekenderdi gazdandyrý men aýyszý máselesi óńir turǵyndary úshin ózekti bolyp tur.

О́ıtkeni, óńirdegi elý paıyz eldimekende aýyz sý joq. Oblys ákiminiń kóterip otyrǵan mańyzdy máseleleri Senat Tóraǵasy orynbasarynyń tarapynan qoldaý tapty. Jıyn sońynda ótken alty aıda Jambyl oblysynda aýylsharýashylyǵy, ónerkásip pen kásipkerlik salasyn damytýdyń jol kartasy ázirlengendigi, birqatar máselelerdi sheshý úshin onyń arnaıy tetigi qarastyrylǵandyǵy jóninde aıtyldy. Budan keıin senatorlardyń Jambyl oblysyna jumys sapary Jambyl jáne Jýaly aýdandarynda jalǵasyn tapty. Halyq qalaýlylary aýdandardaǵy birqatar áleýmettik-kásipkerlik nysandardyń jumystarymen tanysty.  

Hamıt Esaman,

«Egemen Qazaqstan»       

Jambyl oblysy                   

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar