Medısına • 23 Tamyz, 2018

Almatyda bilim berý qyzmetkerleriniń Tamyz keńesi ótti

406 retkórsetildi

Almatyda bilim berý qyzmetkerleriniń Tamyz keńesi ótti.

Bilim berý júıesindegi jyl qortyndysy jóninde Bilim basqarmasynyń basshysy Gúlnar Qojabergenova esep berip, Almatyda UBT boıynsha jetinshi jyl qatarynan respýblıkamyzda birinshi oryn alyp kele jatqanyn baıandady. Bıylǵy bitirýshiler arasynda Shııara Qudaıbergenova 140 ball jınap alǵashqy orynǵa shyqqanyn aıtyp ótti. Keńeske qatysqan Almaty qalasynyń ákimi Baýyrjan Baıbek ustazdar uıymyn 1 qyrkúıekte jańa zamanaýı 1200 oryndyq mektep-gımnazııa ashylatynyn aıtyp qýantty. Tamyz keńesine qatysqan májilis depýtattaryn bastap kelgen Gúlmıra Isımbaeva da ustazdarǵa jyly lebizderin bildirdi.

Parlament Májilisi tóraǵasynyń orynbasary, «Nur Otan» partııasy Fraksııasynyń jetekshisi Gúlmıra Isımbaeva Almaty qalasy muǵalimderiniń tamyz konferensııasynyń jumysyna qatysty.

Búgin, Parlament májilisiniń bir top depýtattary, Májilis tóraǵasynyń orynbasary, «Nur Otan» partııasy Fraksııasynyń jetekshisi G.I.Isımbaevanyń basshylyǵymen Almaty qalasy pedagogıkalyq qyzmetkerleriniń tamyz konferensııasy aıasynda qala muǵalimderimen kezdesti.

Gúlmıra Istaıbekqyzy  kezdesý kezinde Májilis jumysynyń keıbir qorytyndylaryna toqtaldy. Sonymen qatar jumys barysynda depýtattar áleýmettik salaǵa  erekshe mán bergenin atap ótti. Máselen, ótken sessııa barysynda 84 zań jobasy maquldansa, 6-ýy bilim salasyn  jáne balalardyń quqyǵyn qorǵaýǵa arnaldy. Onyń 3-eýi depýtattardyń bastamasymen ázirlendi.  Olardyń qatarynda balalardyń densaýlyǵyna jáne damýyna zııan keltiretin  aqparattan qorǵaýǵa baǵyttalǵan jáne joǵarǵy oqý oryndarynyń akedemııalyq derbestigi týraly zańdar bar. Sondaı-aq  bilim  týraly zańǵa engizilgen ózgeristerge toqtaldy, oǵan sáıkes, kolledj túlekteriniń túlekteriniń bir mamandyq sheńberinde birden úsh biliktilik alýǵa bolatynyn, munyń ózi olardyń jumysqa turý múmkindigin molaıtatyny týraly da aıtty. Sondaı-aq zańdarǵa engizilgen basqa da ózgerister jóninde áńgimeledi.

Úshinshi parlamenttik sessııany tarıhı mańyzdy dep aıtýǵa tolyq quqyǵymyz bar, óıtkeni dál osy Parlament qabyrǵasynda Elbasymyz alǵash ret Bes áleýmettik bastamasyn jarııalady, olardyń zańlamalyq qamtamasyz etilýine depýtattar barynsha belsendi qatysqanyn sóz etti.

Májilis Tóraǵasynyń orynbasary G. Isımbaeva Elbasynyń «bilimdi damyta almaıtyn eldiń bolashaǵy joq»- degen sózin keltirip, ustazdyq qyzmettiń basty nysanasy sanalatyn – bilim salasy – ol memlekettiń tiregi, órkenıettiń aınasy dep, kelesi sessııada zań shyǵarýshylyq jumysynyń vektory Elbasynyń tapsyrmalaryn oryndaýǵa jáne elimizdiń pedagogtaryna barynsha qoldaý kórsetýge baǵyttalatyny jóninde sendirdi.                                                                                                                                                                                                                                            

Saparbaı PARMANQUL,

«Egemen Qazaqstan».

Almaty

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar