Medısına • 05 Qyrkúıek, 2018

Zaǵıp jandar smartfondy meńgerýde

402 retkórsetildi

Almatydaǵy zaǵıp jáne nashar kóretin azamattarǵa arnalǵan respýblıkalyq kitaphana qyzmetkerleri qala mańynda turatyn múmkindigi shekteýli jandardy qajetti kitaptarmen qamtamasyz etýde júıeli jumystardy jolǵa qoıǵan. Ár aptanyń sársenbi kúnderi kitaphana mamandary belgili mekenjaılar boıynsha tapsyrys berilgen ádebıetterdi oqyrmandarǵa jetkizip turady. Búginde kitaphananyń oqyrmandary 2 myńnan asatyn bolsa, úıden tapsyrys berip oqıtyndar sany – 45. 

Sársenbidegi kezekti issa­par barysynda kitaphananyń dı­­rektory Ashat Baıuzaqov pen kitaphana qoryn saqtaý jáne abonement bóliminiń meń­ge­rý­shi­si Aıym Musabekova oqyr­mandarmen kezdesip, usynys-pikirlerin tyńdap, tıisti ádebıet­terdi úlestirdi.

Kitapty úıge jazdyrtyp alyp oqıtyn oqyrmandardyń biri – Nellı Babına jasynyń kel­genine qaramastan, kitap oqýdan qol úzbegen jan. Osy joly «Sva­rog», «Po tý storo­ný lda», «Iа ochen hochý jıt» jáne janýarlar álemine qa­tysty kitaptarǵa tapsyrys bergen eken. Natalıa Saıapına da turaqty oqyrman retinde ­poezııa, proza, áskerı taqyryp­­ta­­ǵy ádebıetterdi úzbeı oqyp turady. Oqıtyn kitaptaryn úıge deıin jetkizetin kitaphana qyzmetkerlerine alǵysy shek­siz. Valentına Sahbaeva da ki­tap­hananyń uzaq jyldan bergi turaqty oqyrmany. S.Mu­qa­nov­tyń «Botagóz» romanyn jáne S.Esenınniń óleńderi men poe­malaryn oqyp shyqpaq nıette.

Palına Manýshına úshin de kitap oqý úlken ǵanıbet. Jasy jetpisten assa da ýaqytynyń basym kópshiligin kitap oqyp, nemerelerine arnaıtyn ol kitap­hana qyzmetkerleri kelgende bir máre-sáre bolyp qalaty­ny bar. Al О́tegen batyr ken­tinde turatyn Natalıa Naýmchak keıinnen zaǵıp bolǵan jan. Ki­taphana qyzmetkerlerin erekshe kóńil-kúıde qarsy alǵan Natalıa Vasılevna «Meniń qazaq tilin úırengim keledi» dep bastady áńgimesin. О́z ortasynda hor­ǵa qatysatyn jan úshin til bil­megendiginen ujymmen dıdarlasý qıynǵa soǵýda. «Tildi smartfon arqyly ıgerýge bolady. Telefonyma arnaıy baǵ­darlamany júktep aldym. Biraq ol úshin smartfondy qalaı paıdalaný qajettigin úırenýim qa­jet», dedi. Qyzý áńgime barysynda talap bildirýshiler bolsa Braıl qarpine de úıreter edim degen usynysyn bildirdi.

«Usynysyńyzdy jergilikti áleýmettik sala mamandaryna jetkizip, kompıýter, smartfondy úırenýińiz úshin kitaphanaǵa kelýińizge kómektesýge tyrysa­myz», dedi oqyrman tilegin qup­taǵan kitaphana dırektory. Ki­­­tap­hana mamandarynyń bir kún­gi jumysy tıisti mekenjaı­­lar­ǵa kitap taratýmen jal­ǵa­syn tapty. Osy kúni oqyr­man­­dar­ǵa Ǵ.Músirepovtyń «О́mir jo­ryǵy», Iý.Semenovtyń «Dıp­lo­matıcheskıı agent», V.Shýk­shın­niń áńgimeler jına­ǵy, D.Rý­bınanyń «Sy­ganka», E.Gaı­va­rovskaıanyń «Nasled­stvo» sııaq­ty kitaptary SD dıskke, taspa­ǵa jazylyp, Braıl qarpinde úlestirildi.

Kózi kórmegenimen kitap oqý­dy ómiriniń bir bólshegine aınal­dyrǵan múmkindigi shekteýli jan­dardyń belsendi, kóńildi ári zerek ekendigi olardyń árbir sózi men is-qımylynan ańǵarylady. Mynaý álemniń kórinisterin óz qalpynda kóre almaǵanymen, ishki túısigimen qabyldap, aına­lasyndaǵylarǵa erekshe kúsh-jiger syılaıtyndaı áser beredi. Oqyǵan ádebıetteri arqyly tanym-túısigin ǵana damytyp qoı­maı, kitap oqýǵa ýaqyty jet­peı júrgen aınalasyndaǵy ja­qyndarymen bóliskendi una­tady. Erik-jigeri shyńdalǵan zaǵıp jandar zaman aǵysynan qalyspaı, jańashyldyqtardy da der kezinde meńgergisi keledi. Kúndelikti jańalyqtardy estý arqyly jáne qaǵaz betindegi bederli núktelermen tanıtyn zaǵıptar úshin kitap, gazet oqýdyń mańyzy zor. Búginde kitaphanada respýblıka aı­maqtaryna tegin taratylatyn Braıl qarpindegi «RBNSG-Vestı» jáne «Meniń jolym» – «Moı pýt» dybysty gazetteri jaryq kórip turady.

Kitaphana dırektory Ashat Qu­saıynuly búginde qazaq til­­­di kitaptardy kóptep shy­ǵarý qa­­jet­tiligin alǵa tartty. Oqyr­­­mandardyń eki tildegi áde­bıet­­terge de suranysy zor. Ki­taphana qory jyl saıyn to­lyqtyrylyp otyrady. Búginde onda 250 myńǵa jýyq kitap pen basylymdar bar degenimizben de, sońǵy jyldarda kóptep jaryqqa shyǵyp jatqan jas avtorlar eńbekterin, qazaq tilinde shyǵyp jatqan basqa da qyzyqty basylymdardy Braıl qarpinde shyǵarý talaby týyndap otyr. Orys tilindegi kitaptar Máskeý jáne Peterbordan jetkiziletin bolsa, elimizde qazaq tilindegi ki­taptardy basatyn óndiris oryndary kemde-kem.

Al Braıl qarpimen qazaq tilinde shyǵatyn kitaptar atal­ǵan kitaphanada zaǵıptar qoly­men jasalsa, bul baǵyttaǵy ju­mys­tardy jetildirý maqsa­tynda zaǵıptar qoǵamymen baı­­lanystar jalǵasyn tabýda. Zaman talaptaryna oraı za­ǵıp­tardyń suranysyn óteý ýaqyt kúttirmeıtin másele. Osy tur­ǵydan alǵanda kitaphanada «Daisy» formatyndaǵy kitap­tardy jasaý, redaksııalaý ju­mystary, ıaǵnı arnaıy stýdııada dybys arqyly jazylatyn dısk-kitaptardy jazý jumystarynyń ózindik ereksheligi bar. Dybystaý jumystaryna syrttan mamandar shaqyrylatyndyqtan, dybys yrǵaǵyna talǵam joǵary. Ja­zylǵan dybys pen kitap maz­munynyń úılesimi oqyrman-tyńdaýshynyń kóńilinen shyǵa­tyndaı bolýy kerek.

Kitaphanadaǵy taǵy bir toqta­lyp ótetin másele, kompıýter, smartfon tilin zaǵıp jandar asa qulshynyspen ıgerýde. Tehnıka tilin meńgerýge baýlıtyn mamandar quramy da zaǵıp jandardan quralǵan. Búginde kitaphanada jumys isteıtin qyzmetkerlerdiń 20%-in zaǵıptar quraıdy.

«Kitaphanashynyń mindeti oqyrmanǵa kitapty jetkizý bolsa, oqytý, úıretý máselesine áleý­mettik sala mamandary qoldaý kórsetýi qajet. Za­ǵıp jandar da qoǵamnyń erekshe qam­qorlyǵyna zárý toby bol­ǵandyqtan, olardyń sura­ny­syna jaýap berip otyrý kez kelgen órkenıetti eldiń úlgisi», deıdi Ashat Qusaıynuly.

Kitaphanada sonymen qatar kórý qabiletinen júre aıyryl­ǵan balalardy psıhologııa­lyq qoldaý kabıneti jumys isteıdi. Arnaıy sabaqtarda ma­mandar olardyń áleýmettik ortaǵa, ıaǵnı qoǵamdyq oryndarda erkin júrip-turýy úshin ártúrli kedergilerdi, dybystardy ajyratýǵa beıimdeýi qajet.

Zaǵıp jandar qoǵamnyń bel­sendi múshesi retinde kitaphana qabyrǵasynda ótetin «Ashyq esik» kúnderine mádenı, sport­­tyq sharalarǵa belsene qa­ty­sady. Al kitaphananyń bul ba­ǵytta qol­ǵa alǵan jumystary óz aldyna bir bólek.

 

Elvıra SERIKQYZY,

«Egemen Qazaqstan»

ALMATY

Banner
Sońǵy jańalyqtar

Igerilmegen rezervter kóp

Qazaqstan • Búgin, 09:04

Eli qoldaǵan qundy qujat

Qazaqstan • Búgin, 09:02

Damýdyń sapaly kezeńi

Qazaqstan • Búgin, 09:01

Halyq únine qulaq asatyn memleket

Qazaqstan • Búgin, 08:57

«Qazaqmys» jospardy asyra oryndamaq

Ekonomıka • Búgin, 08:55

Turar týraly tolǵady

Rýhanııat • Búgin, 08:53

Ataýlar men esimder – eldiktiń belgisi

Qazaqstan • Búgin, 08:51

Altyn Orda tarıhy tarazylandy

Rýhanııat • Búgin, 08:48

Temir jol tasymaly jetildirile túsedi

Qazaqstan • Búgin, 08:43

Bir ótinishpen – birneshe qyzmet

Qazaqstan • Búgin, 08:42

Bolgarııada ótken basqosýǵa qatysty

Parlament • Búgin, 08:37

Qaterli isiktiń aldyn alýǵa bolady

Medısına • Búgin, 08:30

EAEO: endigi daý kómirge qatysty

Álem • Búgin, 08:26

Masyl bolma, asyl bol!

Qazaqstan • Búgin, 08:25

Benzın qymbattaı ma?

Qazaqstan • Keshe

«Syryńdy aıtshy, dúnıe...»

Rýhanııat • Keshe

Eń qysqa áńgime. Yrysbek Dábeı

Eń qysqa áńgime • Keshe

Eń qysqa áńgime. Amangeldi Seıithan

Eń qysqa áńgime • Keshe

Eń qysqa áńgime. Serjan Zákeruly

Eń qysqa áńgime • Keshe

Eń qysqa áńgime. Janat Jańqashuly

Eń qysqa áńgime • Keshe

Kitap oqyp, rýhanı baı bol

Qazaqstan • Keshe

Juldyzdaı aǵyp ótken

Aımaqtar • Keshe

«Kóktem aýylynyń» aqsaqaly edi

Rýhanııat • Keshe

Abaı ulaǵaty – urpaqqa amanat

Rýhanııat • Keshe

Qyrǵyz eli Abaıdy ardaqtady

Rýhanııat • Keshe

Uqsas jańalyqtar