Qazaqstan • 06 Qyrkúıek, 2018

Taldyqorǵanda «Til – birliktiń besigi» atty forým ótti

254 retkórsetildi

Bıyldan bastap elimiz Qazaqstan halqynyń tilderi kúni merekesin 5 qyrkúıekte, aǵartýshy ǵalym Ahmet Baıtursynulynyń týǵan kúnine oraı  atap ótýdi bastady. Bul – ult til ǵylymyn zerdeleýdiń kóshbasynda turǵan tulǵaǵa qurmetpen qatar, rýhanı damýdyń jańasha sıpatta júze asýyna jol ashatyn qadam.

Mereke qurmetine Taldyqorǵan qalasynda  Almaty oblysynyń tilderdi damytý jónindegi basqarmasynyń uıymdastyrýymen «Til – birliktiń besigi» atty forým ótti.

- Búgingi tańda siz ben bizdiń, til janashyrlarynyń jáne sala mamandarynyń aldyna qoıylǵan mindet te, qyzmet te, azamattyq paryz da bireý ǵana. Ol – elmen birge týylyp, tarıhymyzben qatar órkendegen tilimizdiń keleshekte máńgilik eldiń asyl qazynasy bolyp saqtalýyn qamtamasyz etý. Yrys daryp, qut qonǵan jeti ózenniń mańaıyn jaǵalaı jaılaǵan Jetisý jurty kıeli mekenniń saf aýasyn, turan dalasyn, asqarly shyńyn qalaı aıbar tutsa, tilin de dál solaı beıbitshiliktiń qazyǵy dep biledi. El múddesi jolynda atqaratyn is qashanda jaýapkershilikti talap etedi. Sol sebepti, aldaǵy kúnderge artar josparlar aýqymdy. Olardy birigip júzege asyratynymyzǵa senimdimin. Endeshe, birligi bekem elimizdiń áleýeti artyp, qadamy qaryshtasyn. Al sol birliktiń besigi bolǵan – til ǵasyrlar kóshiniń eń baǵaly qazynasy, arda asyly bolyp elmen birge máńgi jasasyn!» - dedi sharanyń betasharynda  oblystyq tilderdi damytý jónindegi basqarma basshysy Aıdar Bashbaev.

Forým aıasynda memlekettik tildiń damýyna ózindik úlesin qosyp júrgen oblysymyzdaǵy til janashyrlaryna Qazaqstan Respýblıkasy Mádenıet jáne sport mınıstrligi jáne Til saıasaty komıtetiniń, Almaty oblysy ákiminiń, sondaı-aq, basqarma tarapynan Qurmet gramotasy men Alǵys hattary tabystaldy. Tilder merekesi qarsańynda Almaty oblysynyń tilderdi damytý jónindegi basqarmasy Til aılyǵyn ótkizgen bolatyn. Atalmysh aılyqtyń aıasynda etnos ókilderiniń qatysýymen «Tildaryn», «Til – sheberi», «Slavıan jazýy» baıqaýlary men «Til – tatýlyq tiregi» dóńgelek ústeli uıymdastyrylǵandyǵyn atap ótken jón. Tatýlyqty dáripteıtin aıtýly saıystar zor mańyzǵa ıe. Kúni keshe ǵana ótken oblystyq «Til – parasat» baıqaýy da sózimizdiń aıqyn dáleli. Shara barysynda birlik pen yntymaqtyń jyǵylmas týyn qalqan etken baıqaýda baby men baǵy shapqan jeńimpazdar marapattaldy.

Sonymen qatar, aımaqta bir jyl buryn «Býkkrossıng» – erkin kitap almasý jobasy qolǵa alynǵan bolatyn. Qaı ýaqytta bolmasyn senimdi dos sanalatyn kitap búginde rýhanı jańǵyrý quraly. Til baılyǵyn damytatyn, oıyńa oı qosatyn da kitap bolǵandyqtan,  Osy aralyqta kóshpeli kitaphana halyqtyń kitapqa degen qyzyǵýshylyǵyn oıatýǵa aıtarlyqtaı úles qosty. Taldyqorǵan qalasy men oblystyń aýdan, qalalarynda arnaıy kitap sóreleri qoıyldy. Jyljymaly kitaphana sórelerine qoıylǵan 5000-nan astam kitaptyń 1000-ǵa jýyǵyn oqyrmandar úıdegi kitaptaryn alyp kelip, aýystyryp alsa, 875-ten asa kitap oqyrmandarǵa berildi. Syıǵa tartqan kitaptardyń sany da ólsheýsiz.

Sondaı-aq, jyl boıy jalǵasyn tapqan kezekti jobalardyń biri – «Jetisýdyń jyr kerýeni» atty chellendj bolatyn. Atalǵan jobanyń maqsaty Jetisý jerine kindik qany tamǵan, dúnıeden ozǵan aqyn-jazýshylardy dáripteý, shyǵarmalaryn áleýmettik jeliler arqyly el arasyna keńinen nasıhattaý. Chellendj talaptaryna sáıkes ár qatysýshy qalta telefonyna belgili bir avtordyń óleńin mánerge keltire oqyp, beınejazbaǵa túsirip, arnaıy heshteg arqyly áleýmettik jelige júktedi. Atalmysh aksııalarda belsendilik tanytqan qatysýshylarǵa arnaıy júlde taǵaıyndalyp, forým barysynda saltanatty túrde marapattady.

Qalmahanbet MUQAMETQALI,

«Egemen Qazaqstan»

Almaty oblysy

Banner
Sońǵy jańalyqtar

Halyq únine qulaq asatyn memleket

Qazaqstan • Búgin, 08:57

«Qazaqmys» jospardy asyra oryndamaq

Ekonomıka • Búgin, 08:55

Turar týraly tolǵady

Rýhanııat • Búgin, 08:53

Ataýlar men esimder – eldiktiń belgisi

Qazaqstan • Búgin, 08:51

Altyn Orda tarıhy tarazylandy

Rýhanııat • Búgin, 08:48

Temir jol tasymaly jetildirile túsedi

Qazaqstan • Búgin, 08:43

Bir ótinishpen – birneshe qyzmet

Qazaqstan • Búgin, 08:42

Bolgarııada ótken basqosýǵa qatysty

Parlament • Búgin, 08:37

Qaterli isiktiń aldyn alýǵa bolady

Medısına • Búgin, 08:30

EAEO: endigi daý kómirge qatysty

Álem • Búgin, 08:26

Masyl bolma, asyl bol!

Qazaqstan • Búgin, 08:25

Benzın qymbattaı ma?

Qazaqstan • Keshe

«Syryńdy aıtshy, dúnıe...»

Rýhanııat • Keshe

Eń qysqa áńgime. Yrysbek Dábeı

Eń qysqa áńgime • Keshe

Eń qysqa áńgime. Amangeldi Seıithan

Eń qysqa áńgime • Keshe

Eń qysqa áńgime. Serjan Zákeruly

Eń qysqa áńgime • Keshe

Eń qysqa áńgime. Janat Jańqashuly

Eń qysqa áńgime • Keshe

Kitap oqyp, rýhanı baı bol

Qazaqstan • Keshe

Juldyzdaı aǵyp ótken

Aımaqtar • Keshe

«Kóktem aýylynyń» aqsaqaly edi

Rýhanııat • Keshe

Abaı ulaǵaty – urpaqqa amanat

Rýhanııat • Keshe

Qyrǵyz eli Abaıdy ardaqtady

Rýhanııat • Keshe

Uqsas jańalyqtar