Qazaqstan • 09 Qazan, 2018

Petropavlda qoǵam qaıratkeri Q.Táshtıtovke eskertkish taqta ornatyldy

183 retkórsetildi

«ALJIR» estelikter jınaǵynda 1933-1937 jyldary  Qazaqstan LKJO birinshi hatshy hatshysy qyzmetin abyroımen atqarǵan Qaısar Táshtıtovtyń jan jary Saǵadat Qudabaıqyzy bylaı dep  syr shertedi:

«...Ult respýblıkalary komsomol komıtetteri hatshylarynyń keńesinde BLKJO ortalyq komıtetiniń birinshi hatshysy A. Kosarev «Eger maǵan, ulty orys hatshysynan Táshtıtovtyń qandaı aıyrmashylyǵy bar dep bireýler suraı qalsa, men aıtar edim–olardyń eshqandaı aıyrmashylyǵy joq. Tipti Táshtıtovtyń qajyr-qaıraty basymdyq alyp ketedi. Men ony orys obkomdarynyń qaı-qaısysyna bolsa da jibersem, ony basqaryp ketetindigine senemin», degen eken». Atyna zaty saı asyl azamattyń ómir jolyna úńiletin bolsaq, qamshynyń sabyndaı qysqa ǵumyrynda jalyndap, almas qylyshtaı jarqyldap ótkenin ańǵarý qıyn emes. Ol ótken ǵasyrdyń 20-30 jyldary  Qazaqstan jastar qozǵalysynyń kóshbasshysy, jetekshisi retinde keńinen tanylyp, nebir bastamalarǵa muryndyq bola bildi. Petropavl orys-qazaq mektebin, partııa-keńes  mektebin, Máskeý kommýnıstik ýnıversıtetin bitirgennen keıin birden saıası jumystarǵa tartylyp, qashan «halyq jaýy» retinde tutqyndalǵansha,  ultqa, elge qaltqysyz qyzmet etti. Osyndaı tulǵany qadirlep-qasterleı bilgen jerlesteri  bir kezderi gýbernııalyq partııa komıteti ornalasqan ortalyq kóshedegi eńseli ǵımarattyń qabyrǵasyna eskertkish taqta ornatty.

Saltanatty sharada sóılegen sózinde «Odaq» komsomol ardagerleri qoǵamdyq birlestiginińtóraǵasy Valerıı Maslov Qaısardyń revolıýsııalyq uıashyqtardy, markstik uıymdardy uıymdastyrýshylardyń biri bolǵanyn, BLKJO-nyń tórtinshi sezine qatysyp, sheshendigimen, bilimdiligimen, parasattylyǵymen jurtshylyqtyń zor iltıpatyna bólengenin, ortalyq komıtettiń músheligine saılanǵanyn tebirene áńgimeledi. Basqa da sóıleýshiler batyl, erjúrek tulǵanyń adamgershilik asyl qasıetterin jas býynǵa úlgi –ónege etýdiń izgi joldaryn  usyndy.

Qaısar Táshtıtovtyń alpınızmmen shuǵyldanyp, birneshe ret parashıýtpen sekirgenine qaraǵanda bıiktikterge umtylýdan qaımyqpaıtyn  táýekelshil minezin tanytsa kerek.

О́mir ESQALI,

«Egemen Qazaqstan»

 Soltústik Qazaqstan oblysy

 

Sońǵy jańalyqtar

«Birgemiz» qoryna 13 mlrd teńge tústi

Qazaqstan • Búgin, 18:32

Koronavırýs Kókshetaýǵa da keldi

Koronavırýs • Búgin, 18:24

Kógildir ekranda – jańa melodramma

Rýhanııat • Búgin, 18:04

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Uqsas jańalyqtar