Aımaqtar • 17 Qazan, 2018

Atyraýda 2500 páter ortalyq jylý júıesine qosylady

145 retkórsetildi

Atyraýdaǵy Balyqshy yqsham aýdanynyń 2500 páteri ortalyq jylý júıesine qosylady. Búginde 36 kóp páterli úıge jylý berildi, dep habarlady Atyraý qalasy ákimdiginiń baspasóz qyzmeti.

Keshe Balyqshy yqsham aýdanyndaǵy jańa jylý energetıkalyq kesheninde Atyraý oblysynyń ákimi Nurlan Noǵaev  turǵyn úılerdi ortalyq jylý júıesine qosý boıynsha júrgizilip jatqan jumystardyń barysyn tekserip, birqatar naqty tapsyrmalar berdi.

Qalalyq qurylys bóliminiń aqparaty boıynsha, ortalyq jylý júıesine barlyǵy 53 úı qosylady, onda 2500 páter bar. Atyraý qalasy Balyqshy yqsham aýdanyndaǵy kvartalishilik jylýmen jabdyqtaý jelilerin rekonstrýksııalaý sheńberinde jalpy uzyndyǵy 8 shaqyrym jer ústi magıstraldyq qubyry júrgizildi. Jylý jelileri trassasynyń jalpy uzyndyǵy 22 shaqyrymdy quraıdy.

- Qazirgi tańda yqsham aýdannyń 36 turǵyn úıine jylý berildi, barlyq 53 úıdi tolyq qosýdy 20 qazanǵa deıin aıaqtaý josparlanýda, - dedi Atyraý qalasy ákiminiń orynbasary Nurlan Taýbaev.

Jobalyq - smetalyq qujattamaǵa sáıkes Balyqshydaǵy úıler JEO-ǵa táýeldi shema boıynsha jylytýmen jáne yqsham aýdannyń tarıhynda alǵash ret ystyq sýmen qamtamasyz etiletin bolady. Magıstraldyq jylý trassasy men jylý pýnktiniń qurylysymen "Aral Servıs" JShS, kvartalishilik jylý trassasy qurylysymen - "Grand Master"JShS aınalysty. Joba 90% jergilikti bıýdjetten  jáne 10% respýblıkalyq bıýdjetten  qarjylandyryldy. 

- Búgingi tańda joba aıaqtaldy, ol úsh bólikten turdy, birinshi bólim - magıstraldyq jylý jelileri, ekinshi bólim - ortalyq jylý pýnkti jáne sońǵy tarmaq. Búgingi kúni ortalyq jylý pýnktiniń qýaty 15 megavatt - ystyq sýǵa, 15 megavatt-jylýǵa, jalpy 30 megavatty quraıdy. Úsh jobanyń jalpy quny - 3, 3 mlrd. teńge, - dedi qalalyq qurylys bóliminiń basshysy Tımýr Basarov.

Balyqshy kentiniń tarıhy 1937 jyldan bastap Atyraý balyq konservileý kombınatynyń qurylýynan bastaý alady. Osy ýaqytqa deıin kent turǵyndary úıde ystyq sýmen qamtamasyz etýdiń jáne jylý berýdiń nasharlyǵynan úlken qolaısyzdyqtar kórip kelgen bolatyn.

- Bul úılerde ystyq sýmen qamtamasyz etýge arnalǵan sý qubyry bolǵan joq, al kópqabatty úıler gaz qazandarymen jylytyldy, olardyń qýaty barlyq úılerdi jylytý úshin jetpedi. О́tken jyldyń kúzinen bastap Atyraý qalasynyń ákimdigi Balyqshy yqsham aýdanynda jańa jylý energetıkalyq keshen salý jobasyn júzege asyrýǵa kiristi. Qazirgi ýaqytta úılerdi ortalyq jylý júıesine qosý aıaqtalýda. Endi osynyń arqasynda Balyqshy turǵyndarynyń úılerine jylý jáne ystyq sý keledi, - dedi Atyraý qalasynyń ákimi Alımuhammed Quttumurat-uly.

Atyraý oblysynyń ákimi qaramaǵyndaǵylarǵa Balyqshy yqsham aýdanyndaǵy úılerdi ortalyq jylý júıesine qosý boıynsha barlyq jumystardy aıaqtaýdy, aqaýlyqtar men apatty jaǵdaılardy boldyrmaý úshin Balyqshy yqsham aýdanyndaǵy úılerdi aralap shyǵýdy tapsyrdy.

Sońǵy jańalyqtar

Keńeıtilgen alqa otyrysy ótti

Qoǵam • Búgin, 09:05

Erlikti el bilýi tıis!

Qoǵam • Búgin, 08:53

Sapardaǵy syr

Rýhanııat • Búgin, 08:51

Turǵyndar qaýipsizdigi – basty nazarda

Aımaqtar • Búgin, 08:47

Aǵalardyń jas shaǵy

100 • Búgin, 08:42

Aqańnyń amanaty

Rýhanııat • Búgin, 08:40

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Uqsas jańalyqtar