Qazaqstan • 18 Qazan, 2018

Ilıa Terenchenko «Nur Otan» partııasynyń hatshysy bolyp taǵaıyndaldy

290 retkórsetildi

«Nur Otan» partııasy tóraǵasynyń birinshi orynbasary Máýlen Áshimbaev Facebook áleýmettik jelisindegi paraqshasynda Ilıa Terenchenkonyń «Nur Otan» partııasynyń hatshysy bolyp taǵaıyndalǵanyn habarlady.

Búgin «Nur Otan» partııasy Tóraǵasynyń birinshi orynbasary Máýlen Áshimbaev Ortalyq apparat ujymyna partııanyń jańa hatshysyn tanystyrdy. Máýlen Áshimbaev Ilıa Terenchenkonyń jetekshiligimen partııanyń Pavlodar oblystyq fılıaly nátıjeli jumys istegenin erekshe atap ótti. Sondaı-aq ol Elbasy Joldaýynda aıtylǵan basymdyqtar men partııa qyzmetin jańǵyrtý aıasyndaǵy bastamalardy júzege asyrýǵa jańa hatshynyń úlken úles qosatynyna senim bildirdi. «Partııamyzdyń Pavlodar oblystyq fılıaly sońǵy kezderi barlyq tapsyrmalardy oryndaýda jaqsy qyrynan kórinip keledi. Tipti ony elimiz boıynsha jetekshi fılıaldardyń biri dep aıtýǵa tolyq negiz bar. Bul - árıne, Ilıa Terenchenkonyń eńbeginiń jemisi. Sondyqtan onyń hatshy bolyp taǵaıyndalýy partııadaǵy merıtokratııa tásiliniń naqty jumys isteıtinin kórsetedi. Aldaǵy ýaqytta da osylaı ózine júktelgen mindetterdi múltiksiz oryndaǵan mamandarymyzǵa qoldaý kórsetý isi jalǵasatyn bolady. О́ıtkeni biz óz mamandarymyzdyń qyzmette ósýine múddelimiz. Sol sebepti partııanyń kadrlyq rezervin qalyptastyrý isine de úlken mán berip otyrmyz», - dedi Máýlen Áshimbaev.

Sonymen qatar ol partııanyń aldynda Elbasynyń Joldaýda aıqyndap bergen basymdyqtary men basqa da memlekettik mańyzdy baǵdarlamalardy jáne partııa qyzmetin jańǵyrtý aıasynda qolǵa alynǵan jobalardy júzege asyrý mindetteri turǵanyn aıtyp, osy iste jańa hatshyǵa úlken jaýapkershilikter júkteletinine nazar aýdardy. О́z kezeginde, Ilıa Terenchenko bul qyzmetti Elbasy men barsha nurotandyqtardyń úlken senimi retinde qabyldaıtynyn aıtty. «Alǵash partııa qataryna 2004 jyly kelip, «Jas Otan» jastar qanatynyń qoǵamdyq jumystaryna turaqty qatysyp júrdim. Odan beri Pavlodar qalalyq máslıhatynyń depýtaty, fraksııa jetekshisi bolyp, keıin partııamyzdyń oblystyq fılıalynda eńbek ettim. Osylardy eskere otyryp, jańa qyzmetke taǵaıyndalýymdy, shyn máninde, merıtokratııanyń eń jarqyn úlgisi ári mysaly dep qabyldaımyn. Árıne, bul - men úshin úlken jaýapkershilik», - dedi IlıaTerenchenko.

Ilıa Terenchenko 1983 jyly 15 qarashada Pavlodar qalasynda týǵan. Zańger, qarjy jáne kredıt, sondaı-aq, saıasattaný mamandyqtary boıynsha joǵary bilim alǵan. 2006 jyldan beri «Nur Otan» partııasynyń múshesi. Birneshe jyl bıznes salasynda jumys istegen ol Pavlodar oblysynda kásipkerler palatasynyń aýdandyq fılıalyn basqarǵan. Sondaı-aq «Nur Otan» partııasy Pavlodar oblystyq fılıaly tóraǵasynyń orynbasary bolyp qyzmet atqardy. Al 2016 jyldyń sáýir aıynan bastap búginge deıin «Nur Otan» partııasy Pavlodar oblystyq fılıaly tóraǵasynyń birinshi orynbasary bolyp jumys istedi.

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar