Qazaqstan • 26 Qazan, 2018

Almaty ákimi DDSU Eýropalyq bıýrosynyń dırektorymen kezdesti

226 ret kórsetildi

Almaty ákimi Baýyrjan Baıbek jáne Dúnıejúzilik densaýlyq saqtaý uıymy Eýropalyq bıýrosynyń dırektory Jýjanna Iаkab megapolıste ótip jatqan «Salaýatty qalalar» Eýropalyq jelisi merleriniń sammıti aıasynda ózara yntymaqtastyqtyń perspektıvalaryn talqylady. Almaty qalasy ákiminiń Baspasóz qyzmetiniń málimetteri boıynsha,  Jýjanna Iаkab  DDU-nyń Almatymen, jalpy Qazaqstanmen yntymaqtastyǵy deńgeıin joǵary baǵalady, salaýatty ómirdi qalyptastyrý men densaýlyq saqtaý salasyn modernızasııalaýdyń oń nátıjelerin atap ótti.

«Jaıly qala keńistigin arttyrý, qoǵamdyq kólikti damytý, velosıpedshiler jáne sportshylar úshin qolaıly ınfraqurylymdy qalyptastyrý qala turǵyndarynyń densaýlyǵyn jaqsartady. Júrgizilgen zertteýler kórsetkendeı, qalany  durys josparlaý onkologııalyq jáne júrek- qan tamyrlary aýrýlary saldarynan bolatyn ólim deńgeıin orta eseppen 25%-ǵa qysqartady eken. Almatynyń  tájirıbesi tek Qazaqstanǵa ǵana emes, Eýropa óńiriniń birqatar qalalaryna da paıdaly», -dep atap ótken Jýjanna Iаkab osydan 40 jyl buryn qabyldanǵan Almaty deklarasııasyna sáıkes alǵashqy medısınalyq-sanıtarlyq kómek kórsetýdediń ózekti ekendigin ári halyqaralyq mańyzdylyǵyn atap ótti. DDSU qalamen  yntymaqtastyqty keńinen damytýdy josparlaýda jáne qala turǵyndarynyń salaýattylyǵyn jaqsartýdaǵy jumysty odan ári jalǵastyratyn bolady.

«Memleket basshysynyń Joldaýynda elimizdiń odan ári damýyna yqpal etetin qalalardy turaqty óristetýge erekshe mán berilgen. Jaıly jáne ekologııalyq qala keńistigin, EYDU elderindegideı sapaly bilim  men densaýlyq saqtaý qyzmetin qalyptastyrý bizdiń basty baǵyttarymyzdyń biri bolyp tabylady. Osy oraıda sapaly, joǵary damyǵan medısınalyq qyzmet kórsetýdegi  ózge qalalardyń ozyq tájirıbeleri bizge óte qyzyq», - dep atap ótti Baýyrjan Baıbek.

Almaty ákimi birqatar ekijaqty kezdesýler ótkizdi, onyń ishinde Reseıdiń Vologod oblysynyń gýbernatory Oleg Kývshınnıkovpen, Fransııanyń Renn, Nıderlandtyń  Ýtreht qalalarynyń basshylarymen júzdesti.

Elvıra Serikqyzy,

«Egemen Qazaqstan»

 

ALMATY

Sońǵy jańalyqtar

Alystan jetken alǵys

Aımaqtar • Búgin, 14:10

Qazaqy ıtterdi ulttyq sportqa ıkemdeý qajet

Rýhanııat • Búgin, 09:27

Qazaqstanda 65 adamnan koronavırýs anyqtaldy

Koronavırýs • Búgin, 09:14

Uqsas jańalyqtar