Ádebıet • 05 Jeltoqsan, 2018

«Altyn tobylǵy» baıqaýynyń jeńimpazdary anyqtaldy

579 retkórsetildi

Nazarbaev ortalyǵynda «Altyn tobylǵy» respýblıkalyq ádebı baıqaýy qorytyndylandy. Oǵan túrli janrda qalam terbep júrgen 18 ben 35 jas aralyǵyndaǵy qalamgerler qatysty.

Tuńǵysh Prezıdenti – Elbasynyń Qory jas ádebıetshilerdiń eńbegine osymen tórtinshi ret qoldaý kórsetti. Jyldan jylǵa baıqaýǵa degen qyzyǵýshylyq artyp keledi.

Bıylǵy báıgege eldiń túkpir-túkpirinen 108 shyǵarma jiberildi. Jeńimpazdar  «Jyldyń úzdik prozasy», «Jyldyń úzdik poezııasy», «Jyldyń balalarǵa arnalǵan úzdik shyǵarmasy», «Jyldyń úzdik dramatýrgııasy» dástúrli atalymdar boıynsha belgilendi. Ár nomınasııa boıynsha syıaqy qory 1 mıllıon teńgeni quraıdy.

Sonymen qatar baıqaý Astananyń mereıtoıyna arnalǵan «Astananyń 20 jyldyǵy» taqyrybyna arnalǵan úzdik ádebı týyndy» arnaıy atalymmen tolyqty. Onyń júlde qory 1,5 mıllıon teńge.  

Marapattaý rásimine QR Parlamentiniń depýtattary, belgili qoǵamdyq, mádenıet, óner qaıratkerleri, sondaı-aq oqytýshylar men  joǵary oqý oryndarynyń «jýrnalıstıka» fakýltetteriniń stýdentteri qatysty.

Baıqaýdyń mańyzdylyǵy men qazaq ádebıetin damytýǵa qosatyn úlesine toqtalǵan Tuńǵysh Prezıdent Qorynyń atqarýshy dırektory Qanat Jumabaev: «Jyl saıyn «Altyn tobylǵy» baıqaýy bizge qazaqstandyq jańa aqyndar men jazýshylardy tanytady. Bul óz kezeginde jastar men qoǵam arasynda qazirgi zamanǵy ádebıetti oqýǵa yntalandyrýǵa, jańa býyn avtorlarynyń jarqyn ókilderin anyqtaýǵa yqpal etedi. Biz basty qundylyq dep osyny  sanaımyz», - dedi.

Usynylǵan jumystar – adamdar arasyndaǵy qarym-qatynas, olardyń is-áreketteri, ulttyq bolmys pen el damýy týraly syr shertetin  shynaıy nemese oıdan shyǵarylǵan oqıǵalar.

«Baıqaý atalymdary belgili bir dárejede Elbasynyń «Uly dalanyń jeti qyry» maqalasynda aıtylǵan halqymyzdyń rýhanı qundylyqtaryn aıshyqtaıdy. Sol sebepti ultyq mádenıetti, tarıhty jáne el jetistikterine arnalǵan shyǵarmashylyq jumystardy biriktirip, jańa atalymdy qosý múmkindigi qarastyrylýda», - dedi Qanat Jumabaev.

«Jyldyń úzdik prozasy» atalymynda «Adasqandar» shyǵarmasymen Aızat Raqysheva úzdik shyqty. «Jyldyń úzdik poezııasy» atalymy boıynsha Qaısar Qaýymbek («Kúńirenbe, molalar») jáne Aıbol Islamǵalıev («Jalǵyzdyq kartınasy») qatar jeńimpaz atandy. «Jyldyń balalarǵa arnalǵan úzdik shyǵarmasy» atalymynda Alına Gatına jeńimpaz boldy. «Astananyń 20 jyldyǵy» taqyrybyna arnalǵan úzdik ádebı týyndy» atalymynyń ıegeri bolyp Talap Sherhan («Astana boıaýlary») tanyldy.

Bıylǵy jyly «Jyldyń úzdik dramatýrgııasy» atalymy boıynsha usynylǵan jumystardyń qoıylǵan talaptarǵa saı kelmeýine baılanysty, jeńimpaz anyqtalǵan joq.

Sondaı-aq «Jyldyń úzdik prozasy» atalymy boıynsha Tursynbek Basharovqa («Chırıme») jáne «Jyldyń balalarǵa arnalǵan úzdik shyǵarmasy» atalymynda Aqan Marǵulanǵa («Jetiqaraqshy») kótermeleý syıaqysy retinde 500 myń teńgeden berildi.

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar