Aımaqtar • 08 Aqpan, 2019

Májilis depýtattaryna  Peschan aýyly  turǵyndarynyń suraǵy az bolmady

153 retkórsetildi

Parlament Májilisiniń depýtattary Gúljan Qaraǵusova, Vasılıı Oleınık, Sergeı Sımonov, Aleksandr Sýslov,Tatıana Iаkovleva óńirdegi Tereńkól aýdany turǵyndarymen kezdesti.

Aýdandaǵy Peschan aýyldyq aýmaǵy-tórtinshi deńgeıli bıýdjet engizilgen aýyldardyń biri.

Aýyl ákimi Altynaı Dúısembaevanyń aıtýynsha,3 myńnan astam  turǵyny bar aýylda túrli salyqtyq túsimderinen jergilikti bıýdjetke 5 mıllıon 300 myń teńge qarjy jınalǵan.

О́ıtkeni, turǵyndardan salyq jınaý barysynda birqatar máseleler bar. Birinshiden, zań boıynsha jeke kólikke salynatyn salyq tórtinshi toqsannyń sońyna deıin jınalýy tıis.  Jeltoqsan aıynda jınalǵan salyq kelesi jylǵa túsedi. 

Sondaı-aq, aýyl belsendileri jyljymaıtyn múlikti qaıta baǵalaý talaptaryn ózgertý qajet dep esepteıdi.

Depýtattar tórtinshi deńgeıli bıýdjetke qatysty Peschan aýylynda aıtylǵan  bul máseleler Parlament deńgeıinde qaralatynyn jetkizdi.

Sonymen qatar, №2 mektep muǵalimderi eńbekaqynyń durys eseptelmeıtinine de nazar aýdartty.

Al, «Dıplommen aýylǵa!» kelgen  jas maman shetel tilin bilip, oqytýdyń jańa júıesin meńgergen. Olar 15-20 jyldyq ótili bar ustazdardan áldeqaıda kóp jalaqy alady deıdi.

Depýtattar «Dıplommen-aýylǵa!» baǵdarlamasy aıasynda qarastyrylǵan jeńildikterdi muǵalimder men dárigerlerge ǵana emes, endi

Turǵyn úı-kommýnaldyq sharýashylyǵy salasynda eńbek etetin tehnıkalyq mamandyq ıelerine de berý kerek degen týraly usynys aıtty.

Iаǵnı, bul atalǵan saladaǵy maman tapshylyǵy máselesin ońtaıly sheshýge múmkindik beredi. Bul másele de  Parlamentte qaralatyn  boldy.

- Bul  bastamany oryndy dep esepteımin. Olar da ustaz, dárigerler sııaqty áleýmettik kómek alýǵa quqyly, - dedi Gúljan Qaraqusova Tereńkól aýylyndaǵy sý tazartý stansasynda bolǵan kezdesýde.

Depýtattar aýdan ortalyǵyndaǵy jańǵyrtýdan ótkizilgen sý tazartý stansasynyń jumysymen tanysty. Nysan ótken jyly paıdalanýǵa berilgen.

Aýdan ortalyǵyndaǵy turǵyn úıler ortalyqtandyrylǵan sý júıesine qosylǵan.

Farıda BYQAI,

«Egemen Qazaqstan»

Pavlodar oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar