Álem • 08 Aqpan, 2019

AQSh jáne KHDR sammıti Vetnamda ótedi

323 retkórsetildi

AQSh pen KHDR arasyndaǵy ekinshi sammıt aqpan aıynyń  27-28 kúnderi ótetin boldy. Ol týraly koreı jáne vetnam baspasózderi resmı habar taratty. Bul joly sammıt ótetin oryn retinde tańdaý Vetnam eline tústi. Sıngapýrdaǵy samıtten keıin, atalmysh sammıt 260 kúnnen keıin qaıta resmı túrde uıymdastyrylǵaly otyr.

Vetnam eliniń Tanan qala­synda bir jyldary Azııa-Ty­nyq muhıty ekonomıkalyq ynty­maqtastyǵy (APEC) forýmy sátti ótken bolatyn. Sodan beri bul qala ekonomıkalyq forýmdar men halyqaralyq túrli sharalardyń ótýine yńǵaıly, shaǵyn qalanyń biri bolyp álem jurtyna tanyla bastady. Soltústik Koreıanyń basshysy osy qalany tańdady. Sebebi atalmysh qala qaýipsizdik jaǵynan tıimdi ári onyń kelip ketýine yńǵaıly. Bir qaraǵanda Sıngapýr sammıti ótken jermen birshama uqsastyqtary bar. 

AQSh memleketiniń basshysy Donald Tramp aldyńgúni Kongreste Amerıkanyń álemdegi ústemdigi jáne túrli ekonomıkalyq má­se­lege baılanysty sóz sóıledi. Osy jerde ol Soltústik Koreıamen kelisip, josparlaǵan sammıt tý­ra­ly da arnaıy atap ótti. Do­nald Tramptyń Soltústik Koreıa jaıly Kongreste aıtýy saıası upaı jınaýdyń amaly degen sarapshylardyń pikiri de aıtylýda. Biraq ázirge eki eldiń arasynda ótetin ekinshi sammıt týraly sarapshylar óz pikirlerin aıtýǵa asyqpaıdy. Aldaǵy ýaqytta osy jaıynda AQSh, Ońtústik Koreıa, Japonııa, Qytaı, Reseı jáne taǵy basqa elderdiń mamandary óz oılaryn ortaǵa salady. 

AQSh pen Soltústik Ko­reıa arasyndaǵy sammıttiń óte­tin ornyna keletin bolsaq, Vet­namǵa tańdaý jaıdan-jaı tús­ken joq. Eki el Vetnamdy ne­lik­ten tańdady? Bul elmen AQSh-tyń tarıhı baılanysy bolsa da, Soltústik Koreıanyń qandaı qatysy bar degen suraq týýy múmkin. AQSh pen Ońtústik Koreıa Vetnam soǵysyna qatysty. Osy soǵysta AQSh jeńilis tapqany bárine belgili. Osy soǵysqa AQSh-ty qoldaýshy retinde Ońtústik Koreıa da qatysqany bar. Vetnam soǵysyna Soltústik Koreıa AQSh pen Ońtústik Koreıa áskerine qar­sy ártúrli partızandyq so­ǵystarǵa óziniń jasaqtaryn ji­berip, soǵysqa áskerı jáne saıası múddesi úshin qatysqan. Sonymen qatar Vetnam eli sosıalızmniń sheńberinen shyq­qan el. Qazir ózinshe damý joly­na túsip keledi. Tirshiligi túzele bastaǵan Vetnamdy Kım Chen Yn kórsin degen AQSh-tyń da nıeti baıqalady. Sondyqtan búgin bul eldiń tańdaýǵa túsýi beker emes. 

Vetnam sammıtinde qandaı másele talqylanyp, qandaı qu­jattar qabyldanatyny bárine qy­zyqty. Eki eldiń arasyndaǵy ıad­rolyq qarýsyzdaný máselesine qatysty kelissózder ilgeri basa ma, Soltústik Koreıa taǵy qandaı dıplomatııalyq qadam jasaıdy degen suraqtar kópshilikti mazalaıdy. Mine, osylaı Vetnam sammıti degen jańa jıyn dúnıege kelmekshi. Bul sammıttiń nátıjesi qalaı bolatynyn ýaqyt kórsetedi. 

Dastan Aqash,

arnaıy  «Egemen Qazaqstan» úshin

Ońtústik Koreıa, Seýl qalasy

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar