Sport • 08 Aqpan, 2019

Bıatlonnan Kanadadaǵy álem kýbogi kezeńinde jekeleı syn aıaqtaldy

214 retkórsetildi

Kanadanyń Kenmor qalasynda bıatlonnan álem kýboginiń eń qıyn kezeńderiniń biri bastaldy. Uıymdastyrýshylar aýa raıynyń qolaısyzdyǵyna baılanysty jarys baǵdarlamasyna ózgeris engizdi. Dese de, kúnniń sýyqtyǵyna qaramastan, jekeleı syn básekeleri keıinge shegerilgen joq. Qazaqstan atynan jarys jolyna tórt sportshy shyqty dep habarlaıdy Olympic.kz. 

Bıatlonnan álem kýbogi kezeńderi Soltústik Amerıkada kópten beri ótkizilmeı júrdi. Oǵan sebep - aýa raıynyń qolaısyzdyǵy. Kúnniń sýyqtyǵyna baılanysty mass-start básekesi keıinge qaldy, al jekeleı syndaǵy qashyqtyqty uıymdastyrýshylar qysqartýǵa májbúr boldy. 

Erler arasynda synǵa túsken Tımýr Kýs pen Vladıslav Vıtenko tıisinshe 58-shi jáne 94-shi orynǵa jaıǵasty. Vıtenkonyń atý alańynda joly bolmaı, 9 ret múlt ketkenin aıta ketý kerek. Al jekeleı syn básekesin norvegııalyq Iohanes Be jeńip aldy. Ekinshi orynda onyń jerlesi Vetle Shosta Krıstıansen. Úshinshi satyda reseılik Aleksandr Logınov. 

Áıelder arasynda baq synaǵan Elızaveta Belchenko men Anastasııa Kondrateva atý alańynda úsh retten múlt ketti. Qorytyndy esepte Belchenko 61-shi, Kondrateva 78-shi orynǵa turaqtady. Bul jarysta norvegııalyq Tırıl Ekhofftyń aıy ońynan týdy. Kúmis medalǵa chehııalyq Marketa Davıdova, qola medalǵa ıtalııalyq Lıza Vıtosıı ıelik etti.

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar