Parlament • 08 Aqpan, 2019

Senatorlar sot júıesin jańǵyrtý máseleleri boıynsha zań jobalaryn qarady

253 retkórsetildi

Parlament Senatynyń Konstıtýsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynda «Qazaqstan Respýblıkasy men Iordan Hashımıt Koroldigi arasyndaǵy qylmystyq ister boıynsha ózara quqyqtyq kómek týraly kelisimdi ratıfıkasııalaý týraly» Qazaqstan Respýblıkasy zańynyń jobasy qaraldy. Kelisim 2017 jylǵy 1 qarashada Astanada jasalǵan bolatyn. Bul týraly Parlament Senatynyń baspasóz qyzmeti habarlady.

Zań jobasynyń negizgi maqsaty ýaǵdalasýshy memleketterdiń qylmystyq ister boıynsha tergeýlerdi, qylmystyq qýdalaýdy jáne sot talqylaýyn júrgizýde kómek kórsetýi bolyp tabylady.

Kelisim kúdiktilerdiń jáne aıyptalýshylardyń kinásin dáleldeý úshin qajetti tergeý áreketterin júrgizýdi kózdeıdi. Sonymen qatar, quqyqtyq kómek kórsetýdiń sharttary men tártibi jáne odan bas tartýdyń negizderi aıqyndalǵan.

Sondaı-aq, «Qazaqstan Respýblıkasy men Iordan Hashımıt Koroldigi arasyndaǵy adamdardy ustap berý týraly kelisimdi ratıfıkasııalaý týraly» Qazaqstan Respýblıkasy zańynyń jobasy qaraldy.

2017 jylǵy 1 qarashada Astanada jasalǵan Kelisim árbir ýaǵdalasýshy memlekettiń óz aýmaǵynda júrgen, ustap berýge ákeletin qylmysy úshin suraý salýshy taraptyń aýmaǵynda qylmystyq qýdalaý nemese sot úkimin oryndaý maqsattarynda izdeý salynǵan adamdy ustap berýine baǵyttalǵan.

Senatorlar sonymen qatar «Qazaqstan Respýblıkasy men Iordan Hashımıt Koroldigi arasyndaǵy sottalǵan adamdardy berý týraly kelisimdi ratıfıkasııalaý týraly»   zań jobasyn qarady.

Kelisimniń erejelerine sáıkes berý sottalǵan adamnyń nemese onyń zańdy ókiliniń jazbasha kelisimi bolǵan sharttarda jáne berýge eki taraptyń kelisimi bolǵan kezde júzege asyrylady. Árbir tarap óziniń ulttyq zańnamasyna sáıkes berilgen sottalǵan adamǵa qatysty keshirim jasaýdy, raqymshylyqty nemese jazany jeńildetýdi júzege asyrýǵa quqyly.

Komıtet «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýsııalyq zańyna ózgerister men tolyqtyrýlar engizý týraly» Qazaqstan Respýblıkasy Konstıtýsııalyq zańynyń jobasyn talqylady.

Zań jobasynyń maqsaty sot júıesin jańǵyrtý, sýdıa kadrlardy sapaly damytý jáne jańartý bolyp tabylady.

Konstıtýsııalyq zań jobasymen Joǵarǵy Sottyń jáne oblystyq sottardyń jalpy otyrystarynyń tóralqalary joıylady. Oblystyq sottyń keńeıtilgen jalpy otyrysy engiziledi, oǵan oblystyq sottyń sýdıalary jáne tıisti oblystyń, respýblıkalyq mańyzy bar qalanyń, astananyń aýdandyq sottarynyń sýdıalary qatysady.

Oblystyq sottyń keńeıtilgen jalpy otyrysynyń quzyretine jergilikti sottyń eki sýdıasyn Joǵarǵy Sottyń keńeıtilgen jalpy otyrysyna jiberý máselelerin qaraýdy, Joǵary Sot Keńesiniń, Joǵary Sot Keńesi janyndaǵy Sot jıýrıiniń jáne Kadr rezervi jónindegi komıssııanyń, Joǵarǵy Sot janyndaǵy Sot tóreliginiń sapasy jónindegi komıssııanyń quramyna sýdıalardyń kandıdatýralaryn qaraýdy jáne Joǵarǵy Sottyń keńeıtilgen jalpy otyrysyna tıisti usynymdar shyǵarýdy jatqyzý usynylady.

Sýdıalarǵa qatysty tártiptik isterdi qaraý úshin Joǵary Sot Keńesiniń janynan Sot jıýrıi qurylady, ol alty sýdıadan, keńesshi daýys berý quqyǵy bar jurtshylyq ókilderinen jáne sýdıalardyń qatarynan Joǵary Sot Keńesiniń bir múshesinen turady.

Zań jobasymen Sot jıýrıiniń sýdıaǵa qatysty materıaldardy qaraýy úshin mynadaı negizder belgilenedi:

1) Joǵarǵy Sot Tóraǵasynyń usynýy;

2) oblystyq sottardyń jáne Joǵarǵy Sottyń jalpy otyrystarynyń sheshimderi;

3) tekserýlerdiń qorytyndysy boıynsha rastalǵan, buqaralyq aqparat quraldarynyń jarııalanymdarynda qamtylǵan málimetter men faktiler, jeke jáne zańdy tulǵalardyń joldanymdary;

4) sýdıa ádebi jónindegi komıssııalardyń sheshimderi.

Zań jobasymen aýdandyq sot tóraǵasynyń, oblystyq sot tóraǵasynyń, sot alqalary tóraǵalarynyń jáne sýdıasynyń, Joǵarǵy Sot sýdıasynyń jáne sot alqalary tóraǵalarynyń laýazymdaryna kadr rezervi engiziledi, ony Joǵary Sot Keńesi janyndaǵy Kadr rezervi jónindegi komıssııa qalyptastyrady. 

Senatorlar, sondaı-aq «Qazaqstan Respýblıkasynyń keıbir zańnamalyq aktilerine sot júıesin jańǵyrtý máseleleri boıynsha ózgerister men tolyqtyrýlar engizý týraly» Qazaqstan Respýblıkasy zańynyń jobasyn qarady.

«Bilim týraly» Qazaqstan Respýblıkasynyń Zańyna Qazaqstan Respýblıkasy Joǵarǵy Sotynyń Sot tóreligi akademııasyna qatysty quzyretin kózdeıtin tolyqtyrý engiziledi.

Zań jobasymen «Qazaqstan Respýblıkasynyń Joǵarǵy Sot Keńesi týraly» Qazaqstan Respýblıkasynyń Zańyna Joǵarǵy Sot Keńesiniń  sýdıalardy tártiptik teris qylyqtar jasaǵany úshin nemese «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasy Konstıtýsııalyq zańynyń talaptaryn oryndamaǵany úshin atqaratyn laýazymynan bosatý máselelerin qaraıtynyn jáne Sot júıesindegi sýdıa kadrlarynyń jaı-kúıi týraly jyl saıynǵy ulttyq baıandamany qalyptastyratynyn qarastyratyn tolyqtyrýlar kózdeledi.

Zań jobasymen Keńestiń zańger-ǵalymdar men advokattar qatarynan shyqqan músheleriniń eńbegine aqy tóleý belgilenedi, ol Keńeske respýblıkalyq bıýdjetten bólingen qarajat esebinen júrgiziledi.

«Qazaqstan Respýblıkasynyń memlekettik qyzmeti týraly» Qazaqstan Respýblıkasynyń Zańyna Qazaqstan Respýblıkasynyń Joǵarǵy Soty janyndaǵy Sot tóreligi akademııasynda oqýdy bitirgen jáne biliktilik emtıhanyn tapsyrǵan adamdardyń oqýdy bitirgennen keıin bir jyl ishinde Qazaqstan Respýblıkasynyń memlekettik qyzmet týraly zańnamasyna sáıkes sottardyń qyzmetin uıymdastyrýshylyq jáne materıaldyq-tehnıkalyq qamtamasyz etý máselesi jónindegi ýákiletti organda jáne onyń aýmaqtyq bólimshelerinde «B» korpýsynyń memlekettik əkimshilik laýazymdaryna ýákiletti organmen kelisý boıynsha konkýrs ótkizilmesten ornalasa alatynyn kózdeıtin tolyqtyrý engiziledi.

Qujattar Palata qaraýyna berildi.

Sońǵy jańalyqtar

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Muqtaj jandarǵa kómektesedi

Rýhanııat • Búgin, 08:10

Sabyr-shydamnyń synalar shaǵy...

Qoǵam • Búgin, 08:04

Senimimizdi nyǵaıtqan naqty qadam

Rýhanııat • Búgin, 08:02

Jastarǵa da qoldaý jasalady

Parlament • Búgin, 07:59

Toılarymyz alda!

Parlament • Búgin, 07:52

Betperde kıgen kóktem - 3

Tanym • Búgin, 07:35

Syr dıqandary soıa ósirýge den qoıdy

Ekonomıka • Búgin, 07:34

Bankter qolushyn sozýǵa daıyn ba?

Ekonomıka • Búgin, 07:24

Tártip pen tazalyq

Qoǵam • Búgin, 07:22

Qazaq qaıda barady?

Rýhanııat • Búgin, 07:12

Benzın baǵasy arzandady

Ekonomıka • Keshe

Uqsas jańalyqtar