Qazaqstan • 11 Aqpan, 2019

Dárilik zattardyń jaǵymsyz áserlerine baılanysty retteý sharalary júrgiziledi

263 retkórsetildi

2018 jyly Qazaqstanda dárilik zattardyń jaǵymsyz áserleri jóninde 3200 habarlama tirkelgen. Bul týraly Ortalyq kommýnıkasııalar qyzmeti habarlady.

«Eger siz kórsetilimderine qaraı jáne dárigerdiń taǵaıyndaýy boıynsha em qabyldasańyz, biraq osy nemese basqa preparatty nemese medısınalyq buıymdy qoldanýdan bolǵan jaǵymsyz áserdi baıqasańyz, ondaı jaǵdaıda emdeýshi dárigerińizben birge Dárilik zattardy Ulttyq saraptaý ortalyǵynyń saıtynda elektrondyq karta-habarlama toltyrý arqyly habarlaýyńyzǵa bolady» dep málimdedi DZUSO bas dırektorynyń mindetin atqarýshy Qanat Erjanov.

DZUSO áriqaraı 48 saǵatqa deıingi merzimde kelip túsken derekterdi taldap, kúrdeli jaǵymsyz reaksııalar týraly Farmasııa komıtetine málimdeıdi. Berilgen aqparat pen júrgizilgen saraptamanyń negizinde Farmasııa komıteti retteý sharalaryn jáne preparatty qoldanýǵa tyıym salý, aınalymyn shekteý, serııasyn toqtatý jáne t.b. sheshimder qabyldaıdy.

Aıta ketsek, 2008 jyldan bastap Qazaqstan Respýblıkasy Dúnıejúzilik densaýlyq saqtaý uıymynyń dárilik preparattardyń jaǵymsyz áserlerin monıtorıngteý jónindegi jahandyq baǵdarlamasynyń tolyq quqyly múshesi bolyp tabylady jáne osy uıymǵa bizdiń elimizden derekter joldaıdy.

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar