Qazaqstan • 11 Aqpan, 2019

1,4 mln azamat salyq amnıstııasyna ilige alady — Qarjy mınıstrligi

189 retkórsetildi

Úkimettiń baspasóz ortalyǵynda ótken baspasóz konferensııasynda Qarjy mınıstri Álıhan Smaıylov shaǵyn jáne orta bıznes sýbektilerine salyq amnıstııasyn júrgizý barysy týraly aıtyp berdi.

Salyq amnıstııasy aıasynda 2018 jylǵy 1 qazandaǵy jaǵdaı boıynsha bereshegi tólengen jaǵdaıda salyq tóleýshilerdiń derbes shottarynda eseptelgen ósimpuldar men aıyppuldar joıylady. Jalpy, salyq amnıstııasyna 210 mlrd teńge qaryzy bar shamamen 90 myń shaǵyn jáne orta bıznes sýbektileriniń salyq tóleýshisi iligedi. Bul bereshekter tólengen jaǵdaıda Qarjy mınıstrligi 130 mlrd teńge ósimpul men aıyppuldy alyp tastaıdy.

Búgingi tańda, 28myńǵa jýyq salyq tóleýshi 5,9 mlrd teńgeden astam bereshegin ótegen. Tıisinshe, 1,1 mlrd teńge ósimpul jáne 0,1 mlrd teńge aıyppul esepten shyǵarýǵa jatady.

«Biz bızneske aıyppuldar men ósimpuldardy tólemesten, negizgi qaryzdy tóleýge múmkindik beremiz. 2019 jyldyń 1 qańtaryndaǵy jaǵdaı boıynsha bereshektiń negizgi bóligin ótegen azamattar úshin barlyq eseptelgen ósimpul esepten shyǵarylady. Memleket salyq túsimderin alýda. Máselen, 1 qazandaǵy jaǵdaı boıynsha qaryzy bar shaǵyn jáne orta bıznes shsýbektileriniń amnıstııasy boıynsha, bul — shamamen 90 myń, memleket barlyq salyq tóleýshiler qaryzynyń negizgi bóligin tólegen jaǵdaıda 200 mlrd tg astam qosymsha salyq túsimderin alýy tıis», — dedi Á. Smaıylov.

Sonymen qatar, mınıstrdiń aıtýynsha, atalǵan shara jalpy ekonomıka jaǵdaıyn jaqsartady. Iаǵnı, eger merzimi ótip ketken qaryzdar bolmasa, onda kompanııa ári qaraı qalypty jaǵdaıda jumys istep, nesıe alyp, memleketpen qarym-qatynas jasaýdy jalǵastyra alady.

«Mundaı is-sharalar buǵan deıin de júrgizilgen bolatyn: 2011, 2015 jyldary oń nátıje berdi. Sońǵy amnıstııaǵa sáıkes, amnıstııadan ótken kásiporyndardyń 70% jýyǵy qazirgi tańda qaryzsyz qyzmet kórsetýde. Sondyqtan da, bul is bızneske de, memleketke de paıdaly dep esepteımin», — dedi mınıstr.

Onyń aıtýynsha, jeke tulǵalarǵa qatysty salyq amnıstııasyn júrgizý maqsatynda Salyq kodeksine tıisti ózgertýler engiziletin bolady. Búgingi tańda 1,4 mln azamattyń 21 mlrd teńge kóleminde salyqtyq bereshegi bar, onyń 6,6 mlrd teńgesi — ósimpul.

ShOB odan ári damytýdyń taǵy bir mysaly — tekserister sanyn azaıtý. Qarjy mınıstrliginiń aqparatyna sáıkes, 2016 jyly 77 myń tekserý júrgizilse, 2017 jyly – 42 myń, 2018 jyly – 38 myńǵa azaıdy. Iаǵnı, tekserý sharalary 2 eseden astam tómendegenin baıqaýǵa bolady. Tekserýlerdiń sapasyn arttyrý qosa eseptelgen somalardy óndirip alýdyń ósimin 35%-ǵa arttyrýǵa múmkindik berdi. Sonyń nátıjesinde tekserý esebinen bıýdjetke qosymsha 45 mlrd teńge tústi.

Sońǵy jańalyqtar

«Birgemiz» qoryna 13 mlrd teńge tústi

Qazaqstan • Búgin, 18:32

Koronavırýs Kókshetaýǵa da keldi

Koronavırýs • Búgin, 18:24

Kógildir ekranda – jańa melodramma

Rýhanııat • Búgin, 18:04

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Uqsas jańalyqtar