Qazaqstan • 12 Aqpan, 2019

«Jasyl» ınvestısııa kólemi – 80,2 mıllıard teńge

351 retkórsetildi

Aldyn ala esepteýler boıynsha, 2018 jyly qorshaǵan ortany qorǵaýǵa baǵyttalǵan ınvestısııa kólemi 2 jarym esege ósip, 80,2 mıllıard teńgeni qurady. Finprom.kz-tiń habarlaýynsha, bul atalǵan salaǵa quıylǵan kapıtal kólemi boıynsha rekordtyq kórsetkish.

Buǵan deıin 2014 jyly osy baǵytqa 78,7 mıllıard teńge qarajat bólingen eken. 2017 jylǵy kórsetkish 32 mıl­lıard teńge shamasynda. 

Sarapshylar jyl sanap ulttyq eko­no­mıkadaǵy «jasyl» tehnolo­gııalardyń básekege qabilettiligi artyp kele jatqanyn aıtady. 2050 jylǵa qaraı «jasyl» ekonomıkaǵa kóshýdiń nátıjesinde ishki jalpy ónimdi qosymsha 3 paıyzǵa ósirip, 500 myńnan astam jańa jumys ornyn ashýǵa, ónerkásip pen qyzmet kórsetý salasynda jańa baǵyttardy qalyptastyrýǵa, halyqtyń turmys sapasynyń jańa joǵary standarttaryn jasaýǵa qol jetkizilmek. 2020 jylǵa qaraı elektr energııasyn óndirýdegi jel energııasy stansalary men kún energııasy stansalarynyń úlesin 3 paıyzǵa jetkizý mindeti alǵa qoıylyp otyrǵanyn aıta ketý kerek. 

«Jasyl» ekonomıkaǵa salynǵan ınvestısııa kólemi boıynsha Aqmola oblysy aımaqtar arasynda aldyńǵy orynda tur. 2017 jyly oblysta osy baǵytqa 3,8 mıllıard teńge jumsalsa, byltyr bul kórsetkish 6 jarym esege ósip, 25,7 mıllıardqa jetipti. 

Ekinshi orynda – 12,7 mıllıard teńge kórsetkishpen Jambyl oblysy tursa, úshtikti 9,1 mıllıard teńgemen Atyraý oblysy túıindepti. 

Búgingi tańda elimizde jańǵyrmaly energııa óndiretin 65 nysan bar eken. Finprom.kz habarlaǵandaı, bul nysandardyń 12-si jel elektr stansasy, 19-y kún elektr stansasy, 33-i gıdroelektr stansa, taǵy 1-eýi – bıogaz qondyrǵysy. 2018 jyldyń alǵashqy jartysynda 65 nysannan barlyǵy 629,5 mıllıon kVt-saǵ elektr energııasy óndirilgen. 

Qazirgi tańda Aqmola oblysynda qýaty 50 MVt bolatyn «Astana EKSPO-2017» jel elektr stansasy saly­nyp jatyr. Bul iske qosylǵannan keıin aýaǵa taralatyn parnık gazynyń kóle­min jylyna 230 myń tonnaǵa azaıtý­ǵa tıis. «Astana EKSPO-2017»-nyń qýaty 10 myńnan astam otbasyn jańǵyr­maly energııamen qamtamasyz etýge jetedi. 

Aqmola oblysyndaǵy jobaǵa «Qazyna Kapıtal Menedjment» AQ 3,6 mıllıard teńge qarajat bólipti. Qurylysyna jalpy kólemi 45 mıl­lıardtan astam qarajat jumsalatyn jel elektr stansasyna Qazaqstannyń damý banki men onyń enshiles kásiporny «BRK-Lızıng» ınvestısııa bólgenin atap ótken jón. 

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:30

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar