12 Aqpan, 2019

Jezqazǵanda «65 ıgi is» jospary júzege asyrylady

601 retkórsetildi

Elimizdiń órkendeýine ózindik úles qosyp kele jatqan Jezqazǵan shahary qala mártebesin 1954 jyldyń 20 jeltoqsanynda alǵan. Iаǵnı, bıyl mysty ólke astanasy óziniń 65 jyldyq belesin atap ótedi.

Osy mereıli mejege baılanysty Jezqazǵan qalasynda «65 ıgi is» dep atalǵan jospardyń qurylǵany týraly qala ákimi Qaırat Begimov eseptik kezdesý barysynda málimdedi.

– 2019 jyly bizge qyrýar jumys atqarýǵa týra keledi. Sebebi, bul jyl mańyzdy, qoǵamdyq-saıası, tarıhı máni bar oqıǵalarǵa toly. Ol – «Jastar jyly» jáne Jezqazǵannyń 65 jyldyq mereıtoıy, – dedi qala basshysy. – Bul ózimizdiń jetistikterimizdi kórsetýge jáne týǵan ólkemizdi órkendetý jolynda  kúshimizdi shoǵyrlandyrýǵa múmkindik beredi. 

Qala ákimi «65 ıgi is» jospary negizinde júzege asyrylmaqshy   jobalardyń mańyzdylaryn atap ótti. Olardyń ishinde jańa kópqabatty turǵyn úıdiń qurylysy, keńes berý-dıagnostıkalyq ortalyqtyń ashylýy, Ǵaryshkerler gúlzaryn, «Jastar» saıabaǵyn, Q.Sátbaev atyndaǵy alańdy qaıta qalpyna  keltirý sııaqty sharapatty sharýalar bar. Sondaı-aq, 2019 jyly Jezqazǵanda 900 oqýshyǵa arnalǵan, jobalyq quny 1,9 mlrd teńge bolatyn jańa mektep salynady. Buǵan qosa, shaǵyn jáne orta bıznes nysandaryn da kóptep ashý josparda bar.

Jezqazǵandyqtar Memleket basshysynyń tapsyrmasy boıynsha qolǵa alynǵan «Saryarqa» gaz qubyry magıstraliniń qurylysyna úlken úmit artyp otyr. «Gaz qubyryn tartý shalǵaıdaǵy turǵyndardyń turmystyq jaǵdaıyn jaqsartýǵa múmkindik beredi jáne aımaǵymyzdyń damýyna oń áserin tıgizedi», deıdi Jazqazǵan qalasynyń ákimi.

Jezqazǵan úshin mereıli jylda áleýmettik salanyń damýyna erekshe kóńil bólinbek. Mysaly, qaladaǵy eki mektepte IT-kabınetter jabdyqtalatyn bolady. Alty mektepte jabdyqtar men ashanalardaǵy jıhazdar jańartylyp, sport quraldary satyp alynady dep josparlanǵan. Sonymen qatar, aldaǵy ýaqytta jańa sport nysandary – 320 orynǵa arnalǵan dene shynyqtyrý-saýyqtyrý kesheni, sporttyń eskek esý túrine arnalǵan keshen, taekvondo ortalyǵy boı kótermekshi. Olardyń qurylysy bıyl bastalady. 

Qala basshylyǵy memleket-jekemenshik áriptestigi negizinde bıznes ókilderimen qarym-qatynasty durys jolǵa qoıa bilgen. Osy júıe aıasynda kásipkerler bıyl jalpy somasy 5 mlrd teńge bolatyn jobalardy júzege asyrmaqshy eken. Iаǵnı, Jezqazǵan qalasynyń kelbetin jańǵyrtyp, onyń kóshelerin jaryqtandyrý men abattandyrý baǵytynda ıgi ister qolǵa alynady. Sonymen qatar, qalada jańa sýpermarket boı kóteredi. Kásipkerlerdiń ýádesi boıynsha, bul saýda ornynda áleýmettik-baǵdarlanǵan baǵalar qoıylatyn  bolady.

Bir sózben aıtqanda, Elbasynyń tikeleı tapsyrmasy boıynsha sońǵy kezderi jasara, jańǵyra túsken Jezqazǵan qalasy óziniń 65 jyldyq tarıhı belesin berekeli tirlikpen, laıyqty tartýlarmen qarsy alýǵa bet túzegen.

Qaırat ÁBILDA,

«Egemen Qazaqstan»

Qaraǵandy oblysy, Jezqazǵan qalasy

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar