Qazaqstan • 12 Aqpan, 2019

Túgendeý nátıjesinde artyq alańdar anyqtaldy

273 retkórsetildi

Mańǵystaý oblysy boıynsha memlekettik organdardyń aýmaqtyq bólimsheleri ornalasqan artyq alańdardy ońtaılandyrý boıynsha oblystyń memlekettik organdary ornalasqan alańdarǵa túgendeý júrgizilgen bolatyn. Bul týraly Mańǵystaý oblystyq О́ńirlik kommýnıkasııalar qyzmetinde ótken brıfınte Memlekettik qyzmet isteri jáne sybaılas jemqorlyqqa qarsy is-qımyl agenttiginiń aýmaqtyq departamentiniń sybaılas jemqorlyq profılaktıkasynyń bas mamany Nurgúl Muqataı málimdedi.

Túgendeý jumystary Prezıdenttiń 2018 jylǵy 5 qazandaǵy Halyqqa Joldaýynda aıtylǵan tapsyrmasy boıynsha, Qarjy mınıstrliginiń jáne Memlekettik qyzmet isteri jáne sybaılas jemqorlyqqa qarsy is-qımyl agenttiginiń «Memlekettik organdardyń alańdarmen qamtamasyz etýdiń zattaı normalaryn saqtamaýlaryn anyqtaý boıynsha jumystardy birlesip júrgizý týraly» birlesken buıryǵy negizinde Agenttiktiń aýmaqtyq departamenti oblystyq Memlekettik múlik jáne jekeshelendirý departamentiniń, oblys ákimdiginiń qarjy basqarmasynyń mamandarymen birlesip júrgizildi.

Túgendeý barysynda 232 memlekettik mekeme qamtyldy, olardyń ishinde 60  ortalyq memlekettik organdar, 172 - jergilikti atqarý organdary bar. Jumys toby memlekettik organdardyń alańdarmen qamtamasyz etýdiń normalaryn saqtamaýy boıynsha 7142,485 sharshy metrdi anyqtady. Basshylardyń qyzmettik bólmeleri boıynsha artyq alańdary - 4130,9 sh.m.

2685,53 sh.m artyq alań túrli sebepterge baılanysty ońtaılandyrýǵa jatpaıdy. Onyń sebepteri: artyq alańnyń kóleminiń tym az bolýy, ǵımarattyń ishki qurylysynyń erekshelikteri. Sondyqtan olardy yqshamdaý týraly usynys berý múmkin bolmaı otyr. Sonymen birge, artyq alańy bar keıbir balans ıeleri ishinde erekshe rejımdegi quqyq qorǵaý organdary da bar.

Qatardaǵy ákimshilik qyzmetkerlerdi normaǵa sáıkes ornalastyrý maqsatynda anyqtalǵan artyq alańdardy basqa qurylymdyq bólimshelerge berý, jalǵa berý arqyly artyq ornalasyp otyrǵan 379,25 sh.m kólemindegi alańdy maqsatty jumsap, kemshilikti joıýǵa bolady. Júrgizilgen túgendeý barysynda bosatylǵan alańdar boıynsha oblystyń kommýnaldyq menshigine berý týraly usynystar keltirildi. Atalǵan shara nátıjesinde jyl saıyn 1 049 000 tenge únemdeý bıýdjet qoryna túsedi dep kútilýde.

Túgendeýdiń nátıjesi boıynsha óńirde anyqtalǵan artyq alańdardyń 3303, 465 sharshy metri ońtaılandyrýǵa jatady.

Jergilikti atqarý organdarynyń usynǵan aqparatyna sáıkes, túgendeý nátıjesinde anyqtalǵan 299,7 sh.m. artyq alańdarǵa basqa memlekettik zańdy tulǵalardy ornalastyrýǵa nemese múliktik jalǵa berý máselesi qarastyrýda.

Gúlaıym ShYNTEMIRQYZY,

«Egemen Qazaqstan»

Mańǵystaý oblysy

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar