Aımaqtar • 12 Aqpan, 2019

Sh.Esenov ýnıversıteti bıyl 100 bilim grantyn bólip otyr

460 retkórsetildi

Ýnıversıtetke talantty jastardy tartý maqsatynda mektep oqýshylary arasynda pándik olımpıadalar ótkizý sharasy júıeli túrde ótkizilip keledi. 

Olımpıadanyń byltyrǵy jeńimpazdary úshin 18 grant bólingen bolsa, jyldan-jylǵa olımpıadaǵa qatysýshylar sany ósip kele jatqandyqtan, ústimizdegi jyly ýnıversıtet rektory tarapynan jeńimpazdarǵa jáne kásipkerlik negizde ómirsheń jobalardy qorǵaǵan jastarǵa arnaıy 100 bilim granty bólinip otyr.

-Túrli jaǵdaılarǵa baılanysty qarjy jaǵynan qıyndyq kórip júrgen jastarǵa ýnıversıtet tarapynan áleýmettik qoldaý jasaý maqsatynda materıaldyq kómek kórsetiledi. Odan basqa, emtıhan sessııalaryn úzdik tapsyrǵan bilim alýshylarǵa, anasy «Altyn alqa» ıegeri jáne otbasynda 18-ge tolmaǵan 5 bala bolsa, sondaı-aq ata-anasynyń qamqorlyǵynsyz qalǵan stýdentterge oqý aqysyn tóleýde jaqsy jeńildikter qarastyrylǵan. Ýnıversıtet qabyrǵasynda bilim alýshy jastardy yntalandyrý maqsatynda oqýdaǵy, sporttaǵy, ǵylymı-izdenýshilik jáne qoǵamdyq jumystardaǵy joǵary deńgeıdegi kórsetkishteri úshin, Qazaqstannan tysqary elde ótkizilgen halyqaralyq pándik olımpıadalar, baıqaýlar men jarystarda júldeli oryn alǵan stýdentterge aqshalaı syıaqylar berilip turady, dedi О́ńirlik kommýnıkasııalar alańynda ótken brıfıngte ýnıversıtet rektory B.Ahmetov.

Gúlaıym ShYNTEMIRQYZY,

«Egemen Qazaqstan»

Mańǵystaý oblysy

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar