Qazaqstan • 12 Aqpan, 2019

Kaspııóńirlik kásipkerlik ortalyǵy ashylady

296 retkórsetildi

Jastar jylynyń aıasynda Yessenov University qabyrǵasynda «Jas ǵalymdar» Keńesi», «Jas zertteýshiler klýby», «Jas kásipkerler qaýymdastyǵy», bolashaq zańgerlerden qurylǵan «Zań klınıkasy» ashylady. Atalǵan ujymdyq toptar álemdik ǵylymı-bilim berý keńistiginde suranysqa ıe bolatyn jas mamandar daıarlaýǵa kúsh salady. 

Búgingi tańda oqý ornynda jas kásipkerler qaýymdastyǵyndaǵy bes stýdenttiń startap jobasy qoldaý tapqan, olar - bıopaket jobasy, ózin ózi qýattandyratyn avtokólik, aqyldy taıaqsha, Mańǵystaýda ósetin jenshen jáne emdik sabyn shyǵarý jobalary. Qazir bul jobalardy ekonomıkalyq turǵydan qoldaý men naryqqa qalaı shyǵarý joldaryn atalmysh ýnıversıtet janynan qurylatyn Kaspııóńirlik kásipkerlik ortalyǵy arqyly izdestirip, jastardyń ıdeıasyn odan ári damytý jolyndaǵy jumystar júrgizilýde.

Oqý orny rektorynyń aıtýynsha, ýnıversıtet ázirge kásipkerlik jobalardy qoldaýda ýnıversıtet stýdentterimen shektelip otyr, bolashaqta Mańǵystaý óńirine qyzmet etýdi josparlaǵan. Iаǵnı, ashylatyn ortalyqqa mańǵystaýlyq kez kelgen jas óziniń jobasymen kele alatyndaı jaǵdaı jasalady. Sondaı-aq, mamyr aıynda ýnıversıtet qabyrǵasynda Kaspıı aımaǵy elderi ýnıversıtetteriniń stýdentteri arasynda «Jas kásipkerler» halyqaralyq forýmyn ótkizý josparlanǵan.

Sonymen qatar stýdentterdiń shyǵarmashylyq oılaý qabiletteriniń ashylýyna, zııatkerlik jáne shyǵarmashylyq múmkindikteriniń, kóshbasshylyq qabiletteri men daryndylyǵyn, aqparattyq mádenıetin qalyptastyrýǵa yqpal etý maqsatynda ýnıversıtette ártúrli shyǵarmashylyq úıirmeler, atap aıtqanda dombyrashylar úıirmesi, stýdenttik teatr úıirmesi, bı ansambli, vokal jáne kórkemsóz oqý, sondaı-aq, dızaın úıirmeleri jumys jasaıdy.

Gúlaıym ShYNTEMIRQYZY,

«Egemen Qazaqstan»

Mańǵystaý oblysy

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar