Qazaqstan • 12 Aqpan, 2019

Jemqorlyqtyń aldyn alý úshin jumyla jumys isteý kerek

257 retkórsetildi

Qoǵamdyq damý mınıstrliginiń Qoǵamdyq kelisim komıtetinde «Dinı ekstremızmniń aldyn alý jumystaryn uıymdastyrý salasynda zańnama buzýshylyǵyna jol bermeý» taqyrynbynda semınar-keńes ótti.

Qoǵamdaǵy sybaılas jemqorlyqqa qarsy mádenıet deńgeıin arttyrý jáne dinı ekstremızmniń aldyn alý jumystaryn uıymdastyrý salasynda zańnama buzýshylyǵyna jol bermeý maqsatynda ótkizilgen basqosýǵa memlekettik qyzmetshiler, vedomstvolyq mekemeler, óńirlik Din isteri basqarmalary men ortalyqtary, dinı birlestikter men qoǵamdyq uıymdar ókilderi, sonymen qatar osy baǵytta jumys isteıtin ÚEU músheleri, olardyń ishinde «Terrorızmge qarsy komıtet», «Dintanýshylar kongresi», «Ardagerler uıymy» qoǵamdyq birlestikteri, «Arlan» jastar patrıottyq ortalyǵy», «Ulaǵat» qoǵamdyq qory jáne basqalary qatysty.

Jıynda Qoǵamdyq damý vıse-mınıstri Berik Aryn sóz sóılep, quqyq buzýshylyqtardy azaıtýǵa baǵyttalǵan sybaılas jemqorlyqqa qarsy qabyldanǵan zańdardy qatań saqtaý qajettigi jaıynda atap ótti.

«Sybaılas jemqorlyq kórinisteri qoǵamnyń progressıvti damýyna kedergi keltiredi. Sondyqtan memleket pen barlyq azamattyq qoǵam ınstıtýttary osy jaǵymsyz qubylysqa qarsy turý úshin kúsh-jigerdi biriktirýi tıis. Atap aıtqanda, tek qana jeke komandalarda ǵana emes, tutastaı qoǵamda quqyq buzýshylyqtardy jasaıtyn jaǵdaılar men sebepterdi anyqtaı otyryp, joıýǵa jáne sybaılas jemqorlyqqa múldem tózbeýshilik atmosferasyn qurýy qajet» dedi mınıstrdiń orynbasary.

Semınarǵa spıkerler retinde qatysqan Memlekettik qyzmet isteri jáne sybaılas jemqorlyqqa qarsy is-qımyl agenttiginiń, Bas prokýratýranyń, Qaraǵandy ​​men Pavlodar oblystarynyń Din isteri jónindegi basqarmalarynyń jáne Qazaqstan musylmandary Dinı basqarmasynyń, elimizdegi pravoslav jáne katolık shirkeýleriniń ókilderi baıandama jasady. Memlekettik organdardyń ókilderi Qazaqstandaǵy zańnama buzýshylyqtarynyń aldyn alý jáne osy baǵytta atqarylyp jatqan sharalardyń oń nátıjelerin jetkizdi. Dinı ekstremızmniń aldyn alý jónindegi jumysty uıymdastyrý salasyndaǵy quqyq buzýshylyqtardy boldyrmaý maqsatynda qatysýshylarǵa tájirıbege engizilgen tetikter (mehanızmder) týraly, atap aıtqanda, monıtorıng, sybaılas jemqorlyq táýekelderin taldaý, standarttar, qarjylyq baqylaý sharalary jáne t.b. boıynsha túsindirmeler berildi. Dinı qyzmetkerler árbir álemdik jáne dástúrli dinde adamnyń ómirin retteıtin, onyń etıkalyq standarttaryn kórsetetin nusqaýlar bar ekenin jáne olar ártúrli bolsa da, jalpy maǵynasy jemqorlyqtan bas tartý ekenin atap kórsetti.

Semınar barysynda qatysýshylar dinı ekstremızmniń aldyn alý jónindegi jumysty uıymdastyrý salasyndaǵy zań buzýshylyqtyń aldyn alý jáne jolyn kesý boıynsha ashyq dıalog júrgizip, nátıjeli pikir almasty.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar