Bıznes • 13 Aqpan, 2019

EQDB Qazaqstandaǵy kásipkerlerdiń qarjy aınalymy men jumyspen qamtý múmkindigin arttyrdy

240 retkórsetildi

Eýrazııalyq damý jáne qaıta qurý banki Qazaqstandaǵy shaǵyn jáne orta bıznestegi (ShOB) qarjy aınalymy men jańa jumysqa ornalasý múmkindikterin arttyrýyna óz tarapynan úles qosýda. Bul týraly búgin QR Ulttyq ekonomıka vıse-mınıstri Serik Jumanǵarınniń tóraǵalyǵymen ótken, Qazaqstan Úkimeti Basqarýshy komıtetine tıesili Banktiń VI jyldyq otyrysynda ashyq aıtyldy.

Qazaqstanda EQDB QR Ulttyq ekonomıka mınıstrligimen birlesip qarjylandyratyn Shaǵyn jáne orta kásipkerlik sýbektilerin qarjylandyrý men damytý jáne Bıznestegi Áıelder baǵdarlamalaryn júzege asyrýda. Tek 2018 jyly búkil elde osy jobalar aıasynda 264 jergilikti jáne halyqaralyq keńes berý jobalary iske asty.

EQDB málimdegendeı, Qazaqstanda 2015 jyldan bastap iske asyp baǵalaýdan ótken 172 jobanyń 85 paıyzy tabysty dep tabylyp, klıentterdiń 80 paıyzǵa jýyǵy qarjy aınalymdarynyń ulǵaıǵanyn habarlaǵan. Bankten qoldaý tapqan ShOB arasynda 56 paıyzdan astamy óz qyzmetkerler sanynyń orta eseppen 14 paıyzǵa ulǵaıǵany týraly málimdedi. Sondaı-aq áıelderdiń jumys oryndarynyń 20 paıyzǵa artýy anyqtaldy. Sonymen qatar, baǵalanǵan kásiporyndardyń 8 paıyzy eksporttyq satý kóleminiń ulǵaıýy týraly málimdegen.

Bıznestegi áıelder úshin EQDB 92 mıllıon AQSh dollary kóleminde Jergilikti Valıýtamen Qarjylandyrý Tetigin (Local Currency Financing Facility) uıymdastyryp jalpy quny 64,5 mıllıon AQSh dollaryn quraıtyn arnaıy bes Bıznestegi Áıelder (WiB) nesıe jelilerin qurdy.

Sonymen qatar, 2018 jyly Bıznestegi Áıelder WiB baǵdarlamasyna qatysty qarjylyq emes qyzmetterge, onyń ishinde konsaltıng, bıznes-koýchıng, tálimgerlik pen naryqty damytýǵa baǵyttalǵan is-sharalarǵa 2,7 mıllıon AQSh dollarynan astam qarjy taǵaıyndalyp ıgerildi.

EQDB aımaqtaǵy ShOB keńes berý sektorynyń áleýetin úzdiksiz kásibı trenıngter, konsaltıngtik kúnder arqyly jylyna keminde 20 jańa konsaltıngtik kompanııany keńes berý jobalaryna tartý arqyly qalyptastyrady.

ShOB sýbektilerine keńeıtilgen qol jetkizý EQDB-niń eki jekemenshik sektor seriktestigi, atap aıtqanda «Teńizshevroıl» jáne «Shell Qazaqstan» arqyly qamtamasyz etilýde. Taýar men qyzmetti jetkizetin jergilikti mekemeler men qaýymdastyqtar áleýetin 2018 jyldyń jeltoqsan aıynda «Teńizshevroıl» kompanııasymen 4 jylǵa uzartylǵan seriktestik arqyly damytyp keledi. Sondaı-aq, alǵashqy kezeńindegi ınnovasııalyq kásiporyndar men bıznesti údetý baǵdarlamasy «Shell Qazaqstan» arqyly 2019 jyldyń aqpan aıynda uzartylǵan áriptestik sheńberinde júzege asyrylýda.

Aınash ESALI,

«Egemen Qazaqstan»

ALMATY

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar