Medısına • 13 Aqpan, 2019

Aqtóbe oblysynda mobıldi toptar muqtaj otbasylarǵa kómek kórsetip jatyr

239 retkórsetildi

Aqtóbe oblysynda mobıldi toptar muqtaj azamattardyń mekenjaılaryna baryp, olardyń januıalarynyń turmystyq jaǵdaıymen tanysýda. Atalmysh jumystyń nátıjesinde múmkindiginshe áleýmettik kómekter kórsetý mehanızmi qarastyrylyp jatyr. Bul týraly Aqtóbe oblysy ákiminiń baspasóz qyzmeti habarlady.

Mobıldi toptardyń quramyna qoǵam qaıratkerleri, máslıhat depýtattary,  memlekettik organdardyń ókilderi men máselege beı-jaı qaramaıtyn azamattar kirdi.

12 aqpanda ishki saıasat basqarmasynyń basshysy Bulbul Eleýsinova, prokýratýra organdarynyń ardageri Marııa Tájibaeva, sonymen qatar, «Shanyraq» qoǵamdyq qorynyń ókilderi 34 jastaǵy Sánimgúl Súıinbaevaǵa kómek kórsetti. Ol joldasymen birge tórt bala tárbıelep otyr, kenjeleri bir jasta. Januıa saıajaı alabynda turady. Úıdiń gaz ben turǵyn úı qujattary joq. Pesh jaǵyp jylytylady.

«Joldasymnyń aılyǵy az, otbasymyzǵa jetpeıdi, nesıelerimiz bar. Búgin men máselemdi qoǵamdyq qabyldaýǵa aıtyp, jaýabyn tez aldym»,- deıdi kópbalaly ana.

Mobıddi top músheleri turmys jaǵdaıymen tanysyp, otbasyna azyq-túlik, turmystyq kerek-jaraqtar, keńse taýarlaryn ákeldi. «Shanyraq»qoǵamdyq qory otbasyna kómir alyp beredi. Qujattar men gaz júrgizý máselesi ákimdiktiń baqylaýynda.

«Sánimgúl Súıinbaıǵa barynsha kómek kórsetiletin bolady. О́zim zeınettemin, biraq mobıldi toptardyń quramynda muqtaj jandardyń úıine baryp júrmin. Keıbir otbastaryna zań turǵysynan keńes berem. Halyqtyń túsinistikpen qaraıtyny kórinip tur, bılikke kórsetken kómegi úshin rıza»,- dedi mobıldi top múshesi Marııa Tájibaeva.

Taǵy bir muqtaj otbasy «Avıator» aýdanyndaǵy qaýsap turǵan úıde turady. Gúljaınar Shamsına joldasymen birge tórt bala tárbıelep otyr, olardyń ekeýi mektepke barady. Otbasyǵa azyq-túlik jaǵynan kómek kórsetildi, jýyrda baspana kezegine turýǵa járdemdesedi. Shamsınderge kómekke oblystyq máslıhat hatshysy Sánııa Qaldyǵulova men depýtat Sergeı Vıshnıak keldi.

«Meniń jaǵdaıymdy estip, kelgenderińizge rahmet. Balalar syılyqtarǵa rıza. Máselemizdi aıtyp keletin osyndaı qoǵamdyq qabyldaýlardyń bolǵanyna qýanyshtymyz. Jalǵyz emes ekenimizdi bilemiz»,- dedi rızashylyǵyn bildirgen Gúljaınar Shamsına.

Sondaı-aq, otbasyǵa balalaryn mektepke aparý úshin járdem beriletin bolady.

«Eki kúnniń ishinde qoǵamdyq qabyladýlarǵa 2 myńnan asa adam júgingen. Mobıldi toptar otbasylardyń úılerine baryp, jaǵdaılaryn kórip jatyr. Bizder sol jerde birden qoldanystaǵy zańnama aıasynda qoldan kelgen kómegimizdi kórsetemiz»,- dedi S.Qaldyǵulova

Aqtóbe oblysynda qurylǵan mobıldi toptar jeti túrli baǵytta jumys jasaıdy. Balalardy mektepke deıingi mekemelerge berý, baspana kezegine turý, medısınalyq kómek kórsetý, zań turǵysynan keńes berý, jylý, gaz júrgizý, kommýnaldy qyzmetterge múmkindiginshe jeńildik jasaý.

Bulbul Eleýsinova: «Osy suraqtardyń barlyǵy buryn da bılik baqylaýynda bolǵan. Biraq, tez arada sheshýdi qajet etetin suraqtar da joq emes. Keıbir júginýler egjeı-tegjeı qaraýdy talap etedi. Sondyqtan túsinistikpen qaraýlaryńyzdy suraımyz. Birde bir júginý nemese usynys qaraýsyz qalmaıdy» dep sózin túıindedi.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar