Teatr • 14 Aqpan, 2019

Qostanaıda Táshenev týraly spektakl qoıylady

220 retkórsetildi

I.Omarov atyndaǵy oblystyq qazaq drama teatrynda jazýshy Sábıt Dosanovtyń «Aq bas búrkit» atty pesasynyń qoıylymy ázirlenip jatyr. Ony qyrǵyz rejısseri Qanybek Dúıshenálıev qoıady. Pesa avtory - jazýshy Sábıt Dosanov kelip, spektakldi aldyn ala kórdi.

«Shala saýatty Hrýshevtiń solaqaı saıasatyna Táshenov erjúrektikpen qarsy turmaǵanda, elimizdiń soltústigindegi bar qunarly jerden aıyrylyp, búgin nandy altynǵa satyp alyp otyrar edik. Halqymyzǵa Allanyń bergen jeri osyndaı aıbyndy tulǵanyń arqasynda áýpirimmen aman qaldy. Osyndaı tarıhı tulǵanyń beınesi elimiz teatrlarynyń sahnasynan kórinýi tıis. Men úshin bul qıyn taqyryp boldy, biraq qalǵan sharýany jıyp qoıyp,   osyǵan kiristim» dedi jazýshy akterlermen kezdesýinde.

Rejısser Qanybek Dúıshenálıev bul spektaklge pesa avtorynyń shaqyrtýymen kirisipti. Ol shyǵarmanyń jas urpaqqa patrıottyq tárbıe berýde mańyzy óte úlken ekenin aıtty. Qoıylymdy bir aı ishinde teatr ártisterimen daıyndap ta bolyp qaldy.

«Pesadaǵy keıipkerlerdiń barlyǵy da tarıhı tulǵalar ǵoı. Olarǵa sál de bolsa ártisterdiń syrtqy keıpi uqsaýy, jalpy tulǵasy kelýi kerek ǵoı. Osy jaǵynan shamaly qıyndyqtar boldy, áıtpese teatr ártisteri óte talantty, ózderine talap qoıa biletin ujym eken» dedi rejısser Qanybek.

Endi sanaýly kúnderi, ıaǵnı  apta aıaǵynda qostanaılyqtar spektakldiń premerasyn tamashalaıtyn bolady.

Názıra Járimbet,

«Egemen Qazaqstan»

Qostanaı

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar