Aımaqtar • 14 Aqpan, 2019

Tarazda tyndyrylǵan tirlik kóp, másele de az emes

396 retkórsetildi

Búgin Taraz qalasynyń ákimi Ǵalymjan Ábdiraıymov ótken jyldy qorytyndylap, halyq aldyndaǵy esepti kezdesýin ótkizdi. Jıynǵa Jambyl oblysynyń ákimi Asqar Myrzahmetov qatysty. Kezdesý barysynda qala ákimi «2018 jyldyń áleýmettik-ekonomıkalyq damýynyń qorytyndysy jáne 2019 jylǵa arnalǵan mindetteri» týraly baıandady.

«Jalpy Taraz qalasynyń ónerkásip salasyna tıesili jer telimi 4297 gektardy nemese qala aýmaǵynyń 22,9 paıyzyn quraıdy, paıdalanýshylar sany 3400 birlikke teń. Ol jerlerde, ótken jyly ınventarızasııalaý jumystarynyń I-shi kezeńi boıynsha 154,5 gektardy quraıtyn 42 bos óndiris nysandary anyqtaldy. Ekonomıkanyń turaqty ósimin 4 paıyzdan kem emes deńgeıde qamtamasyz etý týraly Elbasynyń Úkimettiń keńeıtilgen quramyndaǵy tapsyrmasyn oryndaý maqsatynda, bosap turǵan ónerkásip nysandaryn anyqtap, atalǵan nysandardyń ıelerimen birlesip aldaǵy kezeńderge damý josparyn nemese áleýetti ınvestorlarǵa berý joldaryn qarastyrý qajet. Budan bólek, Taraz qalasyndaǵy aınalma tas jolynyń boıynda ornalasqan 36 gektar jer telimine ındýstrıaldy aımaq qurý josparlanyp otyr. Atalǵan aımaqqa ınjenerlik ınfraqurylym tartý úshin jobalyq-smetalyq qujattamalardy ázirleýge 35,0 mıllıon teńge oblystyq bıýdjet esebinen qarjy qarastyrylyp, qazirgi kezde tehnıkalyq sharttary alynýda. Konkýrs jarııalaý máselesi oblystyq qurylys basqarmasynyń quzyrynda», dedi ákim.

  О́z sózinde Ǵalymjan Ábdiraıymov Elbasynyń «qarapaıym zattar ekonomıkasyn» qalyptastyrý kerektigi jóninde kezekti Joldaýynda aıtylǵan tapsyrmany oryndaý maqsatynda, ónerkásip salasyna ınvestısııalardy tartý jumystarynda otandyq kásiporyndarda halyq kóp tutynatyn taýarlar tizbesin shyǵarýǵa kóńil bólý qajettigin de aıtty.

  «Bul baǵytta, oblys ákiminiń tapsyrmasy boıynsha qaladaǵy naqty daıyn ónim shyǵaratyn kishi jáne orta kásipkerler men aýdandardaǵy osy kásipkerlerge shıkizat nemese qosalqy zattaryn tapsyra alatyn kásipkerlerdiń monıtorıngisin jasaý, qalada olar úshin ortalyqtandyrylǵan keńsesin ashý jumysy qolǵa alynýda. Qazirgi kezdiń ózinde Táýke han dańǵyly boıyndaǵy «Atameken» ámbebap saýda alańynda oblystyq jeńil ónerkásip Assosıasııasymen birlesip Taraz qalasynyń jáne oblystaǵy jergilikti taýar óndirýshilerdiń ónimderin satý dúkenderi ashylýda. Sonymen qatar, Memleket basshysy shaǵyn, orta bıznesti damytý máselelerine basymdyq bere otyryp, eldiń ishki jalpy ónimindegi olardyń úlesin 2050 jylǵa qaraı kem degende 50 paıyz bolýyn qamtamasyz etý kerektigine asa nazar aýdarǵan. Qalada qazirgi ýaqytta 32 712  kásipkerlik sýbektileri tirkelse, onyń ishinde jumys isteıtinderi 23 753 birlik nemese 72,6 paıyz. Jalpy aımaqtyq ónimdegi shaǵyn, orta bıznestiń úlesi 28,4 paıyz, onyń ishinde ónerkásip salasynda qaladaǵy óndirilgen ónim kólemi 43,9 mıllıard teńge nemese 18,3 paıyz, bul mejeni keleshekte 20 paıyzǵa jetkizýge aldymyzǵa mindet qoıyp otyrmyz», dedi qala ákimi.

  Budan keıin kóne shahar basshysy qaladaǵy bilim, densaýlyq, quqyq qorǵaý, turǵyn úı salalaryndaǵy jetistikterdi de atap ótti. Qala boıynsha turǵyn úı kezeginde turǵan azamattardyń sany – 16573 adamdy qurap otyr eken. Al, jeke turǵyn úı qurylysyn júrgizý úshin jer telimderin alýǵa 70057 azamattar kezekte tur. 

  «2018 jyly paıdalanýǵa berilgen turǵyn úı kóleminiń jalpy aýmaǵy 243,7 myń sharshy metrdi nemese naqty kólem ındeksi 127 paıyzdy qurady. Jalpy ótken jyly 1040 páter paıdalanýǵa berildi. Atap aıtqanda, «Nurly jer» memlekettik baǵdarlamasy aıasynda 3 arendalyq áleýmettik turǵyn úı nemese 240 páter berildi. Jańa 15-shi móltek aýdanynda árqaısysy 80 páterli 10 kredıttik turǵyn úıdiń qurylysy aıaqtalyp, paıdalanýǵa berildi. Bul 800 páterdiń 480-ine, «Nurly jer» memlekettik baǵdarlamasy aıasynda «Turǵyn-úı qurylys jınaq banki» arqyly kelisim sharttar bekitilse, Elbasynyń halyqqa arnalǵan «Prezıdenttiń bes áleýmettik bastamasy» atty Úndeýi aıasyndaǵy «7-20-25»  baǵdarlamasy arqyly «Araı» móltek aýdanynda 14 páter satylyp, taǵy 33 azamattardyń aryzdary ekinshi deńgeıdegi bankterde qarastyrylýda. Ústimizdegi jyly 15-shi móltek aýdanynda 80-páterli                                        5 arendalyq turǵyn úıdiń qurylysy júrgiziledi. Onyń ústine atalǵan alqapta qosymsha 80-páterli 9 úı, 60-páterli 11 kredıttik úılerdiń qurylystary bastalady. Aldyn ala jospar boıynsha atalǵan úılerdiń qurylysy 2019-2020 jylǵa josparlanǵan. Barlyǵy 1380 páter beriledi», dedi Ǵalymjan Raıyluly.

  Taraz qalasy búginde ekonomıkalyq jaǵynan ǵana emes, sáýlettik kelbeti jaǵynan da órlep keledi. Bıylǵy jyly oblys ákimdiginiń aldyna jyr alyby Jambyl Jabaevtyń eskertkishi ornatylyp, Qaırat Rysqulbekov atyndaǵy saıabaq kúrdeli jóndeýden ótti. Sonymen qatar, Jeltoqsan kóshesiniń boıynan sýburqaq ashylyp, «Ǵıbrat», «Jeltoqsan» ortalyqtary paıdalanýǵa berildi. Osy jáne ózge de máselelerge toqtalǵan qala ákimi aldaǵy ýaqyttarda jumys qarqynyn budan ári arttyratynyn aıtty. Budan keıin turǵyndar ákimge saýaldaryn joldady.

  О́z kezeginde qala turǵyny Qaırat Shahanov «Shalǵaı Qarasý» aýmaǵyna qashan mektep salynatynyn surady. Bul rette Ǵalymjan Ábdiraıymov bul aımaqqa 600 oryndyq mektep salýǵa jobalyq-smetalyq qujattardyń daıyndalyp jatqanyn aıtyp, jaýap berdi. Sonymen qatar, qala turǵyny Orazbek О́skenbaev qala ishindegi qoǵamdyq kólikterdiń júrý jıiligine qatysty syn aıtty. Turǵynnyń «Tym bolmasa qoǵamdyq kólikter tańerteń jáne keshke qaraı jıi júrse eken» saýalyna ákim «Taraz qalasy boıynsha halyqqa 10 mekeme qyzmet kórsetedi. Qalada 470 qoǵamdyq kólik bar. Ras, kún sýyq kezderde olardyń júrý jıiligi kóp saqtalmaıdy. Alaıda bul másele baqylaýda bolady», dedi ákim. Al, Taraz qalasyna qosylǵan «Shóldala» aımaǵy talaı jyldan beri kógildir otynsyz otyr. Turǵyndar atynan osy máseleni kótergen Nargız Saıranbaevaǵa Ǵalymjan Ábdiraıymov aımaqta 2020 jylǵa qaraı qurylys jumystarynyń bastalatynyn jetkizdi.

  Jıyn sońynda oblys ákimi Asqar Myrzahmetov sóz alyp, atqarylǵan jumystardyń az emes ekenin, alaıda turǵyndardy tolǵandyrǵan máselelerdiń odan da kóp ekenin aıtty. Ákim ásirese ónerkásip salasyn arttyrýdy, áleýmettik az qamtylǵan otbasylarǵa kómek kórsetýdi tapsyrdy.

Hamıt Esaman,

«Egemen Qazaqstan»

Jambyl oblysy

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar