Aımaqtar • 15 Aqpan, 2019

Berdibek Saparbaev Aqtóbe oblysynda kópbalaly otbasylarǵa qalaı kómek kórsetiletinin aıtty

320 retkórsetildi

Elbasynyń halyqtyń ál-aýqatyn kóterý týraly tapsyrmasyn oryndaý aıasynda Aqtóbe oblysynda 2019 jyly kópbalaly, tabysy tómen otbasylar men az qamtylǵan azamattardy áleýmettik jaǵynan qoldaýdyń qosymsha sharalary engiziletin bolady. Bul týraly Aqtóbe oblysy ákiminiń baspasóz qyzmeti  habarlady.

Muny óńir basshysy Berdibek Saparbaev halyqpen eseptik kezdesý kezinde aıtqan.

«Kópbalaly otbasylarǵa baspana satyp alý úshin bastapqy jarnany sýbsıdııalaýdy engizýdi, az qamtylǵan otbasylarǵa beriletin bir jolǵy járdemaqyny 70 myńnan 140 myńǵa deıin kóbeıtýdi, az qamtylǵan otbasylardyń balalaryna mektepke deıingi mekemelerdegi tamaqtaný tólemin  70%-ǵa tómendetýdi josparlap otyrmyz, kópbalaly otbasylardyń oqýshylary ystyq tamaqpen tolyqtaı qamtamasyz etiletin bolady. Halyqtyń áleýmettik jaǵynan áljýaz toptaryn oqytýǵa, qaıta oqytýǵa qosymsha 200 mln teńge bólinedi, jalpy, halyqtyń áleýmettik jaǵynan áljýaz toptarynyń ishinen 3 myń aqtóbelik qaıta oqytylady, taǵy bes myń adam turaqty jumys ornyna ornalastyrylady. Kópbalaly analardy jumysqa ornalastyrýda eshqandaı qıyndyq týyndamaıtyn bolady. Atalǵan sharalardy júzege asyrý úshin qosymsha keminde 1 mlrd teńge bólinedi»,- dedi B.Saparbaev.

Oblys ákimi, jalpy áleýmettik salaǵa ketetin shyǵyn oblys bıýdjetiniń 50%-yn quraıtynyn aıtty.

Byltyr kópbalaly jáne az qamtylǵan otbasylardy qoldaý maqsatynda 20 myńnan asa adam ataýly áleýmettik járdemaqy alyp, 22,2 myńnan asa bala «Mektepke jol» jáne «Qamqor» aksııalary aıasynda mektepke jınaldy, 14,6 myń oqýshy tegin tamaqpen qamtyldy, 120 myń bala Qazaqstan men shetelderdiń jazǵy saýyqtyrý lagerlerinde demaldy.

Budan basqa, jetim jáne ata-ana qamqorynsyz qalǵan 136 bala baspanaly boldy. Túrli aksııalar aıasynda 265 myń aqtóbelikke 3,4 mlrd teńge kóleminde qaıyrymdylyq kómek kórsetildi.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar