Qazaqstan • 15 Aqpan, 2019

Bilim jáne ǵylym mınıstrliginiń keńeıtilgen alqa otyrysy ótti

281 retkórsetildi

Bilim jáne ǵylym mınıstrligi 2018 jylǵy jumysty qorytyndylap, aldaǵy josparmen bólisti. Jıynǵa parlament depýtattary D.Nazarbaeva jáne B. Áıtimova, Prezıdent Ákimshiliginiń ókilderi, senatorlar men májilismender, bilim salasynyń qyzmetkerleri qatysty.

Alǵashqy sózdi alǵan Áleýmettik-mádenı damý jáne ǵylym komıtetiniń tóraıymy B.Áıtimova bilim salasy boıynsha Elbasynyń bıylǵa bergen naqty tapsyrmalaryn eske saldy. Ol elimizde bilimge esh qatysy joq otbasynyń bolmaıtynyn alǵa tartyp, qazirgi tańda qyzý talqyǵa túsken «Pedagog mártebesi» týraly zań jobasyn muqııat pysyqtaý qajettigin jáne ózi basshylyq etip otyrǵan komıtet atynan qabyldanǵan zańnyń oryndalýyn qadaǵalaıtynyn tilge tıek etti.

Bilim jáne ǵylym mınıstri E.Saǵadıev deńgeı-deńgeımen eń mańyzdy máselelerge toqtaldy. Mınıstrdiń málimetinshe, byltyr 3-6 jastaǵy balalardy balabaqshamen qamtý 95 paıyzǵa jetken. 2020 jylǵa deıin ony 100 paıyzǵa jetkizý josparlanǵan. «Balalardy balabaqshalarǵa avtomatty túrde bólý júıesi 29 qalada engizildi. Qazir sol qalalarda ata-analar balabaqshany ózderi tańdaıdy. Osy úrdisti basqa qalalarda jalǵastyrýymyz qajet», dedi E.Saǵadıev. Nólinshi synypty bıyl aprobasııadan ótkizip, kelesi oqý jylyna engizýge daıyndaý mınıstrliktiń aldaǵy alǵashqy josparynda tur. Bul boıynsha birińǵaı baǵdarlama ázirlenip, tárbıeshilerge taratylǵan. Orta bilim berýdegi jumystardy 1-9 synyptardyń jańartylǵan mazmunǵa kóshetininen bastaǵan mınıstr: «Pedagogtardy attestattaýdyń jańa júıesi engizildi. Odan ótken 60000-nan astam muǵalim biliktiligine qaraı 30-50% qosymsha aqy alýda. Osyǵan oraı, mınıstrlik atynan muǵalimderdi quttyqtaımyn!», dedi. Byltyrdan bastap fızıka, bıologııa, geografııa, hımııa pánderi joǵary synyptarda aǵylshyn tilinde erikti túrde oqytý bastaldy. E.Saǵadıevtiń sózine sensek, byltyrdan beri 3 myńnan astam mektepte 8000-daı muǵalim aǵylshyn tilinde sabaq berýde, bıylǵy oqý jylynan bastap mektepter sanyn 4 myńǵa jáne muǵalimder sanyn 11 myńǵa jetkizý josparlanǵan. Al tehnıkalyq jáne kásiptik bilim júıesin álemdik WorldSkills standarttaryna kóshirý jalǵasyp jatyr. OESR memleketteriniń 500-den astam oqýlyǵy qazaq tiline aýdarylyp, jańa baǵdarlamalarymen kolledjderge berilipti. Sondaı-aq alda kolledjerde Dýaldyq júıege sáıkes oqý saǵattar azaıtylyp, onyń ornyna praktıkalyq saǵattar kóbeıedi. Ony oqý orny stýdenttermen kelisip tańdaıdy. «Kelesi maqsat – «Jas maman» jobasyn júzege asyrý. Bul boıynsha 3 jyl ishinde 200 oqý orny 1-2 qajet mamandyq boıynsha jańa jabdyqtarmen qamtamasyz etiletin bolady», dedi mınıstr.

Joǵary bilim boıynsha E.Saǵadıev ýnıversıtetterdiń akademııalyq derbestigin keńeıtý boıynsha Zań qabyldanǵanyn jetkizdi. «Memleket basshysynyń tapsyrmasyna sáıkes grant kólemi 20 myń orynǵa kóbeıdi. 22 memlekettik ýnıversıtettiń rektory jańa mehanızm boıynsha saılaý arqyly taǵaıyndaldy. Bul – jaqsy nátıje. Joǵary oqý oryndarynyń pedagogıkalyq ujymdary osy mehanızmge joǵary baǵa berip otyr», dedi ol. Budan bylaı ýnıversıtetter óz túlekteriniń 50 paıyzyn jumysqa ornalastyrýǵa mindetti jáne jyl saıyn bul paıyz ósip otyrady. Qazaqstan ǵylymyn halyqaralyq júıege beıimdeý maqsatynda ǵalymdardy aǵylshyn tiline oqytý bastaldy. Jyl aıaǵyna deıin ǵalymdar sanyn bes myńǵa jetkizý kózdelgen. «Ǵylymı jobalar men zertteýlerdi bıznes tarapynan qarjylandyrý 2 paıyzǵa ósip (12%), ol 5,3 mlrd teńgeni qurady. Elbasynyń tapsyrmasymen jas ǵalymdarǵa bólinetin granttardy 3 mlrd teńgege arttyrý josparda bar», dedi mınıstr. Jastar jylyna oraı, mınıstrlik tarapynan qolǵa alynyp, qazir JOO stýdentterimen talqylanyp jatqan «Áleýmettik stýdenttik kredıt» jobasynda volonter-stýdentterge saǵatyna 1000 teńgeden tóleý qarastyrylǵan. E.Saǵadıev bul jobaǵa qatysatyn stýdentter sanyn aldaǵy 3 jylda 20 myńǵa jetkizetinin aıtty.

Aıdana ShOTBAIQYZY,

«Egemen Qazaqstan»

Banner
Sońǵy jańalyqtar

«Qazaqmys» jospardy asyra oryndamaq

Ekonomıka • Búgin, 08:55

Turar týraly tolǵady

Rýhanııat • Búgin, 08:53

Ataýlar men esimder – eldiktiń belgisi

Qazaqstan • Búgin, 08:51

Altyn Orda tarıhy tarazylandy

Rýhanııat • Búgin, 08:48

Temir jol tasymaly jetildirile túsedi

Qazaqstan • Búgin, 08:43

Bir ótinishpen – birneshe qyzmet

Qazaqstan • Búgin, 08:42

Bolgarııada ótken basqosýǵa qatysty

Parlament • Búgin, 08:37

Qaterli isiktiń aldyn alýǵa bolady

Medısına • Búgin, 08:30

EAEO: endigi daý kómirge qatysty

Álem • Búgin, 08:26

Masyl bolma, asyl bol!

Qazaqstan • Búgin, 08:25

Benzın qymbattaı ma?

Qazaqstan • Keshe

«Syryńdy aıtshy, dúnıe...»

Rýhanııat • Keshe

Eń qysqa áńgime. Yrysbek Dábeı

Eń qysqa áńgime • Keshe

Eń qysqa áńgime. Amangeldi Seıithan

Eń qysqa áńgime • Keshe

Eń qysqa áńgime. Serjan Zákeruly

Eń qysqa áńgime • Keshe

Eń qysqa áńgime. Janat Jańqashuly

Eń qysqa áńgime • Keshe

Kitap oqyp, rýhanı baı bol

Qazaqstan • Keshe

Juldyzdaı aǵyp ótken

Aımaqtar • Keshe

«Kóktem aýylynyń» aqsaqaly edi

Rýhanııat • Keshe

Abaı ulaǵaty – urpaqqa amanat

Rýhanııat • Keshe

Qyrǵyz eli Abaıdy ardaqtady

Rýhanııat • Keshe

Uqsas jańalyqtar