Tanym • 15 Aqpan, 2019

Birge baraıyq: Intellektýal dos tapqyńyz kele me?

224 retkórsetildi

Jańa ortaǵa túskende aralasatyn adam tappaı qınalatyn kez bolady. Jumys barysymen nemese otbasy jaǵdaıymen turǵylyqty mekenjaıyn aýystyrǵan jandarǵa bizde bir usynys bar. Aıtpaqshy, bul – demalys kúnderi qaıda barýǵa bolatynyna bas qatyryp otyrǵan astanalyqtar men qala qonaqtaryna jaqsy múmkindik. 

Tegin. Osy sózdi unatpaıtyn adam joq shyǵar. Ásirese, dál búgingideı naryqtyq qoǵamda. Fatıma Jandosova erikti, óz qalaýymen kelgen, demalys kúnderin ózgeshe ótkizýdi qalaıtyndar úshin tegin orta qalyptastyrady. Ol «Ne? Qaıda? Qashan?» ıntellektýaldyq oıynyn uıymdastyrady. Bul jeksenbi saıyn ótedi. 2015 jyly jaz mezgilinen qolǵa alǵan ol bul jobasynyń ómirsheń ekenin aıtady. «Únemi, turaqty túrde kelip júretin 7-8 adam bar. Al ár otyrysymyzǵa keminde 20 adamnan qatysady. Olardyń kebireýi jaı syrttaı baqylap ketedi, endi bereýi qatysýshyǵa qyzyǵyp, erip keledi. Turaqty oıynshylarymyzben birge saıahatqa, karaokege baryp turamyz. Bul – jaqsy orta, dos tabýdyń tamasha múmkindigi. Osy úshin «OceanArt» ortalyǵyna alǵys aıtamyn!», deıdi Fatıma.

Mundaı ıntellektýaldyq oıyn oınatatyn oryndar megapolıs qalalarda burynnan bar. Keıbiri tipti muny tıimdi kásip kózine aınaldyrǵan. Al Fatıma ony tegin júrgizedi. «Bul adamǵa erkindik syılaıdy. Bizge kóbine osy jetispeıdi ǵoı. Kelýshiler qatysý úshin aqsha tólemeıdi. Biraq ózderi otyratyn dastarqanǵa táttiler ala keledi. О́ıtkeni keıde oıyn qyzyp ketip, biraz ýaqyttyń qalaı ótkenin baıqamaı qalamyz», deıdi ol.

Al osyndaı ortalyq sizdiń qalada, óńirde bolmasa nemese atalǵan ortalyqtyń oryssha ótetin oıynyn qup kórmeseńiz, ózińiz uıymdastyryńyz, bul – sizge tamasha ıdeıa. Ol esh qarjyny qajet etpeıdi. Telefonǵa telmirgen qoǵamdy bir-birimen shúıirkelesýge shaqyratyn nıetińiz bolsa, bolǵany.

Astanalyqtar men qala qonaqtary úshin «OceanArt» ortalyǵynyń mekenjaıyn usynamyz: Shubar móltek aýdany, Mırnaıa kóshesi 12/1.

Aıdana ShOTBAIQYZY,

«Egemen Qazaqstan»

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar