Qazaqstan • 19 Aqpan, 2019

Qostanaıda áıel-polıseıler arasyndaǵy mergen anyqtaldy

237 retkórsetildi

Qazir polıseıler arasynda áıelder az emes. Olar teorııalyq bilim alǵanmen, fızıkalyq jaǵynan da shynyqqan shymyr bolmasa, qıyn mamandyqtyń talaptary údesinen shyǵa almasy anyq. Jaqynda Qostanaıda IIM Oqý ortalyǵy bazasynda ótken oqý-jattyǵý jıynynda aǵa leıtenant Karına Bazarbaeva 27 áıel-polıseılerdiń arasynan mergendigimen oq boıy alǵa shyqty.

Karına Qostanaı qalasyndaǵy IIM Sh.Qabylbaev atyndaǵy akademııasyn bitirdi. Ol mergendikke osy bilim ordasynda jattyqty. Oqýdy bitirgenen keıin birneshe jyl Aqmola oblysyndaǵy Stepnogorsk qalasynda qyzmet etti. Onda áıelder arasynda mergendikten aldyna jan salǵan joq. Ol Qostanaı qalasyna qaıtyp kelip, jasóspirimder isi jónindegi ınspektor bolyp jumysyn jalǵastyrdy. Qazir Karına jaqsy jar, ana, Qostanaı qalalyq polısııasynyń jaýapty qyzmetkeri.

«Biz, áıelder,polıseı bolǵan soń teorııalyq bilim jetkiliksiz, fızıkalyq jaǵynan da daıyn bolýymyz kerek. Sondyqtan qarý paıdalanýdy óte uqyptylyqpen, eptilikpen meńgerýimiz kerek» deıdi Karına.

«Qazir áıelder meńgermegen mamandyq joq shyǵar, sirá. Sonyń arasynda er adamdarǵa tán mamandyqtardy tańdaǵan áıelder de az emes. Áıel-polıseıler ózderiniń yqylastylyǵymen, shydamdylyǵymen, tózimdiligimen erekshelenedi. Jaýyngerlik qarýdy, jekpe-jek ádisterin paıdalana bilýden, psıhologııalyq jáne fızıkalyq daıyndyqtan sanattary boıynsha halqymyz aıtqandaı, áıelderdiń «názik, nashar bala» ekenin umytyp ketkendeı bolamyz.Erlermen qatar olar naǵyz kásibı saqshy ekenin kúndelikti qyzmette kórsetip júr» deıdi oblystyq Polısııa departamenti Arnaıy daıyndyq basqarmasy bastyǵynyń mindetin atqarýshy Erlan Mýsın.

Árıne, bul baǵyttaǵy jumys osylaı jalǵasa beretin bolady.

Názıra Járimbet,

«Egemen Qazaqstan»

Qostanaı

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar