О́ner • 19 Aqpan, 2019

Kózin baılap sýret salatyn sýretshi

267 retkórsetildi

Batys Qazaqstan oblystyq tarıhı-ólketaný mýzeıinde astanalyq sýretshi Renat Elýbaev kózin jumyp sýret salatyn erekshe ónerin ortaǵa saldy. Kezdesýdi uıymdastyrǵan mýzeı dırektory Mırbolat Ersaevtyń aıtýynsha, tańǵajaıyp qabiletimen tanylyp júrgen sýretshiniń mundaı shoý-qoıylymy Qazaqstanda tuńǵysh ret ótip otyr. 

Qazaqstan Sýretshiler odaǵynyń mú­shesi Renat Elýbaev buǵan deıin Reseıde ótken «Ýdıvıtelnye lıýdı» teleshoýyna qatysyp, kórermendi tańǵaldyrǵan edi. Sý­retshi 2015 jyly Nıý-Iork (AQSh) qa­la­­synda ótken «New York Realizm fine art» halyqaralyq kórmesiniń altyn medalin ıelenip, Belorýssııada ótken «Kýrshı­nale-2015» halyqaralyq óner olımpıadasynda «Sýret óneri» atalymy boıynsha bas júldeger, Italııa, Armenııa sekildi mem­leketterde halyqaralyq baıqaýlarda júldeger atanǵan eken. О́ziniń aıtýynsha, shetelderge jıi shyǵyp, ónerin kórsetýge qarjy tapshylyǵy qolbaılaý bolyp júr.

– Bul meniń Oral óńirine alǵash ret aıaq basýym. Shetelderge talaı márte shaqyrýmen baryp júrsem de, óz elimizde tuńǵysh ret elep shaqyrǵany, kezdesý uıymdastyrǵany úshin oraldyqtarǵa alǵysym sheksiz. Jalpy, bul ónerdi – kóz jumyp sýret salýdy árkim árqıly qabyldaıdy. Senimsizdik tanytatyndar da bar. Bul erekshe qabilet – maǵan Alla Taǵalanyń bergen erekshe syıy dep esepteımin. Kózimdi baılap qoıyp sýret salǵanda onyń sátti shyǵýy kóńil kúıge, aınalamdaǵy adamdardyń qabyldaýyna da baılanysty. Bul qabiletimniń qashanǵa deıin saqtalatynyn da bilmeımin. Múmkin bir-eki jyldan keıin, tipti erteń de sýret sala almaı qalýym da ǵajap emes, – deıdi Renat Qılybaıuly.

Sýretshiniń aıtýynsha, túrli teleshoý­larǵa shaqyrýshylar kóp bolǵanymen, onyń bárin qabyl ala bermeıdi. О́ıtkeni kózin jumyp sýret salý tylsymmen jalǵasyp jat­qan jumbaq qubylys. Kópshilik aldynda kór­setken osyndaı shoýda Renat óziniń qat­ty qobaljyp, sharshap qalatynyn aıtady. «Buǵan kóp kúsh, kóp energııa ketedi» deıdi sýretshi. 

Osy kezdesýde Renat Elýbaev óziniń basty ónerin ortaǵa saldy. Kózine arnaıy tańǵyshyn kıgen soń jınalǵan jurttyń basym kópshilik daýsymen jylqynyń sýretin salyp shyqty. Eki qolyna birdeı qylqalam ustaǵan sýretshi birer mınýt ishinde salt atty adamnyń nobaıyn shyǵardy. О́ner týyn­dysy deýge kelmese de, jylqynyń sýreti sátti shyqty deýge bolady. Mýzeı dırek­tory Mırbolat Ersaev bul jumystyń murajaı qoryna alynatynyn aıtyp, qylqalam sheberiniń avtorlyq qoltańbasyn jazdyrtyp aldy. 

Qazbek QUTTYMURATULY,

«Egemen Qazaqstan»

Batys Qazaqstan oblysy

Sońǵy jańalyqtar

Aqmolada áýe qatynasy qatań baqylanýda

Aımaqtar • Búgin, 13:23

Tilsiz jaý taǵy keldi

Aımaqtar • Búgin, 13:09

Sanıtarlyq sharalar turaqty júrgiziledi

Aımaqtar • Búgin, 13:06

ShOB-ty qoldaý joldary túsindirildi

Ekonomıka • Búgin, 12:44

Almaty: Búginge deıin indet 90 adamnan tabyldy

Koronavırýs • Búgin, 12:19

Almatyǵa Qytaıdan gýmanıtarlyq kómek keldi

Koronavırýs • Búgin, 12:02

El ekologııaǵa alańdaıdy

Ekologııa • Búgin, 10:55

Jalǵan aqparat taratqandar jazalanady

Aımaqtar • Búgin, 10:42

Mańǵystaý oblysy karantınge jabylady

Aımaqtar • Búgin, 10:29

Uqsas jańalyqtar