Tanym • 19 Aqpan, 2019

Jańa esimder týraly oı...

370 retkórsetildi

Byltyrdan beri Elbasymyzdyń tikeleı tapsyrmasymen júzege asyrylǵan, adam kapıtalyn qaıtsek damytamyz degen oıǵa tikeleı qatysy bar aýqymdy da ǵıbratty jobalardyń biri - «100 jańa esim» jobasy.

Keshe, jeksenbiniń keshinde «Habar» arnasynda kórsetilgen, elimizdiń mártebesin kóterýge atsalysqan memleketimizdegi jas azamattardyń pikiri, búgingi ómiri, bolashaqqa qaraǵan baǵyty tereń oıǵa jeteledi. 
Baıqaǵanyńyzdaı, osy post elimizdiń búgingi kelbeti men bolmysyn aıshyqtaıtyn jas ǵumyryn eńbekke arnaǵan ardaqty zamandastar týraly bolmaq.
Keıipkerlerdiń qatal tańdaýdan ótkendigi, aıtqan salmaqty oılary, dara joldary, «elim, jerim» dep soqqan júrek lúpilderi – erteńgi kúnge tegeýrińdi qýat bergendeı.

Jobany qarap otyrǵanda kózime eriksiz jas úıirildi. Ol qýanyshtyń nemese qaıǵynyń jasy emes, ol ult muraty jolyndaǵy keıipkerlerdiń júregi men sanasyndaǵy kúshti de qýatty jigerdiń óshpegeńdigin kórsetetin, nemese qıly-qıly tarıhı kezeńderdi, nebir kúrdeli dáýirlerdi bastan ótkergen tózimdi halyqtyń  táýelsizdikte tusaýyn kestirip, táýelsizdikpen eseıgen urpaǵynyń jigerli de namysty úninen terbelgen júrek sezimderi edi...
Sonymen:
Eń bastysy shara júrgizýshisi, belgili jýrnalıst, medıa salasynyń júırigi Mahabbat Esen – ár keıipkerdiń ómiri men júrip ótken jolyn óziniń júreginen ótkizip, kórermenge usynýy jobanyń parasattylyǵyn kótere tústi. Qazaq tilinde erkin sóıleýi de biraz adamǵa úlgi bolary anyq. Beıbitshilik týraly aıtqan, jalpy sharany júrgizý barysynda aıtylǵan kóptegen oılary adamgershilik nıetinen týyndaǵan qoǵamda oryn alǵan jattandy pikirlerden bıik jańa zııaly kózqaras boldy degen oıdamyn.
Paralımpıada chempıony, álem kýbogynyń tórt dúrkin ıegeri, júzýshi Erjan Sálimgerevti tyńdaǵanda, kómeıińe óksik tyǵylady. Sebebi, qatygez taǵdyrdyń qıyndyǵyna synbaǵan batyr minezine tánti bolasyn. Transformatorǵa oınap, bala kezde taǵdyr soqqysyn alǵan Erjannyń ómir boıy moıymaı, qajyr, jiger, namys sekildi maqsatkerlik qasıetterin shyńdaýy qandaı erlik deseńizshi?! Erjannyń boıyndaǵy asyl qasıetterdiń túp tórkininde surapyl soǵystardan jeńispen oralǵan ata-babalarymyzdyń bıik bolmysy jatsa kerek. Tereńge jetelegen oılar kóp, sebebi urpaq sanasynda kez-kelgen prosestiń, meıli ol jaqsy nemese jaman bolsa da óshpes iz qaldyratyn genetıkalyq jadysy bar. Búgingi jastardyń bul taǵdyrdan alar ónegesi kóp dep oılaımyn. Erjannyń armandary oryndalsyn!

Kelesi keıipker, neırohırýrg Myńjylqy Berdiqojaev. Jańa esim dese, jańa esim. Atyn «Myńjylqy» dep qoıǵan ata-babasynyń da halqymyzdyń ulylyǵyn dáripteıtin tekti adamdar ekendigi oıǵa keldi. Sonshama mıllımetr quralmen nárestege ota jasaıtyn epti de yjdaǵatty, tózimdi de shydamdy, júrekti de rýhty Myńjylqyǵa tek jaqsylyqtar tileımin!

Bilimdi de bilikti, rýhy oıaý, janyn shúberekke túıip, ar jolynda qyzmet etip júrgen áskerı, halyqaralyq fotojýrnalıst Nazgúl Kenjetaıdy da tebirenbeı qaraý múmkin bolmady. О́tkeni, barshamyzǵa keıde qolda bar beıbitshilik ózdiginen bola qalǵan nemese osy sarynda damı beretin úzdiksiz prosess retinde kórinedi. Halyqty jaýgershilikten saqtap qalýda eldigimizdiń basty tulǵasy Memleket basshysy Nursultan Nazarbaevtyń kóregen dıplomatııalyq saıasaty táýelsizdigimizdiń mańyzdy shejiresi ekendigin sana eleginen taǵy da san márte ótkizip, tolyqqandy túısinesiń.  

Aqyn, Móldir Mysanyń «Táýelsizdik – analarymyzdyń aq armany men babalarymyzdyń aq batasymen kelgen kıeli uǵym. Biz, Táýelsizdik týdyrǵan esimdermiz. Alashtyń rýhy bop qaınaǵan qara qazanynyń sýy sarqylǵan joq. Búginde, Men sııaqty qalam terbep júrgen jastar, sol qasıetti sýdyń bir-bir móldir tamshysy», – dep sóılegende, eleń ete qaldyq. Bálkim, gaýhardaı asyl, synaptaı júırik, qorǵasyndaı salmaqty aqyn apalarymyzdyń izin jalǵaǵan jańa býyn ókiliniń daýsyn estigennen bolar. Halqymyzdyń sarqyrama sýdaı aryndy sóz baılyǵy endigi jerde Móldir sekildi jas aqyndarymyzǵa amanat! 

Elimizdiń 100 jańa esimi adamgershilik pen azamattyqtyń, batyrlyq pen iriliktiń úlgisi retinde jastarymyzǵa ónege bolsyn!

Juldyz Súleımenova

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar