Kúres • 19 Aqpan, 2019

Dáýren Súıeýkenov: dzıýdodan Eýropa kýboginde el chempıonatyndaǵy esemdi qaıtardym

255 retkórsetildi

16-17 aqpan kúnderi Rımde dzıýdodan erler arasynda Eýropa ashyq kýbogi ótti. Eki kúnge sozylǵan jarysta Dáýren Súıeýkenov kúmis júldege, Baýyrjan Jaýyntaev qolaǵa qol jetkizgen bolatyn. 60 kelige deıingi salmaq dárejesinde aqtyq fınalǵa deıin qarsylas shaq keltirmegen jas balýan Dáýren Súıeýkenov kýboktik dodaǵa qatysty pikir bildirdi. 

- Jarysqa daıyndyq óte jaqsy boldy. Osy jarysqa deıin eki jattyǵý-jıynyn ótkizdik. Bul týrnır jyl saıyn dástúrli túrde Italııa astanasy Rımde ótkizilip otyrady. Bıyl 46 elden 275 tatamı sheberleri qatysty. Qazaqstannan 15 dzıýdoshy qatysyp, kúmis pen qola júldege ıe boldyq.

Josparym – el Chempıonatyndaǵy qatemdi túzep, osy jarysta joǵary nátıjege qol jetkizý edi. (2018 jylǵy Qazaqstan Chempıonatynda jubanysh beldesýinde jeńilip, 5-oryn aldy – red.) Josparym tolyq oryndaldy desem, artyq emes. 

Týrnırdegi alǵashqy qarsylasym Italııa sportshysy D’Anjelo Bıagıo boldy. Onyń qolyna aýyrtý tásilin jasap, birinshi kezdesýdi sátti bastadym. Odan keıin reseılik tájirıbeli dzıýdoshy Mongýsh Albertpen beldestim. Nátıjesinde, otyryp arqadan asyra laqtyrý ádisimen vazarı upaıyn alyp, qarsylasyma 3 eskertý (shıdo) qaǵazy berilgennen keıin bul beldesýimdi taza jeńispen (ıppon) aıaqtadym.

Shırek fınalda jastar arasyndaǵy álem chempıony ázirbaıjandyq Rovshan Alıevpen kúresý qıynǵa soqty. Qarsylasymnyń ádisine qarsy ádis qoldanyp, qolyna aýyrtý tásilin jasap, jeńiske jetip, jartylaı fınalǵa joldama aldym. Jartylaı fınalda mońǵol palýany Arıýnbold Enhtaıvanmen kúrestim. Oǵan ózimniń súıikti ádisim - otyryp arqadan asyra laqtyrý ádisin ońaı qoldana aldym.

Al aqtyq synda Ázirbaıjan dzıýdoshysy Orýdj Valızadamen kúrestim. Maǵan tanys emes, yńǵaısyz balýan boldy. Fızıkalyq turǵyda menen kúshti ekeni baıqalady. Fınalda qarsylasym birinshi shabýyldap, ádis jasap ketti. Osylaısha, altyndy qoldan berdim. Endi osy qateliktiń ornyn toltyryp, aldaǵy ýaqytta jeńiske jetýge tyrysamyn, - deıdi otandyq dzıýdoshy.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar