Aımaqtar • 19 Aqpan, 2019

Astana ákimdiginde turǵyn úı kezeginde turǵan azamattar sanynyń ósý sebepteri túsindirildi

83 retkórsetildi

Basty sebep – qala halqynyń qarqyndy ósýi, dep habarlaıdy Astana qalasy ákimdiginiń resmı saıty.

Qalalyq qurylys jáne turǵyn úı saıasaty basqarmasynyń habarlaýynsha,  5 aqpandaǵy jaǵdaıǵa sáıkes Astanada kommýnaldyq turǵyn úı qorynda turǵyn úıge muqtajdar esebinde 45 329 adam tur.

«Kezekte turǵyndar sanynyń artýynyń basty sebepteriniń biri – qala halqy sanynyń qarqyndy ósýi. Bul úrdis tabıǵı ósim, sondaı-aq kóshi-qon esebinen oryn alyp otyr», – dep atap ótti vedomstvoda.

Statıstıkalyq málimetterge sáıkes, eger 2008 jylǵa deıin kezekte turǵandardyń sany orta eseppen 700-800 azamat bolsa, 2008 jyldan bastap atalmysh kórsetkish kúrt ósip, 3-4 myń azamatty quraǵan.  Kommýnaldyq turǵyn qorynan baspana alý kezeginde turǵan azamattar sanynyń ósý dınamıkasy Astana qalasynyń 20 jyl damý tarıhynda turǵyndardy turǵyn úımen qamtamasyz etý jergilikti atqarýshy organ tarapynan júrgizilip keledi, negizinen bıýdjettik qarajat esebinen turǵyn úıdi satyp alýǵa jáne ony keıinnen kezek tártibimen muqtaj azamattardyń jekelegen sanattaryna nemese memlekettik organdar men bıýdjettik uıymdardyń qyzmetkerlerine qyzmettik turǵyn úı túrinde berý arqyly sheshimin taýyp keledi.

Turǵyn úı zańnamasyna sáıkes qala ákimdigi kommýnaldyq turǵyn úı qorynan turǵyn úıge muqtaj azamattar esebin 5 tizim boıynsha júrgizedi. Olardyń qataryna: 1)Uly Otan soǵysynyń múgedekteri men qatysýshylary; 2) jetim-balalar, ata-anasynyń qamqorlyǵynsyz qalǵan balalar; 3) áleýmettik jaǵdaıy tómen otbasylar; 4) memlekettik qyzmetkerler, bıýdjettik uıym qyzmetkerleri, áskerı qyzmetkerler, ǵaryshkerlikke úmitkerler men saılanatyn memlekekettik laýazymyndaǵylar; 5) QR zańnamasynda belgilengen tártipte jalǵyz baspanasy apatty jaǵdaıda dep tanylǵan azamattar. Astana ákimdigi sońǵy bes jyl ishinde 7 236 otbasyn turǵyn úımen qamtamasyz etken (memlekettik baǵdarlama jáne kommýnaldyq turǵyn úı qorynan).

Qazirgi ýaqytta qala ákimdigi «Nurly jer» memlekettik turǵyn úı qurylysy baǵdarlamasyn iske asyrýdy jalǵastyryp jatyr, onda qoljetimdi turǵyn úımen qamtamasyz etý boıynsha birqatar baǵyttar qarastyrylǵan. 1 Jalǵa beriletin turǵyn úı. 2018 jyly 154 páter paıdalanýǵa berildi. 2019 jyly jalǵa beriletin 731 páterdiń qurylysy jalǵasýda. Turǵyn úıdi bir sharshy metrine tólenetin tólem aıyna 100 teńgeden aspaıdy. Kredıttik turǵyn úı. Basty artyqshylyǵy – turǵyn úıdiń 1 sharshy metriniń quny 180 myń teńgeni quraıdy. 2018 jyly osy baǵytty iske asyrý aıasynda 481 páter berilgen. 2019 jyly 903 páter paıdalanýǵa berý josparlanyp otyr.

Apatty jaǵdaıdaǵy turǵyn úılerdi súrý boıynsha pılottyq joba. 2018 jyly jobanyń birinshi kezeńin iske asyrý aıaqtalǵan, nátıjesinde 228 apattyq jaǵdaıdaǵy turǵyn úı súrilip, shamamen 3,5 myń otbasy jańa jaıly páterge kóshirilgen. Turǵyn úı sertıfıkaty Astana ákimdigi elimizde birinshi bolyp turǵyn úı jınaq júıesi arqyly jergilikti bıýdjet qarajaty esebinen turǵyn úı satyp alý úshin bastapqy jarnany sýbsıdııalaý tásilin engizdi.

Basty maqsat – bilim berý, densaýlyq saqtaý jáne quqyq qorǵaý salasynyń bilikti qyzmetkerler korpýsyn qurý. 2018 jyly ákimdik tarapynan atalǵan salalardyń 100 qyzmetkerine kómek kórsetildi, olarǵa bastapqy jarna somasynyń bir bóligin óteý esebinde áleýmettik kómek retinde 1 mln teńge aýdaryldy.

2019 jylǵa atalmysh áleýmettik kómekti 2 myń qyzmetkerge kórsetý josparlanǵan. «7-20-25» baǵdarlamasy. Qazirgi kezde elimizde atalmysh baǵdarlama sheńberinde 106,3 mlrd teńge soma esebine 9 myńnan astam ótinish qabyldandy. Bul baǵdarlama boıynsha Astana aldynǵy qatarda, ótinish bergenderdiń sany 3 myń, onyń 2 myńynyń ótinishi qanaǵattandyrylǵan.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar