Aımaqtar • 21 Aqpan, 2019

«Arselor Mıttal» kompanııasy Temirtaýdaǵy ekologııalyq máselelerdi sheshedi

228 retkórsetildi

«Arselor Mıttal» kompanııasynyń basshylyǵy qaladaǵy ekologııalyq jaǵdaıdy jaqsartý boıynsha sharalar keshenin ázirlegen. Qurylǵan jobany oryndaý maqsatynda olar mıllıardtaǵan dollar jumsaýǵa jáne shyǵys eýropalyq standarttarǵa teńesýge daıyn. «ArselorMıttal Temirtaý» kompanııasynyń bas dırektory Paramjıt Kalon Qaraǵandy oblysynyń ákimshiligine bolashaqqa qoıǵan mindetter týraly baıandady.

- Biz Prezıdent óńirimizge sapary barysynda bergen tapsyrmalardy talqylaýǵa jınalyp otyrmyz. Talqylaıtyn negizgi úsh másele bar. Sonyń ishinde eń bastysy - ekologııa máselesi. Men jaqynda prezıdenttiń qabyldaýynda boldym, ol búkil qala úshin bul máseleni sheshýdiń qanshalyqty mańyzdy ekenin taǵy da atap ótti. Baqylaý qatań bolady. Jumys kóp, ony sapaly oryndaý kerek, - dedi Qaraǵandy oblysynyń ákimi Erlan Qoshanov.

Kásiporyn basshylyǵynyń aıtýynsha, 2029 jylǵa deıin «AMT» metallýrgter qalasyndaǵy ekologııalyq jaǵdaıdy jaqsartý úshin eki mıllıard AQSh dollaryn bólýdi josparlap otyr. Bul ınvestısııalardyń 40 % ekologııalyq jobalarǵa jumsalady. Qalǵan 60 % óndiristi jańǵyrtý úshin qoldanylmaq. Temirtaýda ekologııalyq jaǵdaıdy jaqsartý jónindegi jospar búgingi tańda ázirlenip, bekitilip qoıdy.

Mysaly, kompanııada 2023 jyly zaýyttyń ónerkásiptik shyǵaryndary eki esege qysqarady dep ýáde berip otyr. Úsh jyldan keıin«ArselorMıttal Temirtaý» óndirisi tolyqtaı eýropalyq talaptarǵa jaýap beretin bolady. Kompanııanyń alǵa qoıyp otyrǵan basymdyqtarynyń arasynda jumys oryndaryn saqtap qalý jáne temirtaýlyqtardyń jylýǵa qatysty kóp jylǵy problemasyn sheshýge septigin tıgizetin JEO-2-de jańa, jetinshi qazandyqtyń qurylysy da bar.

- Jańa qazandyq jylýmen jabdyqtaýdy jaqsartady. Ol temirtaýlyqtardyń úılerinde jylý berý máselesin sheshedi. Bul maqsatqa kompanııa 50 mıllıon dollar bóldi. Qazandyq jabdyqtaryn «Podolsk mashına jasaý zaýyty» jetkizetin bolady. Qurylysqa osy jyldyń tamyz aıynda kirisýdi josparlap otyrmyz. Jospar boıynsha 2021 jyly aıaqtalýy tıis, - dedi Paramjıt Kalon.

Sondaı-aq, Paramjıt Kalon Erlan Qoshanovty kompanııanyń qoldanystaǵy jabdyqtardy kúrdeli jáne aǵymdaǵy jóndeýge kózdelgen qarjylandyrý kólemi tómendetilmeıtinine sendirdi.

Sonymen qatar, Memleket basshysynyń tapsyrmasy boıynsha «ArselorMıttal Temirtaý» metallýrgeter shaharynda birneshe áleýmettik nysan salady. Atap aıtqanda, emhana, dene shynyqtyrý-saýyqtyrý kesheni jáne balabaqsha. Jańa nysandar osy jyldyń sońynda paıdalanýǵa beriledi dep josparlanýda.

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar