Qazaqstan • 22 Aqpan, 2019

Múgedek jandar úshin qundy qurylǵy

433 retkórsetildi

Qazirgi jahandaný men jańǵyrýdyń jańa ǵasyrynda jastardyń zamanaýı úderisterdi úırenip, túrli tehnıkanyń tetigin meńgerip jatqanyn ańǵaramyz. Sát saıyn ilgeri basqan ýaqyt kóshine ilesý úshin ónertapqysh órender ómirsheń dúnıelerdi ómirge ákelýde. Solardyń biri – Dýlat pen Álıhan.

Aqylyn jetekshi, qııalyn kómekshi etken qos jigittiń oılap shyǵarǵan qu­r­yl­­­­ǵy­­lary da erekshe. On alty jastaǵy Dýlat Ámirjan búgingi tańda Astana qa­la­­sy №73 mektep-lıseıiniń 10-synyp oqý­shy­sy. Ol qarapaıym qolmen ıterý arqy­­ly júrgizetin múgedekter arbasyna avto­mattandyrý qondyrǵysyn oılap tap­­­qan. Arbaǵa ornatylǵan qurylǵy múm­­kin­­digi shekteýli jandardyń emin-erkin qoz­ǵa­l­ýyna múmkindik bermek. Dóń­gelekti aınal­­dy­ratyn eki qoldyń qyz­me­tin endi bar bol­ǵany úsh tetik atqarady.

«Eki aıaǵy birdeı sal bolyp qalǵan múgedek jandar arbanyń dońǵalaǵyn qos qoly­men ıterip júrgizetini belgili. Al men­iń qurylǵymdy qoldaný arqyly olar­ǵa jeńil ári jyldam qozǵalýǵa múm­kin­dik bar. Avtomattandyrylǵan arbany álemdik naryqta shyǵaratyndardyń baǵasy − tym qymbat. Onyń eń arzany − 200 myń teńge. Eger biz satylymǵa shyǵa­ra­tyn bolsaq, óz baǵasy 50-60 myń teńge bola­dy. Bul – tıimdirek», deıdi joba avto­ry Dýlat.

Bir adam aǵash otyrǵyzsa, ony adam saıa qy­­lady. Búgingi keıipkerlerimizde de os­yn­­­­daı ıgi istiń basyn bastap, qaıyrym­dy­­­ly­­qqa qadam jasaǵan jandar deýge bolady. 

«Bul qurylǵyny daıyndaýǵa 40 kún ýaqyt ketti. Mektebimizde STEM zerthana­sy jumys isteıdi. Ol – oqýshy­lardyń ózde­rin shyńdaýǵa kóp kómegin beredi. Bul ret­te osyndaı zerthanany ashyp bergen mek­tep basshylyǵyna jáne jetekshim Janat Erkebulanulyna alǵy­s aıtamyn», deıdi Dýlat Ámirjan.

Dýlattyń oılap tapqan qurylǵysy arbaǵa tańylǵan múmkindigi shekteýli mú­ge­dek jandarǵa arnalǵan bolsa, al Álı­hannyń qurylǵysyn kóz janary kór­meı­­tin zaǵıp jandardyń taıaǵyna orna­tý­ǵa bolady.

«Bul qurylǵy zaǵıp nemese nashar kóretin jandardyń kóshede júrýin jeńil­de­tedi. Aldaǵy bógetke bir metr qalǵanda ro­bot­talǵan taıaq dybys shyǵaryp, belgi be­redi. Qa­shyqtyqty kompıýter arqyly ret­­teýge bolady. Qurylǵy qashyqtyqty 5 metr­ge deıin seze alady. Onyń óziniń baǵa­­sy 5 myń teńge. Eger ony óndiriske shyǵa­ra­­tyn bolsaq, 13-15 myń teńge shamasynda bolady. Men Pavlodar qala­sy­nyń týmasymyn. Sol qalada turǵanda úıi­miz­diń janynda «Zaǵıptar qory» boldy. Kún saıyn taıaq ustaǵan jandardy kó­rip, olarǵa kómekteskim keletin. Sol oı osyn­daı qurylǵy jasap shyǵarýyma túrt­ki boldy», deıdi Astana qalasyndaǵy №73 mektep-lıseıiniń oqýshysy Álıhan Rah­metov. 

«Nur Otan» partııasy jas óner­tap­qysh­tar arasynda ótkizgen respýb­lı­ka­lyq «NURINTECH» ınnovasııalyq jobalar baıqaýynda «Áleýmettik mańyzdy ınno­vasııalar» atalymy boıynsha Dýlat II-oryndy, Álıhan III oryndy qanjy­ǵa­la­ǵa­nyn da aıta ketken abzal. 

Qos oqýshynyń jetekshisi, STEM zert­­ha­nasynyń muǵalimi Janat Erke­bu­­­lan­­­­uly atalǵan zerthana 2018 jyl­­dan bastap jumys isteıtinin, oǵan 1-10 sy­nyp oqýshy­larynan 40 shaqty ónertapqysh bala­lar aptasyna eki márte qatysatynyn jetkizdi.

Raýan QAIDAR,

«Egemen Qazaqstan»

Sońǵy jańalyqtar

Járken Bódesh. Týǵan jer

Vıdeo • Búgin, 19:33

Atyraýda qylmystyq top quryqtaldy

Aımaqtar • Búgin, 19:09

Qarttar úıindegi qasiret

Aımaqtar • Búgin, 18:33

Qazaq aqyny qyrǵyzsha jyrlandy

Rýhanııat • Búgin, 18:12

Qyzylorda: Kásipker kómek kórsetti

Aımaqtar • Búgin, 16:27

Betperde kıgen kóktem - 7

Qoǵam • Búgin, 16:07

Dárigerler demalys bazasynda tynyǵady

Aımaqtar • Búgin, 15:26

Samsung taǵy ne patenttedi?

Tehnologııa • Búgin, 15:23

Uqsas jańalyqtar