Aımaqtar • 22 Aqpan, 2019

Kásipodaq federasııasy kópbalaly analardy qoldaý tetikterin usynýda

303 retkórsetildi

Búgin oblys ákimdiginiń májilis zalynda óńir basshysy Altaı Kólginov pen QR Kásipodaqtar Federasııasynyń tóraǵasy Baqytjan Ábdiraıymnyń qatysýymen jıyn ótti.

О́ńir basshysy kásipodaq uıymynyń oblysymyzdyń áleýmettik ahýalyn turaqtandyrýda mańyzdy qyzmet atqaratyn, jergilikti bılik, jumys berýshi men qyzmetker arasyndaǵy áleýmettik áriptestik qalyptastyryp, eńbek qoǵamyn damytýdaǵy erekshe rólin atap ótti. Osy bastaǵan jumysty keńeıtip, alǵa qoıǵan mindetterdi oryndaý maqsatynda respýblıkalyq salalyq kásipodaq yntymaqtastyǵyn arnaıy memorandýmmen bekitetindigin jetkizdi.

Bas qosý barysynda Baqytjan Ábdiraıym kásipodaqtar federasııasy 22 iri salalyq kásipodaqtar men 16aýmaqtyq kásipodaqtar birlesip, 2 mıllıonǵa astam jumysshy azamattardyń quqyqtarynyń qorǵalýyn qamtamasyz etetin uıym ekendigin aıtyp ótti. Sondaı-aq eńbek qatynastaryn turaqtandyrýda, eńbek adamdarynyń quqyqtaryn saqtaýdaǵy kásipodaqtardyń mańyzdylyǵyn atap ótti.

Jınalystyń kún tártibine sáıkes «Prezıdenttiń bes áleýmettik bastamasynda» qoıylǵan mindetterdi oryndaý jóninde, áleýmettik máselerdi, eńbek qatynastaryn retteý maqsatynda ekijaqty memorandýmǵa qol qoıyldy.

Sondaı-aq jıyn barysynda el boıynsha qolǵa alyp jatyrǵan kóp balaly, az qamtylǵan otbasylaryna qoldaı kórsetý jaıy da talqylandy. Bas qosýǵa qatysqan Baqytjan Ábdiraıym eńbek etip júrgen kóp balaly analarǵa ústeme aqy tóleýdi jáne olardyń jumys ýaqyttaryn múmkindiginshe qysqartý sharalary qaralyp jatyrǵanyn málimdedi.

Federasııa tóraǵasy jıynǵa qatysýshylarǵa jańadan saılanǵan oblystyq kásipodaqtar birlestiginiń tóraǵasy Amangeldi Taspıhovty tanystyrdy. Osy kúnge deıin atalǵan qyzmetti atqarǵan Erbol Salyqovtyń jumysyna oń baǵa berip, osy salaǵa sińirgen eńbegi úshin alǵysyn bildirdi.

Oblys ákimi óz kezeginde óńir damýyna qosqan ólsheýsiz úlesi úshin Erbol Salyqovqa rızashylyǵyn bildirip, alǵys hatpen marapattap, jańadan saılanǵan oblystyq kásipodaqtar birlestiginiń tóraǵasynyń jumysyna sáttilik tiledi.

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar