Aımaqtar • 22 Aqpan, 2019

Almaty qalasynyń energoqaýipsizdigin nyǵaıtqan joba aıaqtaldy

288 retkórsetildi

Almatyda tótenshe jaǵdaılar týyndatatyn jáne elektr energııasynyń apattyq jaǵdaıda sóndirilýine ákelip soqtyratyn qaýip-qater tolyǵymen joıyldy. «Samuryq-Energo» elektr energııasy holdınginiń Almaty energııa keshenine qarasty «Alataý Jaryq Kompanııasy» AQ júktemeni «Gornyı gıgant» stansııasynan qaıta jańartylǵan «Ermensaı» qosalqy stansııasyna aýystyrý jobasyn aıaqtady.

Atap ótken jón, qalanyń joǵarǵy bóliginde, taý bókterinde ornalasqan «Gornyı gıgant» qosalqy stansııasy arqyly Almaty qalasynyń Bostandyq, Medeý aýdandaryndaǵy, Áýezov jáne Talǵar aýdandarynyń bir bóligindegi turǵyn úıler men ónerkásip nysandary elektr qýatymen qamtamasyz etildi. Bul qaladaǵy tozyǵy jetken elektr qondyrǵylarynyń biri sanalady. Sonymen qatar transformatorlarǵa túsetin júkteme óte joǵary deńgeıde bolǵandyqtan, jańa tutynýshylardy qosý múmkindigi joq edi. 2016 jyly «Samuryq-Energo» AQ-nyń Basqarmasy jáne Investısııalyq-ınnovasııalyq keńesi elektr qýatynyń beriktigin qamtamasyz etý jáne tótenshe jaǵdaılardyń aldyn alý maqsatynda jobanyń ınvestısııalyq kezeńin iske asyrýdy maquldady. Qurylystyń jalpy quny 6,7 mlrd teńgeni qurady.

Joba aıasynda «Ermensaı» shaǵyn stansııasynan 40 shaqyrymǵa jýyq kabel jelileri ornatyldy jáne iske qosyldy. «Gornyı gıgant» qosalqy stansııasynyń tutynýshylaryn «Ermensaı» shaǵyn stansııasyna qosý úshin uzyndyǵy 11 shaqyrymnan asatyn eki áýe jelisi qaıta qurastyryldy, elektr energııasyn qabyldaýǵa, bólýge jáne taratýǵa arnalǵan joǵary volttik qondyrǵy keńeıtildi jáne qaıta jańartyldy. Sonymen birge energııany esepteý júıeleri, apattarǵa qarsy avtomattandyrylǵan qurylǵylar jáne rele qorǵanysy qondyrǵylary qosymsha ornatyldy.

Júrgizilgen jumystar nátıjesinde, buǵan deıin 220/110/10kV «Gornyı gıgant» qosalqy stansııasyna qosylǵan tutynýshylar, onyń ishinde «Samal», «Qazaqfılm», «Baǵanashyl», «Taýgúl» shaǵyn aýdandarynyń turǵyndaryn jáne t.b. qosa alǵanda, 220/110/10 kV «Ermensaı» jańa qosalqy stansııasyna aýystyryldy.

«Alataý Jaryq Kompanııasy» AQ-nyń Basqarma tóraǵasy Muhıt Úmbetov atap ótkendeı, jobanyń sátti aıaqtalýy yqtımal apattardyń aldyn-aldy. Sonymen birge ońtústik astanany elektr qýatymen qamtamasyz etýdiń senimdiligin arttyryp qana qoımaı, jańa tutynýshylardyń qosylýyna kedergi keltirgen máseleni sheshýge jáne taratylatyn elektr qýatynyń kólemin ulǵaıtýǵa múmkindik berdi. Kompanııa basshysynyń sózinshe, júktemeni aýystyrý jumystary aıaqtalǵan soń, «Gornyı gıgant» qosalqy stansııasynyń alańynda ony bólshekteý prosesi bastaldy.

Búgingi tańda «Alataý Jaryq Kompanııasy» AQ 2016-2020 jyldarǵa arnalǵan Investısııalyq baǵdarlamadaǵy jobalardy iske asyrýdy josparlap otyr. Sonyń ishinde 220/110/10 kV №7 «AHBK" qosalqy stansııasyn qaıta qurý, 110/10 kV "Kókózek" qosalqy stansııasynyń qurylysyn bastaý, Almaty qalasynyń Túrksib, Áýezov, Bostandyq, Jetisý, Alataý aýdandaryndaǵy jelilerdi qaıda jóndeý qarastyrylǵan.  

Atap ótken jón, 2018 jylǵy maýsymda Almaty qalasynda «Túrksib» (búginde – «Jas Qanat») qosalqy stansııasy iske qosylǵan bolatyn. Bul nysandy iske qosý arqyly «Samuryq-Energo» AQ 2008 jyly bastalǵan Almaty qalasyn energetıkalyq qaıta jaraqtandyrý baǵdarlamasyn aıaqtady. Jańa qosalqy stansııa transformatorlyq qýattylyqty 30 MVA arttyryp, Túrksib aýdanynyń ortalyq bóligi men «Jas Qanat» shaǵyn aýdanyn elektr qýatymen qamtamasyz etti.

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar