Álem • 22 Aqpan, 2019

Aldaǵy ýaqytta munaı qymbattaı ma?

283 retkórsetildi

Bul suraqqa «Financial Times» gazetiniń sholýshysy Devıd Sheppard jaýap berdi. Munaı jańa jyldan beri 11%-ǵa qymbattaǵan.   Máseleniń mán-jaıyn BBC News aqparattyq agenttigi jazdy.

Goldman Sachs ınvestısııalyq banki munaı eksporttaýshy elder uıymyndaǵy (MEEU) baǵaǵa Saýd Arabııasynyń sheshimi áser etkenin aıtty. Bul istiń basty maqsaty – qara altynnyń baǵasyn kóterý.

Osy aptada Saýd Arabııasynyń energetıka mınıstri Halıd Falıh Koroldik munaı óndirýdi naýryz aıynda, shamamen, 9,8 mln barrelge deıin qysqartatynyn málimdedi. Bul Reseı men munaı eksporttaýshy elder uıymy jasaǵan qarasha aıyndaǵy kelisimnen 1 mln barrelge az. Sondaı-aq Koroldik 2011 jyldan beri munaı eksportyn eń tómengi deńgeıge deıin qysqartqan.

Goldman Sachs analıtıkteri munaı baǵasy kelesi kvartalda kóbeıetinin aıtty. Biraq, bul tek Er-Rııad saıasatyna ǵana baılanysty emes. Qara altyn baǵasynyń ózgerýi álemdegi kóp jaǵdaıattarǵa áser etýde. Venesýelaǵa qatysty sanksııa, ırandyq munaı eksport kóleminiń kúrt qysqarýyna alyp kelgen Vashıngtonda qabyldanǵan sheshim, aıta berseń kóp.

Alaıda, búginde barreldiń dollarǵa shaqqandaǵy baǵasy – 60 dollar. О́tken jylǵy kórsetkish 86 dollar bolatyn. Dál qazir 2018 jylǵy baǵanyń aýyly alys deıdi sholýshy. Nordea ekonomısteri qysqy ýaqytta energetıkalyq resýrstarǵa degen qajettilik munaıǵa degen suranysty arttyrady deıdi. Biraq, jaqyn ýaqytta munaı baǵasy kúnine barrelge shaqqanda 60-62 dollardan artyq bolmaıtynyn aıtty.

Munyń basty sebebi – AQSh-ta óndirilip jatqan munaı kólemniń kóbeıýi. О́tken jyly qara altynnyń kóp óndirilýine baılanysty onyń baǵasy quldyraǵan bolatyn. Amerıkalyq energetıkalyq aqparat basqarmasy osy aptada 2019 jyly kúndelikti óndiriletin munaı 12,4 mln barrelge deıin ósedi dep boljam jasady. Bul 2018 jylmen salystyrǵanda 1,45 mln barrelge kóp.

Sonymen qatar bul osydan úsh aı buryn boljanǵan baǵadan 350 myń barrelge artyq. Bir jyl buryn amerıkalyq uıym 2019 jyly munaı óndirý kúnine bar bolǵany 590 myń barrel bolady dep eseptegen edi.

Goldman Sachs banki amerıkalyq munaı álemniń kóptegen eline eksporttalatynyn, sondaı-aq baǵasy ósýi múmkin ekenin aıtty.

Saltanat ShYNÁDIL

 

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar