Qazaqstan • 22 Aqpan, 2019

Aqtóbe oblysynda sý tasqynyna daıyndyq sharalary qabyldanyp jatyr

259 retkórsetildi

Bul týraly О́ńirlik kommýnıkasııalar qyzmetinde ótken baspasóz konferensııasynda Aqtóbe oblysy TJD basshysynyń orynbasary Qaırat Qasym málimdedi.

Onyń aıtýynsha, sońǵy eki jylda ákimdikter sý tasqyny qaýpi bar ózenderdiń túbin tereńdetý, jaǵalaýdy bekitý jáne tazalaý, sý burý arnasyn salý, ýaqytsha qorǵanys bógetterin salý, eldi mekenderdiń aınalasyn qulatý, drenaj júıelerin salý jáne jóndeý jumystaryn júrgizgen. Nátıjesinde Yrǵyz jáne Qarǵaly aýdandarynyń 7 eldi mekeninde sý tasqyny qubylystarynyń týyndaý qateri joıylyp, oblys boıynsha qaýip-qater aımaǵyndaǵy aýyldardyń jalpy sany 42-den 35-ke deıin tómendedi.

«Biz qaýip-qater aımaǵynda 35 eldi meken ornalasqanyn aıtqan kezde, osy jyly eldi mekenderdi tolyǵymen sý basýy múmkin ekenin aıtyp turmaǵanymyzdy eskerýlerińiz qajet. Olardyń árqaısysynda sý basýy múmkin aımaqqa tek birneshe kóshe nemese tipti sýǵa jaqyn ornalasqan úıler de túsedi. Keıbir aýyldarda 10 jyldan astam sý tasqyny tirkelgen joq, biraq soǵan qaramastan biz barlyǵyn baqylaýda ustaımyz. 2016 jyly oblystyń eldi mekenderinde sý basý qaýpin boldyrmaý jáne azaıtýdyń keshendi jospary ázirlenip, onda nóser arnalaryn salý jáne jóndeý, sondaı-aq sý tasqynyna qarsy qorǵanys qurylystaryn salý jáne jóndeý sııaqty is-sharalardy kezeń-kezeńmen iske asyrý kózdelgen. 2017-2020 jyldarǵa arnalǵan sý tasqyny qateriniń aldyn alý jáne joıý jónindegi sharalar respýblıkalyq Jol kartasyna engizildi, onda aımaq boıynsha 44 is-shara bar», - dedi Qaırat Qasym.

Atap aıtqanda, Aqtóbe qalasynda sý tasqyny qaýpi bar Qarǵaly, Jaman-Qarǵaly, Peschanka, Butaq, Tamdy, Elek, Sazdy, Kúıeý sııaqty 8 ózendi tazartý, keńeıtý, túbin tereńdetý jáne jaǵalaýdy bekitý boıynsha aýqymdy jumystar bastaldy. Osyndaı jumystar sý tasqyny qaýpi bar aımaqtaǵy barlyq eldi mekenderde kezeń-kezeńmen júrgizilmek.

Aıta keteıik, eldi mekender aýmaǵynan 165 myń tekshe metrden astam qar shyǵaryldy. Oblys aýmaǵynda 165 gıdrotehnıkalyq qurylys ornalasqan.

Sý tasqyny oqıǵasy shıelenisken jaǵdaıda dep oblystyń azamattyq qorǵaý qyzmetteriniń kúshteri men quraldarynyń toby quryldy, onyń quramynda 2 myńnan astam adam, 732 birlik tehnıka, 105 birlik júzý quraly, 214 birlik motopomp bar.

Kóshiriletin turǵyndardy ornalastyrý úshin syıymdylyǵy 12 827 adam bolatyn 78 pýnkt daıyndaldy, 111,1 tonna janar-jaǵarmaı materıaldary, 9 513 tonna ınertti materıaldar qory jasalyp, 250 mln. teńge qarjy qarastyryldy.

Sońǵy jańalyqtar

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

54 adam jazylyp shyqty

Koronavırýs • Búgin, 06:39

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar