Sport • 23 Aqpan, 2019

Dzıýdoshylarymyz úshin jarys sátsiz bastaldy

215 retkórsetildi

Germanııanyń Dıýsseldorf qalasynda ótip jatqan «Grand Slam» týrnıri Qazaqstannyń dzıýdoshylary úshin sátsiz bastaldy. Jarystyń alǵashqy kúni tatamıge shyqqan bes jerlesimizdiń barlyǵy da jeńilip qaldy. 

Qazaq jankúıerleri áıelder arasynda beldesken jalǵyz ókilimiz Otgonseseg Galbadrahqa aıryqsha úmit artqan edi. О́kinishke qaraı, bul jarysta onyń joly bolmady. Olımpııa oıyndary men álem chempıonatynda júlde alǵan asa jeńil salmaqtaǵy Galbadrah germanııalyq Helena Graýdy jeńgenimen, kelesi kezeńde qytaılyq Iаnan Lıge ese jiberdi.

60 kılo salmaqtaǵy Rústam Ybyraev tusaýkeser kezdesýinde Ulybrıtanııanyń ókili Eshlı Makenzeden utylsa, Maǵjan Shamshadın ekinshi aınalymǵa deıin jetti. Ol kolýmbııalyq Santıago Kostanony qapy qaldyrǵanymen, slovenııalyq Davıd Starkerge jol berdi.  

66 kılo salmaqtaǵy Ǵumar Qyrǵyzbaevqa germanııalyq Sebastıan Seıdl san soqytyryp ketse, Eset Qýanov Petar Zadro (Bosnııa men Gersegovına), Danıel Gargnın (Brazılııa) jáne Ahmed Ábdelrahmannan aılasyn asyrǵanymen, Ońtústik Koreıanyń oǵylany Lımhvan Kımge áli jetpedi. Jubanysh básekesinde qandasymyz mońǵolııalyq Bashýý Iýndonperenleıden jeńilip, júldeli oryndar úshin talasý quqyǵynan aıyryldy.

Dıýsseldorfta ótip jatqan jarystyń aldaǵy kúnderi biz Bekádil Sháımerdenov pen Nurlan Orazalın (73 kılo), Qajymuqan О́teýlıev (81 kılo), Ersulatan Muzapparov pen Ázız Qalqamanuly (90 kılo), Aıbek Serikbaev pen Vıktor Demıanenko (100 kılo) jáne Erasyl Qajybaev pen Ádil Orazbaev (+100 kılo) syndy balýandarymyzdyń ónerin tamashalaımyz.

Ǵalym SÚLEIMEN,

«Egemen Qazaqstan»

Sońǵy jańalyqtar

«Birgemiz» qoryna 13 mlrd teńge tústi

Qazaqstan • Búgin, 18:32

Koronavırýs Kókshetaýǵa da keldi

Koronavırýs • Búgin, 18:24

Kógildir ekranda – jańa melodramma

Rýhanııat • Búgin, 18:04

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Uqsas jańalyqtar