Qazaqstan • 26 Aqpan, 2019

Kásipkerlerdi tolǵandyrǵan saýal kóp

344 retkórsetildi

Aqpan aıynyń ortasynda «Nur Otan» partııasynyń Parlament Májilisindegi fraksııasy janyndaǵy Ekonomıkalyq saıasat jónindegi keńes otyrysynda kásipkerlikti qoldaý máselesi talqylanǵan bolatyn.  Otyrys aıasynda Ulttyq ekonomıka mınıstrliginiń departament dırektory Aslanbek Jaqypov jyl basynan bergi ishinara tekseristerdiń ornyna jańa baqylaý ınstıtýty engiziletinin habarlaǵan-dy. Baqylaýdyń maqsaty - kásipkerlerge kómek kórsetip, keńes berý. Osyǵan baılanysty mınıstrlik bızneske arnalǵan qoǵamdyq qabyldaýlar ótkizýdi josparlaǵan bolatyn.

Osylaısha, Almatyda bastalǵan úsh kúngi qoǵamdyq qabyldaý barysynda bıznes ókilderi memlekettik organdarmen bir alańda ózderin tolǵandyrǵan máseleler boıynsha pikir almasty. Ulttyq ekonomıka mınıstrliginiń departament dırektory Aslanbek Jaqypov osy kezdesýde kásipkerler tarapynan aıtylǵan kóptegen saýaldy tyńdap, usynys-pikirlerine nazar aýdardy. Otyrystyń ózekti taqyrybyna aınalǵan jer bólý, sáýlettendirý, salyq, jarnama máselesi memlekettik organdardyń nazaryna alyndy.

«Atameken» UQP Almaty qalasy Kásipkerler palatasy dırektorynyń quqyqtyq máseleler jónindegi dırektory Aıtýar Qoshmambetovtyń aıtýynsha, 2014 jyldan bergi aralyqta kásipkerlerdi tolǵandyrǵan máselelerdiń arnaıy tizbesi jasalǵan. Olardyń qatarynda syrtqy jarnama tólemaqysy, saýda núktelerine tutynýshylardyń qoljetimsizdigi, qala boıynsha salyq kóleminiń joǵarylyǵy, avtoturaq, t.b. máseleler bar. Búgingi kúnge deıin jarnama ornalastyrýda túıtkildi jaıttar kóp. Osy oraıda júrgizilgen kelisimder boıynsha kásipkerlerdiń erikti túrde ruqsat alyp, salyq tóleýine oraı arnaıy hat joldanatyn bolady. Bıznes salasynyń jumysyna birqatar kedergi keltirip otyrǵan qaladaǵy avtoturaqtardyń qolaısyzdyǵy da ózekti jaıt. Osy baǵytta da qolǵa alynǵan sharalar óz sheshimin taýyp keledi. Al Kásipkerler palatasyna sońǵy úsh jylda belgilengen salyq kólemin tómendetýge baılanysty túsken ótinishterge oraı tıisti organdar tarapynan arnaıy jumystar júrgizilýde.

Qaraǵandy oblysy Kásipkerler palatasynyń  dırektory, sarapshy Gúlnar Qurbanbaevanyń aıtýynsha, búginde kásipkerlik salasynda memelekettik baqylaý organdary tarapynan ketetin kemshilikter jetkilikti. Sonymen qatar jer bólý, tehnıkalyq ruqsat qujattaryn berý, toqsandyq esep ótkizý kezindegi jıi  bolatyn ózgerister, salyqtyń kóbeıýi, jarnamaǵa salynatyn aıyppuldar kásipkerlerdiń narazylyǵyn týǵyzýda. Al kásipkerlerge júıesiz, orynsyz salmaqtyń túsýi kóleńkeli bızneske jol ashatyny sózsiz. Sonyń saldarynan bıýdjet salyqtan qaǵylyp, tutynýshy sapasyz taýarǵa tap bolady. Munyń syrtynda áleýmettik máseleler de jetkilikti.

Al Qazaqstan kásipkerleri forýmy dırektorynyń orynbasary Gúlnar Qýanǵanova búgingi bıznestiń tynysyn dóp basqanda memlekettik qoldaý kimderge jasalady, sýbsıdııalar kimderge beriledi degen saýaldar mazalaıtyndyǵyna toqtaldy. Sebebi, sýbsıdııalardyń qoljetimsizdigi týraly másele sońǵy ýaqytta kásipkerlerdi jıi tolǵandyryp keledi.

Kásipkerler men bıznes ókilderiniń ashyq alańy kókeıde júrgen ári sheshimin tappaı kelgen birqatar máseleniń oń sheshimin tabýyna yqpal etip, tıisti organdar qaperge almaı otyrǵan jaıttarǵa qozǵaý saldy. 

Elvıra SERIKQYZY,

ALMATY

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar