01 Naýryz, 2019

Vıtalıı Tvarıonas: Keń peıildi halyqqa dán rızamyz

354 retkórsetildi

Biz 1 naýryz – Alǵys aıtý kúnin úlken qurmetpen jáne erekshe yqylaspen qarsy alamyz. Bul táýelsiz Qazaqstandy qurýǵa múmkindik bergen, bizdi ósirgen adamdarǵa degen izgi nıet bildirý men meıirimdilik kúni. Bul bolashaq urpaqqa úlgi bola bilgen adamdarǵa kórsetiler qurmet.

Bizdiń elimizde kópultty Qazaqstan halqynyń óz dástúrleri men ádet-ǵu­ryp­taryn saqtaýyna, búkil álemge óziniń beı­bitsúıgish saıasaty men bir-birine degen jaqsy kórshilik qarym-qatynasyn kór­setýine biregeı múmkindik bar.

Biz, Qazaqstanda turatyn lıtvalyqtar óz jerinde ómir súrip, taǵdyrdyń talaı qıynshylyqtaryn bastarynan ótkerip jatsa da, qıyn-qystaý jaǵdaıda, basqalarǵa kó­mektesýge múmkindik tapqany úshin qazaq halqyna rızashylyǵymyzdy bildiremiz.

Qazaq halqy tarapynan bizderge kórsetilgen jaqsylyqtyń, izgilik pen qoldaýdyń ondaǵan, tipti júzdegen mysaldaryn aıta alamyz, sonyń arqasynda qazir biz beıbitshilik pen ózara túsinistikte, kelisimde ómir súrip jatyrmyz. Taǵdyr tálkegimen qýǵynǵa ushyrap Qazaqstanǵa qonys aýdarǵan etnostar óz tarıhynan Qazaq eliniń baýyrmal da qonaqjaı qasıetin óskeleń urpaqqa jetkizip keledi. Adamgershilik qarym-qatynastyń úlgisine aınalǵan aıshyqty mereke – Alǵys aıtý kúni Qazaqstan Respýblıkasynyń Prezıdenti N.Á.Nazarbaevtyń Jarlyǵymen Qazaqstan halqy Assambleıasynyń qurylǵan kúnimen sáıkes merekelenedi. Elimizde turatyn 130-dan astam etnostar bul aıtýly kún­niń mán-mańyzyn óte jaqsy biledi ári qur­metteıdi.
 Qazaqstanǵa búginde álemniń túrli elderinen keletin qonaqtar taza kóńil­men, shyn peıilderimen qýana atbasyn bu­rady.

Biz 2017 jyly EKSPO kórmesin, Álemd­ik dinder sezin ótkizdik, ıadrolyq qarýdan bas tarttyq, biz EQYU men BUU-nyń beı­bit­shilik súıgish saıasatyndaǵy qararlaryna qoldaý kórsetemiz. Bizde Memleket basshysy basqaratyn beıbitshilik pen kelisimniń biregeı ınstıtýty – Qazaqstan halqy As­sam­­bleıasy bar jáne onyń atqaryp otyr­ǵan aıshyqty da aýqymdy jumystary búkil álemge tanymal. 

Elimizde qazaqstandyqtardyń bıznes­pen aınalysýyna barlyq jaǵdaılar qaras­tyrylǵan, sondaı-aq ınvestorlardy tartý úshin de tıimdi tásilder jasalǵan.

Bizdiń lıtvalyq dostarymyzdyń birine Qaraǵandy oblysyndaǵy bizdiń óńirimiz unady, ol erekshe «Lıtvalyqtar aýlasyn» salyp berdi, biz óz merekelerimizdi, ózge de is-sharalarymyzdy osynda rızashylyqpen jáne tegin ótkizemiz.

Bizder úshin salynǵan, etnomádenı bir­lestikterdiń basyn bir jerde shoǵyr­lan­dyratyn «Dostyq úıimiz» sekildi záý­lim sa­raıymyz bar jáne zaman talabyna saı boı kótergen ǵajap ǵımarat úshin, beı­bitshilik pen kelisimniń, dostyq pen jaq­sy­lyq­tyń saltanat qurýyna negiz qala­­ǵan qutty shańyraq úshin Elbasy Nursul­tan Ábishuly Nazarbaevqa zor alǵy­sy­myzdy bildiremiz.

Mundaı asyl qasıet pen qaıyrly batyldyq úlgisiniń búginde bizdiń jańa býynymyzdyń boıynan da kórinis taýyp otyrǵanyna kýá bolyp otyrmyz. Bizdiń izbasarlarymyz, jelkildep shyqqan quraqtaı bolyp tamasha jastarymyz ósip keledi, olar Qazaqstannyń bolashaǵy. Osy oraıda bıylǵy jyldy Memleket basshysy Nursultan Ábishuly Nazarbaevtyń Jastar jyly dep jarııalaǵany kezdeısoqtyq emes. Biz jastarǵa memleket, bıznes, otbasy qurý isinde ózin tanyta bilýine, táýelsiz elimizdiń odan ári órkendeı túsýine úles qosýyna jan-jaqty biregeı múmkindikter jasap kelemiz. 
Men bolashaqta bul urpaqtyń da bizge rıza bolatyndyǵyna senim artamyn.

Vıtalıı TVARIONAS,

Qaraǵandy oblystyq «Lituanica» lıtva etnomádenı birlestiginiń tóraǵasy, Qazaqstan halqy Assambleıasy tóraǵasynyń orynbasary 

QARAǴANDY

Sońǵy jańalyqtar

Koronavırýs Kókshetaýǵa da keldi

Koronavırýs • Búgin, 18:24

Kógildir ekranda – jańa melodramma

Rýhanııat • Búgin, 18:04

Salyq salmaq salmaıdy

Qarjy • Búgin, 17:50

MÁMS boıynsha jeńildik merzimi uzartyldy

Medısına • Búgin, 17:45

Betperde kıgen kóktem - 3

Tanym • Búgin, 17:30

Qazaq operatory Týrınde bas júlde aldy

Qazaqstan • Búgin, 17:29

Atyraý: Úsh adamnan koronavırýs tabyldy

Koronavırýs • Búgin, 17:18

Kóktem - órttiń órshıtin shaǵy

Aımaqtar • Búgin, 16:32

Indeksasııa qalaı júrgiziledi?

Qarjy • Búgin, 16:23

Uqsas jańalyqtar